والله مدري ليه ؟؟؟؟؟

[لحن ألمشآعر]

.
.
.
[poem=font="Simplified Arabic,5,white,bold,normal" bkcolor="transparent" bkimage="backgrounds/36.gif" border="solid,3,sandybrown" type=0 line=1 align=center use=ex num="0,black"]
.
.
..
. نبتت اوراق ٍ من الدمـع مرجوعـه = واعـذاب العيـن يالـيـل ياعيـنـي

.

. والهجوس امست من الهم مصدوعه = تنقسـم عنـد المسـا بالملاييـنـي

.

. واصبحت مسموحة النفس ممنوعـه = مُر ما فينـي سبـب كـل مـا فينـي

.

. عاجز ٍ من ضيقة الصدر واللوعـه = قاسيات الضيـق منهـا قسـا لينـي

.

. من سببها عندي الخمر مشروعـه = لو تحرمهـا هـل الشـرع والدينـي

.

. قلت يمكن لـو تجرعـت قرطوعـه = كاسة ٍ مـن خمـر يمكـن تنسينـي

.

. مير ربي جاعـل القلـب مطبوعـه = طابع ٍ فالقلـب خوفـه مـن اسنينـي
.

. ياعظيم الشان والنفـس مفجوعـه = لا تخليـنـي كـــذا لا تخلـيـنـي

.

. انت خابر ساهـر الليـل وادموعـه = وانت عارفني وما صار مـن حينـي

.

. انت مشبع خامص الطير من جوعه = وانت مسقي يابس الحلـق والطينـي

.

. وانت مشفي حامـل ٍ داه بضلوعـه = جـل شانـك يـا مميتـي ومحيينـي

.

. بارت الحيلـه والاوهـام منزوعـه = خالقـي وينـي دخيلـك انـا وينـي

.

. ضحكتي في كل الاحوال مصنوعـه = بروزتـنـي والحقيـقـه تبكيـنـي

.

. روعتني يوم انا ضحكتـي روعـه = في عيون اهـل الصفـا والمساكينـي

.

. وان بكيت. انسان واتعاب مدفوعـه = دمع عيني حق زينـي علـى شينـي

.

. في الدياجي يوم الاقـلام مرفوعـه = اجلس اسال ويش شيني ووش زينـي

.

. وان ذكرت اللي خذا القلب بطبوعـه = ابكـي ابـكـي واتـذكـر مبكيـنـي

.

. وان رحل غالي خذا السبت باسبوعه = اجلـس ابكيـه ألاحـد ثـم الاثنينـي

.

. احتمل طاريـه والنفـس ملذوعـه = عندي انه من ورا الهنـد والصينـي

.

. وان نظرت لحال الامه وانا طوعـه = قلت لولا القدس وش هـي فلسطينـي

.

. ديني الاسـلام والـروح مزروعـه = بالامـل واعلـوم مؤتـه وحطيـنـي

.

. كيف ماابكي دامت الكف مقطوعـه = والفتـن باجمـل لحنـهـا تغنيـنـي

.

. هل ؟ وهل كل الاحاديث موضوعـه = هل صحيح ان فيه غير الصحيحينـي

.

. هل فتاوى طالـب العلـم مجبوعـه = ام فتـاوى شيـخ الاسـلام تكفينـي

.

. هل صحيح الشهره اليـوم متبوعـه = لـو تعديـنـا حــدود وموازيـنـي

.

. هل سكوت الناس عن كل منطوعـه = يرضـي الله رب كــل المصليـنـي

.

. هل وهل والا هل النوع من نوعـه = هـل رضينـا حالـة الـذل ذليـنـي

.

. كيف ما ابكي والفرح جف ينبوعـه = مشكلـه ؟ مسلـم والاسـلام يعنينـي

.

. اخ . يالله دام الاوراق مرجـوعـه = انثري مـن صافـي الدمـع ياعينـي

.
.
.
.[/poem].



.
وسلامة الجميع .

أخوي محمد القحطاني





الله الله عليك يالغالي وعلى هالإبدااع جزله من شاعر جزل
لاعدمتك ولاعدمت وجود حرفك ووجودك يالقرم
صح لسانك وإعتلا شانك وسلمت يمناك
يالغالي لاهنت ولاهان حرفك




تقبل تحيتي وتقديري مع إنتضار إبداعك القادم



أخوكـ



سلمان المطيري ( لحن ألمشآعر )
دمـتـ لـنـا
بـخـيـر