مسـاء الخيــر
شلوونكم يالزهريين والزهريات
طبعاً موضوعي هذي كتبته عقب شفت موضوع اخوي سعودي
فيه فكره في بالي من زمان ودي اكتب عنها بس ارجع اهون مدري ليش : (
وهي اننا نقدر ننصـر الرسول عليه الصلاة والسلام من خلال إحياء سننه المنسيـه
اللي اقصده أن فيه سنن وردت عن الرسول اغلب الناس ما يدرون عنها
وممكن لو عرفناها نستغرب منها بس هي فعلا وردت عن الرسول عليه الصلاة والسلام
وعندي اقتراح مدري اذا يناسبكم او لا .. ؟!
مثلاً لو نكتبها هنا بشكل مرتب وبعد كذا ممكن الاداره ترسلها عن طريق البريد الالكتروني
لـ كل الاعضاء وكل شخص منا يحاول يرسلها عن طريق الايميل أو رسايل الجوال
وتكون معتمده بـ اسم منتدى الزين كـ رساله منا للجميـع
الحين طبعـاً ماتحضرني كل السنن المنسيه بس فيه عندي كتاب البخاري يتكلم عنها
ومثل ماهوب معروف ان كتاب البخاري هو اصح الكتب بعد القران الكريم
لإنه بالفعل الناس ماعاد تدري عنها وهذا اعظم شيء نسويه اننا نحيي هالسنن
وهذي احد الاقوال اللي قريت عنهـا توصل اللي اقصده
عن عيسى بن يونس عن الأوزاعي ، عن حبان بن أبي حيلة عن أبي الدرداء رضي الله عنه قال :
" لو خرج رسول الله - صلى الله عليه وسلم - إليكم اليوم ما عرف شيئا مما كان عليه وأصحابه إلا
الصلاة " أخرجه البخاري
ومثل ماهوب معروف أنه من احيا سنه كتب له أجر من أحيى سنه أميتت بعده عليه الصلاة والسلام ،
والدليل على هالكلام حديث الرسول الله صلى الله عليه وسلم :
(من سن في الإسلام سنة حسنة فله أجرها وأجر من عمل بها إلى يوم القيامة دون أن ينقص
من أجرهم شيء ، ومن سن في الإسلام سنة سيئة فعليه وزرها ووزر من عملا بها إلى يوم القيامة
دون أن ينقص من أجورهم شيء )
ومن هالسنن كـ مثال عشان توضح لكم الصوره
فيه آكله تسمى ( التلبينه ) ذكرها الرسول عليه الصلاة والسلام باانها تذهب الحزن وكان يصنعونها
لـ إهل الميت وهي مثل العصيد عباره عن دقيق الشعير مع ملعقه عسل مع حليب وماء
( طبعاً لها طريقه ووصف معين لو تبون اذكرها لكم )
ومووب شرط اهل الميت حتى الشخص اللي حزين ومتضايق ممكن يآكلها لإن الرسول عليه السلام
وصى ونصح فيها لـ ذهاب الحزن ( وعن نفسي انا جربتها قبل كذا وفعلا والله راح الضيق اللي فيني )
وهالشيء ورد في حديث عن الرسول عليه السلام رواه البخاري
طبعاً السنن المنسيه كثيره ويبيلها بحث
اذا ناسبتكم الفكره ممكن اكتب لكم عن سنن كثيره منسيه
في إنتظار ارائكم
مواقع النشر (المفضلة)