[poem=font="Simplified Arabic,4,white,normal,normal" bkcolor="black" bkimage="" border="outset,4,white" type=1 line=0 align=center use=ex num="0,black"]
تحدتني ظروفي وأنا في زماني حي=وخلتني اقنب مثل ما يقنب الذيبي
اشوف الظلام وكني اشوف فيه الضي=سنى نوره يشعشع بروس المراقيبي
حداني على لا هوب شمس الرجال الفي=ليا من طرالي قلت انا راعي الطيبي
اعدي على هاذيك وارهي بذيك وذي=واحسب ان كل(ن)في نظر عيني اصحيبي
وانا ماني بداري وانا يمكن اني عي=ولو غرني وقتي فانا ساتر(ن) عيبي
صحيح ان بعض الناس فالوقت ما هو شي=حداه الزمان ولاح في راسه الشيبي
وصحيح ان بعض الناس طاويه حزنه طي=كما طي شالح عقب ما فارقه ذيبي
وصحيح ان بعض الناس ما يندرى وش هي=تكدر مشاربها وتصفي مشاريبي
بعضهم يقول ابغيلي حوجت(ن) يا خي=وليا من خذاها قام يشذب عراقيبي
حسيبي على من يحسب الناس شربة مي=يعذرب وهو مليان كله عذاربي
ما يدري عن اللى في زمانه تعذب حي=ليا جر صوته واعتلى فالمراقيبي [/poem]
للشاعر / ناصر بن حمد الضاحي الخالدي
مواقع النشر (المفضلة)