[poem=font="Simplified Arabic,6,black,normal,normal" bkcolor="burlywood" bkimage="backgrounds/26.gif" border="outset,5,crimson" type=2 line=0 align=center use=ex num="0,black"]
بعد ماجربت في دنياي ذيه = باخذ الجزلات من بعض العلومي
ودي أخذ خمسة ٍ وانسى البقيه = وانتخي فيهم ليا جالي لزومي
من خيار الربع وعزومه قويه = وش لزومي يا السنافي بالرخومي
الرجال أهل الوفاء دايم وفيه = والخوي معهم معزز ومحشومي
رافعين النفس عن درب الرديه = الرجال أهل الكرم وأهل السلومي
وش أبي باللي مرافقهم خطيه = رفقت الرديان تنقص كل يومي
خل ولد اللاش يقعد مع طليه = لو تمرجل يوم طيبه مايدومي
لو أبشرح يصعب المعنى عليه = فسروها يا مفسرة الحلومي
شف بالي شب نار وشاذليه = ومجلس ٍ كله مشاكيل قرومي
غب سيل الوسم في فياض ٍ عذيه = شوفها يجلي عن القلب الهمومي [/poem]





وســــــــــــــــــــــــــــــــــــــلامتــــــ ـــــــــــــــــــــــــكم





قـــــــــــاسي وراســـــــــــــي