ما هو شعورك لو لم يرد احد على مواضيعك

[سعودي نت]

ما هو شعورك لو لم يرد احد على مواضيعك

كيف الحال ؟ كيف الصحة ؟ ما في سعال ؟ ما في كحة ؟ (<<يستخف دمه كالعاده)

اخواني اليوم جبت لكم سؤال اتمنى تجاوبون بكل صراحة

ما هو شعورك لو لم يرد احد على مواضيعك ؟؟

انا اقول رايئ هاهاهاهاهاها 2

انا من ناحيتي اعصب وازعل ويضيق صدري واحقد على الاعضاء لأنهم ما ردوا وتقفل الاخلاق واتمنى اني ما

حطيت الموضوع واتمنى اني ما شاركت بالمنتدى واتمنى اني ما عرفت النت وازعل على ابوي الله يرحمه لأنه

شرالي الجهاز وتصير حياتي صعبه واصاب بأكتئاب نفسي شديد ويغمى علي واقعد اتنافض على الارض

وينهبلون اهلي ويتصلون على الاسعاف ويشيلوني الاسعاف ويودوني المستشفى ويحطوني بالعنايه المركزه

ويلتمون اهلي وقرايبي عند الغرفه ويقعدون يبكون والدكاتره يهدون فيهم ويقولون خلو ايمانكم بالله قوي ويضيق

صدر ابوي الله يرحمه لأنه شرالي الجهاز ويحقد على المنتدى ويمسك جواله ويكلم (المصور ) ويكون المصور

قاعد على النت المسكين ويشوف موضوعي وما يلقى رد ويعصب على الاعضاء لأنهم ما ردوا لأنه عااارف

حالتي لو ما احد رد على مواضيعي وهو قاعد يكتب الرد فجأه جواله0 يدق ويطلع ابوي الله يرحمه ويقعد يهزء فيه ويهاوشه والى اخره

نرجع للمستشفى:

وبينما كان الدكتور يكشف علي واهلي وقرايبي يحتروون وش تشخيص الدكتور لحالتي

خرج الدكتور من غرفة العنايه المركزه وهوضايق صدره ويطالع الارض ويقول :

وين ابو المريض.......... ويرد ابوي الله يرحمه سم ..اااامر يادكتووور ...بشر وش صااار على ولدي

ويقوووله الدكتور ممكن نتكلم على انفرااااد

قال ابوي الله يرحمه ليييش لأ تفضل

قال الدكتووور ولدك يعاني من مرض هو مصااااب فيه من زماااان وماله حل ولا نقدر نعالجه لأنه مرض لم

يكتشف له علااااااااج

وقال ابوي الله يرحمه و الدمعه قد تدحرجت من عينه كما تتدحرج دمعة طفل فقد ابويه واعز ما يملك(<<<

ياعيني على التشبيه ) وشووو مرض ولدي

قاال الدكتووووووور المرض هو







هو





هو








هو للأسف







هو خفة الدم الزايده عن حدووووودها

وش راايكم بالقصه

انا حاااس ان البعض منكم مااااااااااااااات من الضحك والبعض الاخر قااااال يا ثقل طينته مستخف دمه بزياااده

ولكن نرجع لموضوعنا الاصلي اللي هو جوابي بصراااحه ادا ما رد على موضوعي احد(علما بأن القصه اللي

فوووق كانت مجرد مزحه بايخه )

اولا <<<< دخلنا الان في الفلسفه

اقنع نفسي بأن الموضوع اصلا لم يظهرللأعضاء

وادا انا ما اقتنعت ....عندها انتقل للمرحله الثانيه وهي:

اااااااااااخدها بروووووووح رياضيه واقول خيرها بغيرها ولكن قد يصيبني بعض الاغماء والقليل من الاكتئاب

واقووول لنفسي لازم اعرف كيف اختار المواضيع اللي تلفت الانتباه وتلزم العضو على الرد


وفي النهايه:

احب اقووول ان فجر السعيد كلمتني علشان القصه تبي تسوي منها مسلسل رمضاني بأسمها بعنوان (انتبه من النت

لا يصيرلك مثل ما صار ( للعجلان)

ولكني رفضت لأسباب شخصيه

هاهاهاهاها
انا الان ودي رايكم ياحلوين ويششششش تقولون

تحيااااااااتي لكم
__________________



°ˆ~*¤®§(*§*)§®¤*~ˆ°اخوكم/ســـــعودي نـــــــــــــــــــــت°ˆ~*¤®§(*§*)§®¤*~ˆ°