اترككم مع ابيـــات للشـــاعره ... ( أطلال )
فـ عــذراً للمســـاحـات ولأرواحكــم


وش مجـزعٍ عينـي إذا طـوّل الليـل !

وأمرح على أطـراف المناديـل كحلـه ..

دام البكـا منـوة جـفـاف المنـاديـل ..

من طيب خاطر جفنهـا ينفتـح لـــه ..

يا روح له طبـعٍ مثـل نزعـــة الخيـل ..

مخلوقـــة من باب رحلـه .. لرحلـه ..

شحـت علـي بالحلـم كـف المقابيـــل ..

وش ذنبي ان كان القدر ما سمح لـه ..

أحلامنا مثل الشجـر ..( والمحاصيـل)

( محدٍ يحقق حلمـه اللي طمـح لـه !!)

خل الدموع تسيل .. وتسيل .. وتسيـل

وتغسل كيانٍ ضمــه .. وما صلح لـه !!

واللـــه يـا دمـع عقـب هـدة الحـيـــــل ..

ان صاحبـــه فـي وقتنــا ينفـرح لـه !!

ترى البكا نعمـــه .. مثـل نعمـه السيـل ..

ان جاكـ وإلا يا جفـــن انـت رح لـــه !!

حقـق منـى منديــــل .. دام المناديـل !!

تستوعب اللي بالخفــــا ينشـرح لــه ..

وآنا ما عـاد اجـزع إذا طـول الليــــل ..

ولو طاب جرح من السهـــر بأنجرح له !!






بنت ابوووها