يا خالق الدنيا ومحصي عبيده
يالله طلبتك ترحم اللي فقدناها
أنا أشهد إنها فقيده
والله يصبرنا عن اللي فقدناه
يالغالية يا أم الخصال الحميده
الموت حق وحكم ربي رضيناه
جتنا على فرقاك صدمه شديده
يا شين علم الموت يابوك شيناه
قلبك حنون وبك مزايا عديده
عقبك لباس الحزن حنا لبسناه
شيخة عرب فيك الوصوف الفريده
ويا كثر دمع عقب موتك ذرفناه
في جنة الفردوس جعلك شهيده
وجعلك مع صفوة نبي عرفناه
:: حبيبتي حطمتني ::
يا الله يا علام يا خير معبود
يا واحدٍ دايم عليه اتكالي
يمن كتابه يوم شاهد ومشهود
ياللي إلى بيتك تشد الرحالي
في جنة الأعناب والطلح منضود
اجعل مقرها يا عظيم الجلالي
وصلاة ربي عد ما هبت النود
واعداد ذرات الفضاء والرمالي
على النبي اللي له الخير معقود
شفيعنا في يوم هول السؤالي
:: حبيبتي حطمتني ::
حنونة القلب ونشمية ورائعة وبنت شيخ
رهيفة حس إنسانه ولا نلحق أساميها
عليكي رحمة كل ما حل طارئ
نطلب عسى الجنة مقرك ومنزال
تكرمين بها وتنعمين بها عند باري
وأعمالك الحسنة تظللك بظلال
في ساعةٍ فيها الخلايق عواري
ونطلب عساك تعامل بخير الأعمال
اللي يمينك قدمتها اختياري
جعلك من الناجين في يوم الأهوال
لك داخل الجنة مقر ومحاري
:: حبيبتي حطمتني ::
رحلتي ونورك بكل الدروب يشع واطيابك
تفوح وسيرتك ياطيبة مثاليه
عسى غيث من الغفران ينزل يسقي ترابك
ونفسك فالخلود تعيش راضيةٍ ومرضيه
وانا يا لله طلبتك وانت ابد ما خاب طلابك
رجانا يارجى اللي فيك ما خابت رجاويه
:: حبيبتي حطمتني ::
الموت حق ولا على الموت حيلات
كم واحد مات وكلا جسمه الدود
من طال عمره مات ولا قصر مات
ما حدٍ على عيشة زمانه بمحسود
إلا على السنة وتطبيق الآيات
سنة نبي مرسله خير معبود
:: حبيبتي حطمتني ::
خالتي نورة ماتت وا حسافاه
والموت حق ولا نقدر نرده
لو ينشرا العمر للخاله شريناه
ياالله عساها من النيران منجاه
نور المكان انطفى ما فيه رده
أم حنونه عن الزلات معفاه
كم واحد حط يدها له مخده
ضحوا لها باقرنٍ مهوب بالشاه
وأنا باضحي لها قدر وموده
أدعوا لها بأول المسعى باتلاه
من حج يدعي لها روحه ورده
:: حبيبتي حطمتني ::
محشومة عن كل عيب وذمّي
أمّ الكرم منصى الاراملْ والايتامْ
ما هي من اللّي بالخلايقْ ينمّي
حياتها ذكرٍ وتسبيحْ وقيامْ
أمّي كما بيرٍ غزير المجمّي
ماها قراحٍ ينبتْ ازروع وانعامْ
تاريخها يشهد بخيرٍ يعمّي
حقيقةٍ ما هي سواليف واحلامْ
يا طولها لحظة غيابي عن أمّي
وشلون ابسلاها أبدْ طول الأيامْ
:: حبيبتي حطمتني ::
بكيت لموتها.. معاد ينفع بالوجع كتمان
دموعٍ ما تبل إلا الجروح إلا تحاتيها
بكيت ومن غلاها في نقاها تبكي القيفان
وأنا مالوم هالقيفان لو تبكي وترثيها
يا رب اطلبك باسماك وصفاتك ياعظيم الشان
يا رب اطلبك مغفرتك لها رحمتك تعطيها
يا رب ما طلبت إلا تجود بنعمة الغفران
على اللي بلسم التحنان نلقا مصدره فيها
أحس بموتها ما عاد باقي فالبشر إنسان
سوا صوت الألم ينهش عواطفنا ويدميها
:: حبيبتي حطمتني ::
أنا أدري أن الموت ما عقبه رجوع
والنفس دبرتها بيد وَهَّابها
لاكن ابدعي في السجود وفالركوع
عسى الجنان المخضره تهنا بها
والله يبيحك من خفا القلب الخشوع
والأرض قبرك تكتسيه أعشابها
دعوه وأنا مؤمن وبالواقع قنوع
والا الدموع أنته تراك أسبابها
:: حبيبتي حطمتني ::
يا لله يلّي كلنا مرتجينه
يا واحد ما خاب منهو ترجاه
نسألك ما غيرك احد سائلينه
يا لله يارب المخاليق يا لله
عبدك ياربي رافع لك يدينه
يدعيك من قلبه ومخلص لك دعاه
حزين ونفسه يا إلهي حزينة
على اللي في غفلة فجعنا بفرقاها
:: حبيبتي حطمتني ::
مواقع النشر (المفضلة)