الوداع صعب شيخ الوفاء
تحياتي لكم اخواني بدون مقدمات أمل اتحوز على اعجابكم
الوداعه
لوغبت ياصاحبي فالقلب موجــود
صورتك مــافارقتني ربع ساعـــه
غلاك زايد ترى مــاهوب مــحدود
مــاهوب حب التصنع والا شــاعه
حبك ترى مــانقص تراه في زود
في كل يوم(ن) يزيد الك ا لتياعـه
ياصاحبي في غرامك صرت محسود
حتي من أهلي ومـــن كل الجماعــة
يــاصاحبي بيننا ميثاق وعــهــود
عهدٍ مـــوثّق على سمــعٍ وطاعــة
وحبل الثقة بيننا ثابت ومشدود
والحب يقدر على أصحاب الشجاعة
ومجار ياصاحبي ما فيك منقود
مذكور بالطيب من وقت الرضاعة
وباب الخطاء فيك متقفّل ومسدود
تحسن مع الناس قدر الاستطاعة
أفرح يلا شفت زولك وانا منكـــود
والهرج منّك يشوقني إستماعـــة
الله مـــيّزك بين البيض والسود
بالزين والدين واعطاك القناعـــة
تهنّ ياصاحبي فالعمر مــعـــدود
خذيتني في غرامك بالبراعـــــة
ياريحة المسك يا عنبر ويا عــــود
يازهرة البيت يامحلا طباعــــــة
يانسمة الصبح راعي الطيب والجود
ياورد ماهوب في سوق البظاعة
كني معك عايشٍ فـــي روضة ورود
والقلب في حبكم نوّخ شراعـــة
لاجيت اودّعك صاب الـــقـــلب عبرود
وداعتك الله لاتنس الــــوداعــــة
اخوكم الشاعر عايض الشمراني
شيخ الوفاء
رد مع اقتباس
المشاركة الأصلية كتبت بواسطة الحوراء-بنت نجد
مواقع النشر (المفضلة)