أخــاف الله يعذبـنـي وأنــا . . . . . . . . خــواف
يا بنت أرجوك أنا ما أقدر كفانـي ماضـي الغلطـات
أخــاف الله يعذبـنـي وأنــا خــواف يا بنـيـه
وأخـاف بساعـة اللـذة يجينـا هــادم الـلـذات
ويأخذ مـن حشـى جوفـي بقايـا روحـي الحه
عيوني مـن كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه
صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويـه
يابنت أنتي على بالـك أبأخـذ مـن بنـات الشـات
أجـل مجنـون أنـا يابنـت أشيـل العقـل بيديّـه
ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه
وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه
أنا أضحك مِعك ومنك وعليك أكثّر الضحكات
كأنـي بالـهـوى جـنـي يعـبـي راس جنـيـه
وأنا مانـي بخكـري يلبـس القمصـان والشرتـات
ويفـرح قلبـه المسكـيـن إذا حــب له بنيه
ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه
وحشرتـي ردفـك المسكيـن بالبنطـال والجنـزات
خلاقـيـنٍ تصنّعـهـا مـزاجــات اليـهـوديـه
عشاني ميـتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشـفـاك ورديــه
ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض العربيه
يابنت الناس عـزك فـي سـوادٍ يستـر العـورات
وعزي في شماغ أحمـر وثـوب أبيـض وطاقيـه
خليجيين نفخـر فــي عبـايـات الخليجيات
نغـض الطـرف إجـلالاًً إذا شفـنـا الخليجيه . . . . . . . .
وتقبلو تحيااااااااتي . . . . . . shmaly
رد مع اقتباس
مواقع النشر (المفضلة)