قصيده لشاعر مجهول وهو حبيب تعرف على حبيبته من مشيتها في مكان عام ومع ذلك لم تعرفه ..!!
يقول فيهآ:
[align=center]شفتها يا سعود صدفه بعد مـا غابـت سنيـن
عند قسـم المختبـر وسـط مشفـى الجامعـه
جيتها ثم قلت ممكـن فـي سؤالـي تسمحيـن
ناظـرت فينـي بدهشـه نظـره متواضـعـه
قالـت انتـه تحسبنـي مـن بنـات صايعيـن
تحسبني فـي زمانـي عـن طريقـي ضايعـه
قلـت انـا مـاراح اطـول كلبوهـا كلمتـيـن
وابعـدت عنـي شويـه ثـم جتنـي راجـعـه
قالت اسال واضـح انـك مـن رجـال طيبيـن
بس هرجـك يالسنافـي كـان وشهـو دافعـه
قلت انـا حبيـت وحـده يـوم كنـا صغيريـن
ومن ثمان سنيـن راحـت للمواصـل قاطعـه
عقبهـا ماذقـت نــوم يهتنـيـه النايمـيـن
ساهر في طول ليلـي ليـن شمسـي طالعـه
اذكر انه فيه حبـه فـوق ثغـره مـن يميـن
واذكـر انـه لاجرينـا كـن شعـره تابـعـه
واذكـر انـه عاشـق الــورد والياسمـيـن
وصار قلبي بالـورود اللـي عشقهـا زارعـه
طابعا اسمه بقلبي فيه (سيـن) وفيـه (عيـن)
وفيه (الف) وفيـه (دال) وسـط قلبـي طابعـه
قاطعتنـي بقولهـا سبـحـان رب العالمـيـن
كررتهـا مــره .. ومرتـيـن .. ورابـعـه
قلـت وشفيـك وشبـلاك يابنـيـه ترجفـيـن
ليـش عينـك يابنيـه مـن كلامـي دامـعـه
قالـت الموقـف وقلبـي والمحبـه والحنيـن
كيـف اشوفـك بعـد ماكنـت عنـك قانـعـه
قلـت انـا بسألـك ان كانـك انتـي تذكريـن
عـن مواثيـق ثمنهـا مـن حياتـي دافـعـه
قالـت ظـروف الزمـان ماتطيـع العاشقيـن
بيعوني غصب حبـك لـو هـو مانـي بايعـه
انا فـي دنيـاي حالـي كنهـا حـال السجيـن
حتى لـو فكـوا سراحـه فيـه شـي ٍ مانعـه
زوجوني غصـب واحـد وحرمونـي حاجتيـن
السعـاده فـي زمانـي والحـيـاه الرائـعـه
والحيـن انـا ام لثلاثـه ريــم وياسمـيـن
والولد اسمه على اسمك والمشاعر ضايعه ...!! [/align]
.................................................. ...
قرأتها وأعجبتني وحبيت انقلها لكم :mmmQ:
مواقع النشر (المفضلة)