صباح الخير

اليكم هالقصيده المعبره عن نفسها عسى تحوز على رضاكم


[poem=font="Simplified Arabic,5,black,normal,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
يا نايف بن عبدالعزيز ال سّعود= اصدر قرارك ياوزير الداخليه
لعل حالي عقب ماروح يعود=يعود حالي فالليال السرمديه
قلبي تولع صار مغرم فالعنود=يامل قلبٍ راح مع عين بدويه
لا جيت اوصف خايفٍ وصفي يحود=ويضيع وصفي في جمال الاجوديه
ام العيون الناعسه وام الخدود= وام الكلام العذب والبسمه نديه
سجيت معها دون قيد ولا حدود=عشنا حياة الحب في نجد العذيه
مابين همس العشق مع عطر الورود=بين الحدايق صارت الورد شذيه
والحال كله صار فسهود ومهود= ولا حدٍ يزعل فالخفى حتى خويه
اسهم غرامي من صعود اليا صعود=واللون الاخضر والموشر في يديه
وكلٍ حفظ ميثاق حبه الوعود=متمسكٍ بعهود وعقودٍ قويه
حبٍ مايبغى لا جماهير وشهود=نسبة نقاوة حبنا ميه فميه
هذا قبل (موجود) والخدمه تزود=من بعدها صارت نواياها خفيه
صارت سمانا من بروق اليا رعود=عواصفٍ ورياح هبت موسميه
من بعد سكرت حبنا وخيرٍ وجود=صارت لواهبها على قلبي حميه
وقت اتصالي قال راجعنا وعّود=عّود اتصالك بالصبح ولا العشيه
ارفع خطابي في سجلات الورود=لصوب من هو دايمٍ ينهي القضيه
يانايف اللي هيبتك هيبة فهود=اللي لذكرك دقت العالم تحيه
ماساد فالوقت القوي الا الاسود=وانا اشهد انك سدت والنيه مطيه
ورايك اللي عندنا دايم يسود=ياشخص واحد يسوى في عيني بريه
اصدر بيانك والغها يابو سعود=نبغى جوابك ياوزير الداخليه[/poem]

بـــــــــــــــــــــراكـــــــــــــــــــ