السلام عليكم ورحمه الله وبركاته...

تقبلو مني هذي القصيده وانشاء تعجبكم يارب

من كل نبض صادق وتفضلو القصيده,,,,,=================================
حاولت أدور للخطا عندك أسبـاب
حاولت أشوف بعين ماهيب عينـي
حاولت الآقي لك عذر يقبل عتـاب
حاولت أضمك عمر تالـي سنينـي
حسبت لظروف الزمن عندي حساب
الا أنت ما ظنيت ظلمـك يجينـي
ظلمتني ظلـم المواليـن الاقـراب
ياكيف تقهر مـن بذاتـك سجينـي
جفيتني لين الجفا خاطـره طـاب
منك الجفـا جانـي يقبـل جبينـي
وهجرتني ذنبٍ عن المغفره غـاب
وجيتك غفور لكـل ذنـبٍ مبينـي
عطيتك اللي زاهـدٍ فيـه وهـاب
لا ما تكاثرت العطـا فـي يدينـي
وسلمتك المركب ولا فيـه ركـاب
غير الذي زانـك علـي راحتينـي
واليوم مدري كيف ظني بعد خـاب
وانا أعرف أن الحّر وعده ثمينـي
اليوم هو اليوم تقتـص الأعطـاب
والله لاحني بنـزف دمـك يمينـي
والله لاخلي دمعتك نـور الأهـداب
وابكي معك وابكيك وانسى حنينـي
واعلمك آن الهـوى فيـك كـذاب
وارجع واقول آن الهـوى مبتلينـي
واطمنك بالحب.. .. وافز مرتـاب
واقول بعد الحب .. .. لا تحتريني
بالعب على قلبٍ لعب فيـه نهـاب
واترك خيال الشوق بينـه و بينـي
واحكم على الشفه بمسنون الأنيـاب
واصيح يا ذا الموت لـو تشتهينـي
تعال وخذني لا تعـذر بالأسبـاب
الوقت هو الوقـت بعبـر سنينـي

===========م ن ق و ل===============

تقبلو تحياتي

أخــوك ][!][وعد الهوى][!][