مشكورااااااات بناااات
ماتقصروون حبيباات قلبي
بصرااحه انتوا الخير والبركه
مشكورااااااات بناااات
ماتقصروون حبيباات قلبي
بصرااحه انتوا الخير والبركه
الجزء التاسع
رجعوا للرياض وأول مادخلت رندا لبيتهم راحت لغاده وضمتها وقعدت تحكيلها عن كل شي صار بالعرس..
وكتبت لها غاده: الله يوفقهم وعقبال مانشوفكي عروسه..
رندا لما قرت استحت وقالت : لا توني أنا صغيره..
غاده كتبت : لا صغيره ولا شي بتعنسي يادبه..
رندا: حرام عليكي ياغدو توني أنا..
غاده كتبت: علينا هذا الكلام , وطلال..
رندا انصدمت لما قرت: وش عرفكي?
غاده كتبت : لي زمان أعرف وكنت حاسدتكي مره لأنه يحبكي وأنا مديني أشكل بس الحين دايم ادعي لكي بالتوفيق.
رندا: تسلمين والله بس وش عرفك?
غاده تكتب: كنت حاسه هالشي من نظراتكم لبعض.
استحت رندا مره وانهت الموضوع.
.......
مر أسبوع على رجعتهم للرياض و رياض وديما للحين ماسافروا شهر العسل..
وكانت غاده تلح على زياد ورندا إنهم يسافروا وينبسطوا لكن هم رافضين عشانها..
بعد مرور أيام قرروا يسافرون إلى ابريطانيا تحديدا لندن رياض وديما يقضون شهر العسل وكمان زياد ورندا وطلال.
( أما غاده مثل ماانتوا عارفين ماتقدر تسافر )
.....
اجتمعوا ببيت زياد وراحوا مع بعض للمطار ..
.....
بالشرقيه
كان تركي أعز ربع ضرار يدور عنه بكل مكان لين....لقاه.
تركي:ياضرار مايصير الي تسويه بنفسك حرام عليك..
ضرار: أنت شنو يخصك ? وبعدين شعرفك إني هني?
تركي: أنا خويك وعشت معاك سنين وما تبين اعرف وين أنت..
ضرار ساكت...
تركي: ياضرار أنا فاهمك وعارفك إذا حاولت تبعد عن الناس فإن عندك خبر مو زين صح?
ضرار ....
تركي: رد علي ياأخووي تكفى.
ضرار بعد ترد: صح ياتركي صح.
تركي: طيب ممكن تقول شنو الخبر?
ضرار انفجر صياح.
تركي انصدم مو معقوله شنو فيه ليه جذي يبكي: ضرار ضرار ياأخوي أنت رجال ماتصيح.
ضرار بنرفزه وصياح: ومنو قاللك إن الرجال مايبكي هاه شوفني أنا أبكي ..
تركي : طيب قول شنو فيك?
ضرار والدموع تنزل من عينه: ياتركي أنا مرت علي أيام نفسيتي فيها تعبانه ومحد متحملني طلعت ع الدنيا فاقد أغلى إنسانين عندي أمي وأبوي والحين وآه يالحين ( وكمل بصوت مخنوق ) بفقد كل شي بحياتي خالاتي وأحلى عيال خالاتي وسامي سامي الي ماتفرقنا من كنا صغار وجا الوقت الي بيفرقنا وحتى أنت ياتركي بفقدك بفقد أغلى أخوياي ياتركي بفقدك .. (وانفجر يبكي زياده)
بعد ماسمع كلامه أخذ مفتاح سيارة ضرار ونزل ركض وفتح سيارته وقعد يفتش فيها ولحقه ضرار لأنه ما يبغاه يعرف بس وصل بوقت متأخر..
نزل تركي من السياره ووجهه أحمر من القهر ومعاه أوراق ومسك طرف تيشيرت ضرار وسدحه على السياره وعطاه كف ..
ويصارخ عليه: لهالدرجه وصلت فيك النذاله وماتقول لي عن هالشي..
ضرار بخوف: ماكنت ابي اضيق صدوركم.
تركي يسكته: كل تبن ياحقير أنت تعرف شنو فيك تعرف .. وتخبي عنا هالشي الخطير.. تبغا تموت وإحنا ماندري عنك هاه?
ضرار: ربي كاتبه.
انفجر تركي صياح وضم ضرار بقوه.. وبعد وقت تذكر شي وراح يركض وركب سيارته.
ضرار:تعال تركي وين رايح?
تركي وهو يسكر باب سيارته : لازم سامي يعرف..
ضرار: لا تركي تكفى.
لكن تركي ماسمعه وفحط بسيارته ..
جلس ضرار على الرصيف ومسك رجوله وقعد يبكي " آه الكل الحين بيعرف والكل بيرحمني ويبكي علي لا لا يارب مايصير هالشي " لكن دعائه كان بوقت متأخر وتركي وصل لسامي لأن سامي كان بصالة البلياردوا الي قريبه منهم.
......
في مكان ودوله جديده عن الروايه وهي
.,;'$ بريطانيا $';,.
في مطار هيثرو وصلت طائره من المملكه العربيه السعوديه ونزلوا منها شخصياتنا المهمه اخذوا شناطهم ولما كانوا بيطلعون من المطار.
رندا: يؤ نسيت شنطتي?
زياد : وهذي وشي?
رندا: لا أعني شنطتي الصغيره.
زياد: مو لازم.
رندا بحزن: لا كيف مو لازم أنا أحتاجها فيها اكسسوراتي ومكياجي ونظاراتي.
زياد: ماعلي منك طيب.
رندا: كيف ماعليك مني ?
زياد: خلاص رندا أنا صراحة مالي نفس أرجع كل هذي المسافه.
وتدخل طلال: خلاص أنا أروح اجيبها كيف شكلها?
رندا: شنطة صغيره ماركة بيربري.
زياد: روحي معاه عشان مايغلط ونبلش.
طلال انبسط: ايه أحسن امشي معاي.
رندا سكتت بس قالت يالله أروح معاه أحسن.
وصلوا لمكان الشنط وأخذتها ورجعوا كانوا طول الوقت ساكتين وطلال كان يحاول يكلمها.
طلال: رندا.
رندا: نعم.
طلال: حلوه شنطتك!
رندا: تسلم عيونك الحلوه.
طلال: الله توني أعرف إنك تقدرين تقولين كلام حلو.
رندا: ههههه وش دعوه?
طلال: الله ع الضحكه بس.
رندا انحرجت مره.
طلال بترجي: تكفين عيديها.
رندا: أنت إذا تجرأت تتجرأ بقوه.
طلال: هههههههههه عاد تصدقين ما أحس..
اكتفت رندا بإبتسامه لأنها حسته يبغى يسلكلها.أما طلال كبير عن هذي الأشياء وعرف قصدها وسكت.
المهم وصلوا لهم وأخذوا تكسي واتجهوا للعاصمه لندن وكان الطريق ساعه تقريبا.
....
نرجع للشرقيه
انبسط سامي لما شاف تركي وراح وسلم عليه واسحبه شوي عن الشباب.
شنو تركي وش السالفه?
سامي أنا أبي أتكلم معك عن موضوع يخص ضرار.
ضرار! شنو فيه?
تعال نطلع بسيارتي أحسن.
اوكي يالله نطلع.
طلعوا وركبوا سيارة تركي.
هاه طلعنا يالله قول لي.
اسمعني ولا تقاطعني اوكي.
لحظه شنو فوجهك? صايح?
هاه لا لا لا بس شوي حساسيه.
اها سلامتك يالله كمل.
الله يسلمك . سامي أنا عرفت مكان ضرار.
جد! وين? بسرعه اتحرك .
لحظه ياخي أنا قلت لك لا تقاطعني خلني أكمل.
اوكي يالله كمل.
رحت له وتكلمت معه وكانت حالته تضيق الصدر و يصيح كثير وهو يكلمني لكنه ما قال لي شي عن الي فيه وانا الي اكتشفت.
شنو اكتشفت?
قريت أوراق بسيارته كان تحليل طبي وكان فيه ال....(وسكت)
كمل شنو فيه?
وطلعت الدموع من عينه وشغل سيارته واتجه لضرار.
تركي تكفى كمل?
فيه المرض الشين ارتحت..
بصدمه قويه: شنوووووووووو?
مسك نفسه عن الانفعال لكن ماقدر.. وصبخ بيده على المسند والدموع تنهمر منه " لا مايصير أنت كذاب أصلا لا مو معقول يعني خلاص كلها أيام ويروح لاااااااا لاااا هذا أخوي وتوأمي روحي تطلع مع روحه لا إحنا مانفترق نموت جميع آآه " وكمل صياح
....
.:.:.:.:.:. لندن .:.:.:.:.:.
وصلوا لفندق الهيلتون وكان عندهم الصباح وقرروا يفطرون بعدين يروحون ينامون وأخذوا 3 غرف وحده لرياض وديما والثانيه لزياد وطلال والثالثه لرندا كانوا يبغون ياخذون سويت لهم جميع بس كل السويتات فل.
.....
بالشرقيه
عند أحد العمارات كان فيه شخصين متضامين بقوه ويبكون لدرجة إن تركي قال : شوي وتتخالط ضلوعكم مع بعض..
سامي: ضرار إنت لازم تروح الحين تسوي تحليل من جديد يمكن يكون غلطوا معاك بشخص ثاني..
ضرار " معقوله فيه أمل " : تتوقع فيه أمل.
سامي: ربي قادر على كل شي.
ضرار: بس والله لو يكون غلط بذبح الدكتور.
سامي: استغفر ربك بس.
ضرار: أستغفر الله..
راحوا للمستشفى وسوا تحليل جديد ..
وقالوا لهم بكرا تطلع النتيجه.
.....
بلندن
الظهر كان الجو دافئ شوي
طلعوا يتغدون بمطعم على نهر التايمر رندا كانت لابسه بنطلون جنز وبلوزه بيضا كم حيران وفوقه شال حرير كبير رابطته على رقبتها يوصل إلى ركبها ( زي الي يلبسونه الكويتيات الي ماتلبس عبايه )ولونه فوشي ومتلثمه بطرحتها ولابسه نظارات شمسيه إيطارها فوشي من ديور ..
وديما زي طريقة لبس رندا لأنهم رايحات يشترون الملابس الي زي الطريقه هذي مخصوص للسفره
لكن بنطلونها أسود وبلوزتها سودا وكمها حيران والشال خربزي فااااتح وبرضوا متلثمه بطرحتها ولابسه نظارات شمسيه داخل عليه تظليل وردي إيطارها مخطط أسود من شانيل.
رياض كان لابس جنز أزرق وقميص مخطط بأخضر ونظارات شمسيه سودا من لوسفيتون.
قعدوا على الطاولات وطلبوا كان المكان خياااال والنهر شكله حلو كانت رندا تصور بكميرتها الدجتل ومزعجتهم كل شوي تآخذ صوره لهم وطلال وزياد يستهبلون بالتصوير.
أما رياض وديما كانوا قاعدين بطاوله بروحهم والجو عندهم هادي مره.
رياض: وش رايك بالمكان حلو?
ديما: ايه حلو.
رياض: طيب افتشي.
ديما: أفتش!
رياض: ايه محد لمك.
ديما: اوكي.
فكت ديما لثمتها
رياض: ايه خلينا نشوف هالجمال هذا مو تخبينه.
ديما انحرجت منه: تسلم والله.
رياض: عاجبتك لندن وإلا نشوف غيرها?
ديما: لا لندن حلوه.
رياض: براحتك بس إذا ما عجبتك عادي قولي لاتستحين.
ديما ابتسمت: إن شاء الله..
.
زياد : أقول طلال.
طلال: نعم.
زياد: نعامه ترفسك إن شاء الله قول سم.
طلال: بسم الله علي وبعدين منو أنت عشان أقول سم.
زياد: هههههه غصب عليك قلت..
طلال: كل تبن بس وش تبي?
زياد: ماياكله إلا الي يقوله.
طلال: هههه طيب إخلص.
زياد: الحين مته بتفك تقويمك?
طلال: مو فاكه.
زياد: ليه?
طلال: ياخي أنا حاطه زينه أصلا.
زياد: كل هذا عشان الهلال.
طلال: وش اسوي بعد أعشقه.
زياد: كلنا نحبه بس ماسوينا كذا.
طلال: فيه فرق بين أعشقه وبين نحبه.
زياد: أقول اسكت بس.
طلال كان لابس جنز أزرق وتي شيرت أزرق من D&G مكتوب فيه بأبيض I love D&G ولابس نظارة D&G كبيره ولونه أبيض والحروف بأزرق كان شكله حركه .
أما زياد كان لابس جنز وتي شيرت بني فيه خط أبيض ونظاراة شانيل بيضا.
جابوا الأكل..
زياد: رندا اكشفي.
رندا: إيش?
زياد: عادي اكشفي أنتي ووجهك عشان تاخذين راحتك..
رندا: لا.
طلال: خلاص أنا بروح بطاوله بروحي وانتي افتشي وفكينا.
زياد: لا والله ماتقوم اقعد هي تدبر نفسك.
رندا: خلاص أنا أدبر نفسي.
فكت لثمتها وغطت وجهها بالطرحه وقعدت تآكل.
طلال كان يطالع رندا وهي تآكل.
زياد: هي أنت لا تقعد تناظر أختي .
طلال: هههههههه سم ياعمي .
...
لما خلصوا أكل طلعوا يتمشون على رجولهم لكن رياض وديما بروحهم والباقي بروحهم.
....
بالشرقيه
تركي وضرار وسامي قاعدين بالإنتضار ينتظرون نتيجة التحليل بالمستشفى.
طلعت الممرضه وعطتهم النتيجه وراحوا للدكتور.
سامي بخوف: هاه يادكتور إن شاء الله مافيه شي?
الدكتور: الحين منو المريض فيكم?
ضرار بتوتر : أنا
الجزء العاشر
بالشرقيه
تركي وضرار وسامي قاعدين بالإنتضار ينتظرون نتيجة التحليل بالمستشفى.
طلعت الممرضه وعطتهم النتيجه وراحوا للدكتور.
سامي بخوف: هاه يادكتور إن شاء الله مافيه شي?
الدكتور: الحين منو المريض فيكم?
ضرار بتوتر : أنا.
الدكتور بإبتسامه: مبروك مافيك شي!
ضرار دمعت عينه: الحمدلله الحمدلله .
وينط على سامي ويضمه بقوه وكمان على تركي.
سامي: طيب يادكتور كيف المستشفى الي قبل قالوا لنا إن فيه المرض الشين.
الدكتور: يمكن غلطوا بينه وبين شخص أو يمكن الآله فيها عطل.
تركي: طيب لو إنه أخذ كيماوي كان الحين مايت بسببهم.
الدكتور: بيكون يومه والله كاتبه.
تركي: ونعم بالله.
الدكتور: وأنتم تقدرون تشتكون عليهم ولو بس رحتوا وعطيتوهم التحليل بيعتذرون ويعوضونكم بعد.
سامي: والتعويض شنو يسوي بيعوض خوفنا ورعشتنا وحزننا وفراقه عنا كل هالمده.
الدكتور: طبعا لا . وتبغون رأيي.
تركي: تفضل.
الدكتور: يا إنكم تشتكون عليهم وزارة الصحه عشان تكون عبره ومحد يغلط بالأشياء الخطره هذي ، أو تسامحونهم والمسامح كريم ولا تنسون كل بني آدم خطائون.
تركي: شنو رايكم?
ضرار: والله مدري.
سامي: أنا أقول دام محد عرف غيرنا وماتروع غيرنا نشكي عليهم الوزاره ونقول لهم إننا مانبي شي منهم يعني بس ينبهونهم..
ضرار ساكت.
تركي: ايه صح كلامك..
............
بلندن
بالليل راحوا زياد وطلال ورندا لأحد المراكز
طلال: يالله جوعااااان امشو نطلب.
زياد: رندا اخلصي.
رندا: يووه ما أمداني أدخل المحل.
زياد: هذا عاشر محل تدخلينه تبتلين.
رندا: ماتخلوني أتهنا.
طلال: طيب يالله استعجلي وإلا باكلك انتي.
قعدت تشوف الملابس وعجبتها بلوزه ونادت : زياد وش رايك بالبلوزه.
زياد: مثل وجهك وبعدين أنا وش عرفني بالخرابيط اسألي طلال يمكن يعرف.
رندا: طلال وش رايك?
طلال: تمشي.
رندا : بس تمشي?
طلال: أقول لك جوعان وشلون تبيني أقول لك رايي.
رندا بقهر: خلاص امشو.
وراحوا للمطاعم وطلبوا ورندا معصبه مره واصله حدها.
زياد: رندا طلبتي?
رندا بعصبيه: مالك خص.
زياد: طلال طلبت لرندا?
طلال: ايه.رندا وش فيكي خلاص روقي!
رندا: مالكم خص فيني.
طلال: كيف مالنا خص! كل هذا عشان ماخليناكي تتسوقين.
رندا ساكته
طلال: خلاص ولا يهمك بعد ماناكل نوديكي للمحل الي تبين.
زياد: لا صراحه أنا تعبت، بتروح أنت معها روح بس أنا لا.
رندا: وترضى?
زياد: هذا ولد عمك وثقتنا فيه قويه.
طلال بقهر: خلاص إذا كنتي ماتبيني أروح معك مو رايح.
رندا: إذا محد راح معاي بروح بروحي.
....
في جهة ثانيه من لندن بأحد مراكزها الثانيه
كانوا رياض وديما
رياض: تصدقين توني أعرف إن فيه بنت ماتحب السوق.
ديما: لا فيه وأنا أولهم وقليل أروح.
رياض: ايه وهذا الي مستغرب منه.
ديما: أقول رياض.
رياض: نعم دمو.
ديما: شوف هذا مو كأنه ديل بيرو.
رياض: وش عرفك فيه بعد انتي?
ديما: ليه أحد قايل لك إن البنات مايتابعون مباريات.
رياض: لا بس مو عالميه.
ديما: لا أجل أنا أتابع المباريات وكل مباريات ريال مدريد بعد.
رياض: حشى أنا متزوج عدو.
ديما: يؤ ليه?
رياض: أنا نصراوي وانتي هلاليه وأنا برشلوني وانتي ريال مدريد.
ديما: هههههههههه عادي.
رياض: ياه على الضحكه تخبل.
ديما استحت وغيرت الموضوع: إلا ماقلت لي هذا هو وإلا لا?
رياض: لا وش يجيبه هنا.
ديما: خساره حسبته هو.
رياض: طيب حتى لو يكون هو وش بتسوين?
ديما: بروح أصور معه طبعا.
رياض: لا والله وتقولينها عيني عينك.
ديما: ايه عادي.
رياض: أقول امشي لا الحين أقفل عليك بالفندق.
ديما: ههههه طيب امش ندخل المحل هذا.
رياض: تفضلي ياقلبي.
دخلت المحل وشرت منه بنطلون جنز فيه تطريز حركه من عند الجوانب كان البنطلون يطير العقل وبلوزه مناسبه معه .
....
بالرياض
كان بيت زياد هادي جدا..
أم غاده: مته بتقولي لأخوكي ?
غاده تكتب: إذا رجعوا.
أم غاده: مابدكي أساعدكي أو أحاكيه عنكي.
غاده تكتب: لا مشكوره.
أم غاده : براحتكي , لكن أنا قلت لأخويا يحجز لنا وينتظرنا بالمطار.
غاده تكتب: حلو.
...
بلندن
طلال: هاه بتاخذينها?
رندا: مادري محتاره! أنت وش رايك?
طلال: أحس إنها عاريه.
رندا: ايه عادي.
طلال بعصبيه: لا مو عادي ولا تاخذينها أنا ماأبيك تلبسين هاللبس.
رندا سكتت كانت بتقول له أنت وش يخصك بس خافت يعصب عليها زياده.
طلال: معليش رنود اعذريني ، بس أنا مستحيل أشوفك تلبسين هذا اللبس واسكت.
رندا: لا عادي.
طلال ابتسم: طيب خلصتي من المحل هذا?
رندا: دقيقه بحاسب على البنطلون.
طلال ياخذ من يدها البنطلون: جيبي أحاسب.
رندا: لا معاي فلوس.
طلال بإستهبال: لا ياشيخه ظفي وجهك.
رندا: يؤ طيب.
.....
من بكرا بلندن راحوا للهايد بارك من وقت مثل ماانتو عارفين إنه كبير والي يروح له يقعد إلى الليل وكمان هو ملتقى الخليجيين والعرب.
كانوا كلهم رايحين بس ديما ورياض يتمشون بروحهم والباقي بروحهم.
رياض: دمو حياتي هذا قصر ديانا.
ديما مطيره عيونها: جد?
رياض: لا عم.
ديما: ههههههه ياي يهبل..
رياض يقلدها: ياي يهبل.
ديما: ماتعرف تقلد.
رياض: هههههههههه.
ديما: رياض .
رياض: عيون رياض وقلبه وحياته وعمره ودنيته وكل شي بحياته.
ديما انحرجت: تسلم لي والله.
رياض: آمري يابعد هالدنيا.
ديما بدلع: تسوي لي زي قصرها.
رياض: هههههههههههه أسويلك أحسن منه بعد.
ديما: مته?
رياض: الحين موجود.
ديما وعلامات التعجب: وينه?
رياض يأشر على قلبه: هنا.
ديما إنقلب وجهها فوق تحت صار أحمر من شد الإحراج.
رياض: ياقلبي بس استحت.
ديما بدلع: رياااض.
رياض: عيونه.
ديما : ما يقوى قلبي على كلامك.
رياض: آه هالقلب هذا معذبني.
كملوا مشي وسواليف وإحراجات من قبل رياض.
..
رندا:أبغى أشوف قصر الأميره ديانا.
زياد: طيب اصبري شوي.
رندا: لا أبي الحين.
زياد بصراخ: رندووه.
رندا بتأفأف: اووه.
طلال: خلاص الحين نوديك اصبري انتي شوي بيمدينا.
رندا: طيب..
وتمشوا شوي وبعدين ودوها للقصر.
كان القصر حلو مره وبحديقة بيتها كله ورود ..
رندا مطيره عيونها:هي الله.
طلال يقلدها: الله هههههه أسوي لك أحسن منه.
رندا: طيب أبي ادخل.
زياد: لا.
رندا: ليه?
زياد: وشو له ندخل بيوت الناس.
رندا: عادي نقول لهم نبغى نتفرج ونصور.
طلال بإستهبال: وش بيعرفهم إن هذي نيتنا وخاصة إننا سعودين بكرا يفجرون فيه يقولون أمس داخلين علينا سعودين أكيد هم.
رندا: وين حنا فلم?
طلال: هذا الواقع.
المهم كملوا تمشي ورندا كمان معاها الكميره وكل شوي تصور ..
جلسوا يرتاحون بالكراسي وكان رندا بكرسي لوحدها وجت قعدت وحده جنبها.
.....: السلام عليكم.
رندا: وعليكم السلام.
......: وش أخبارك?
رندا: تمام . وأنتي?
.......: أنا الحمدلله بخير.عادي نتعرف.
رندا: يشرفني.
........: وأنا أكثر، معاكي نوره ال***** من الرياض.
رندا: حياكي الله, وانا رندا ال***** برضوا من الرياض.
نوره: هلا وغلا.
رندا: هلا فيك.
نوره: عاد ماشاء الله عايلتكم معروفه وناس أكابر بعد.
رندا: تسلمين والله.
نوره: عادي نتمشى مع بعض.
رندا: ايه عادي.
نوره: لأنو صراحه مامعي أحد أتمشى معاه كل عايلتنا عيال.
رندا: حتى أنا مامعي بنات.
نوره تأشر على زياد وطلال: هذولا أخوانك?
رندا: الي لابس تي شيرت بيج هذا أخوي والثاني ولد عمي.
نوره: اها يعني انتم جاين مع عمومتكي.
رندا: لا بس حنا الثلاثه وفيه ولد عمي الثاني وزوجته جاين شهر العسل لكن طلعاتهم بروحهم.
نوره: اها الله يوفقهم،يالله امشي نتمشى.
رندا: دقيقه بقول لأخوي.
راحت لأخوها.
رندا: زياد بروح أتمشى.
زياد: طيب اصبري شوي ونقوم.
رندا: لا بروح مع صديقتي.
زياد: منو صديقتك?
رندا تأشر عليها: هذي توني متعرفه عليها.
زياد: طيب تدلون?
رندا: أنا لا بس هي شكلها تدل.
زياد: البنت تحسين إنها مو راعية خرابيط.
رندا: ايه شكلها حبوبه.
زياد: خلاص روحي.
رندا: طيب عطني مني.
عطاها فلوس.
طلال: خوذي جوالي عشان ندق نتطمن أو إذا بغيتي شي.
رندا تآخذ الجوال: اوكي.
وراحت لها.
نوره: ساعه?
رندا: هههههه لا بس قعدوا يعطوني نصايح.
نوره: ايوه،تصدقين أخوكي حليو..
رندا: عيونك الحلوه.
نوره: الله يسلمك.
رندا: وين أهلك?
نوره تأشر: ذولا.
رندا: اها ماشاء الله. انتي تدلين?
نوره: ايه أدل.
رندا: كد جيتيها?
نوره: إحنا كل عطله نجي لندن.
رندا: ليه?
نوره: نجي نزور جدي وجدتي وخوالي.
رندا: ساكنين هنا?
نوره:ايه أصلا أمي بريطانيه.
رندا: أهااا..
قعدوا يتمشون..
..
أما ديما ورياض طلعوا من الهايد بارك وراحوا لملاهي وقالوا نرجع لها يوم ثاني
رياض: أنتي مجنونه بتركبين هذي اللعبه?
ديما: عادي مافيها شي.
رياض: لا جد انتي مجنونه.
ديما: عادي دايم أركب الألعاب هذي.
رياض: لا ديما لاتركبين.
ديما: إلا بركب.
رياض: قلت لا.
ديما: طيب أنت إركب معاي.
رياض: لا أنا ما أحبها.
ديما: انا بركب ماعليك.
رياض: إن جاكي شي ماعلي منكي.
ديما: ايه طيب، أركب؟?
رياض: ايه بس سكري الحزام كويس وحطي الجهاز وسكري الأمان.
ديما: طيب طيب صورني يالله سلام.
راحت وركبت وقعد يصورها وإذا ارتفعت اللعبه أو اقتلبت صد عنها..
..
أما عند رندا ونوره
رندا: شوفي أخوانك جايين جهتنا.
نوره: ايه تعالي نشوف إيش يبغون.
رندا: لا أنتي روحي أنا لا.
نوره تسحب رندا مع يدها: إلا أمشي بلا دبش.
رندا: هههه طقيتيها ميانه.
نوره: هههه عادي.
.....: اهلين.
نوره: رندا هذا أخوي فراس.
رندا سكتت " وش تبي هذي تعرفني على أخوها "
نوره: فراس هذي صديقتي رندا ال *****
فراس: هلا وغلا تشرفنا.
رندا برضوا ساكته وكانت تفكر بطلال أكيد بيزعل إذا شافها واقفه معاه.
نوره: رندا
رندا: هلا
نوره: وش فيك ساكته?
رندا: هاه لا بس عن إذنكم شوي.
نوره: وين?
رندا: بس دقيقه.
وراحت رندا عنها وهي تحاول تلاقي شي تتعلث فيه.
فراس: وش بلاها?
نوره: مدري بس شكل الوضع ماعجبها.
فراس: طيب انتي ليه داقه علي?
نوره: أبغاك تشوفها البنت حلوه مره إن كان نخطبها لك.
فراس: وأنا وش عرفني إن كانت حلوه أو لا وهي متلثمه.?
نوره: أنت اقعد راقبنا وبعد شوي بقعد معاها بمكان ونقعد ناكل وأكيد بتفك لثمتها وأنت تعال طب علينا فجأة وتعذر بأي شي.
فراس: ايه فكره حلوه.
مشت عن أخوها وراحت عند رندا
كملوا تمشي بعدين قعدوا ياكلون
طبعا فراس نفذ الخطه وطب عليهم فجأة
رندا سكتت وكأنها انشلت ماعرفت وش تسوي
أما فراس فقعد يتقدس بملامحها ويشوفها زين ولما انتهى إعتذر وراح وهو مبسوط.
نوره: يوه معليش رندا بروح أشوف وش عنده.
وراحت لأخوها: هاه وش صار?
فراس: تجنن تخبل يابنت أبيها أبيها.
نوره: من عيوني أول مانرجع للرياض بنخطبها لك.
فراس: جد وناسه ودي أهبل بها الحين.
نوره: لا تكفى زي ذيك البنت الي نحشتها من يدينا.
فراس: طيب مقدر استحمل أشوفها قدامي وما أسوي شي.
نوره: لا تكفى إمسك روحك ولاتسوي شي.
فراس: بحاول.
نوره: اوكي بروح عندها لا تشك بشي.
ورجعت عندها ورندا للحين آثار الصدمه بوجهها وهي عارفه إنه متعني لأن باين منه قاصدها.
بعد ماخلصوا أكل دق زياد على جوال طلال الي مع رندا وسألها عن مكانها عشان بيجون ياخذونها تتمشى معهم.
نوره: أجل بتروحين مع أخوك?
رندا: ايه.
نوره: طيب عطيني رقمك عشان نتواصل إذا رجعنا للرياض.
رندا : اوكي.
وعطتها الرقم وبعدين جا زياد وطلال وراحت معهم.
.....
من بكرا رندا وطلال وزياد راحوا لسوق harrods لصاحبه محمد الفايد .
وكان مسوي له تمثال داخل السوق.
.
وحتى رياض وديما كانوا معاهم بس يمشون بروحهم.
بهاليوم ماكان فيه أي مواقف.
وبالليل طلعوا لمطعم فخم وتعشوا فيه رياض وديما بطاوله بروحهم والباقي بروحهم.
زياد: رندا أبيك تخطبين لي إذا رجعنا.
رندا كانت تآكل وغصت بعد ماسمعته : كح كح كح.
ويعطيها طلال مويه.
رندا: وش قلت? بتخطب.
زياد: ايه.
طلال: وش الطاري?
زياد: والله كلو من أخوك كاشت فينا ولا يجينا أبد شكل الزواج حلو.
طلال مات ضحك: هههههههههههههههههههههههههه عاد هو الي ماكان يبي يسمع طاري الزواج.
زياد: ايه عشان كذا شكله عجبه ومحمسني الله ياخذ بليسه.
طلال كان يطالع رندا وباين من شكلها إنها منحرجه وقعد يتنحنح: اح المنطقه محظورن.
رندا لا شعوريا ماتت ضحك : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه.
زياد: خلاص سكروا السالفه.
...
صار لهم 3 أيام بلندن وباقي لهم 4 أيام ويرجعون للسعوديه إلا رياض وديما بيقعدون بلندن أسبوع زياده.
...
من بكرا راحوا عند النهر وقعدوا على شاطئه كان مكانه روعه وعجبهم حيل.
زياد: بروح أجيب لنا آيس كريم.
طلال: بجي معك.
زياد: لا أنت إقعد مع رندا.
راح زياد وقعدوا طلال ورندا عند النهر..
كانوا ساكتين وكل واحد غارق بأفكاره.
وفجأة جتهم وحده صغيره تقريبا عمرها 15 كانت لابسه مايوه لكنه مايوه كامل ( شكل أهلها دينين خخخ ) وقالت : hi
طلال: hello
البنت: how the case?
طلال: fine and you?
البنت: thank god . you very nice.
طلال: thank you.
البنت : welcome , these wife.
طلال سكت وماعرف إيش يقول يعني إنحرج قال : yes .
البنت: do you like it?
طلال: ya.
البنت: o my god.Ok good luok.
طلال:and you.
البنت: chance happy.
طلال: thank you.
البنت: c u
طلال: bey.
أول ماراحت فطس ضحك.
رندا: وش فيك?
طلال: حاطه عينها علي.
رندا بقهر: ايه أشوفها.
طلال ينغزها: إلا ماحركت نار الغيره فيكي.
رندا بقهر: لا وليه أصلا?
طلال: مدري هههههههههههه.
رجع زياد وحكا طلال لزياد القصه.ومات ضحك هو الثاني..
...
من بكرا راحوا لساحة البيكادبللي وبرضوا عجبهم وماصارت مواقف تستدعي الكتابه.
...
واليوم الثاني
وراحو ساحة ايدجاوروود فيه مطاعم عربيه ومقاهي
عاد هذي عجبتهم مره وقعدوا فيها اليوم كله.
...
واليوم الأخير
الصبح راحوا للنهر وكان شوي فاضي جا زياد مسك رندا ورماها بأطراف النهر وقعدوا يرشقونها وهي طلعت وانسدحت على التراب..
وبالليل كانت رحلتهم رجعوا للسعوديه..
........
أول مارجعوا راحوا ينامون ومن بكرا كان فيه عزيمة عمهم وحطها ببيت أخوه عشان غاده..
غاده كانت قاعده مع زياد بروحها وتكتب له: زياد أنا وأمي نبي نرجع لجده.
زياد: إيش?ليه أحد ضايقكم وإلا شي?
غاده تكتب: لا والله بس أمي ودها تعتني بجدتي وانا كمان بروح معها.
زياد: أمك خليها تروح بس انتي لا.
غاده تكتب: زياد تكفى وافق الله يوفقك وافق أنا مابي أموت بعيد عن أمي.
زياد: لا تقولين كذا.
غاده تكتب: هذا الواقع ومانقدر ننكره وإذا كنت تحبني جد خلني أروح مع أمي.
زياد: خلاص أفكر..
...
رندا كانت عند عمها لأنه يبيها بموضوع
عمها: رندا يابنتي كل واحد مصيره الزواج صح.
رندا: صح.
عمها: وانتي جا دورك يابنتي.
رندا: كيف?
عمها: يعني فيه واحد خاطبك وانتو مسافرين وانا دقيت على زياد وقال لي أسأل عنه وصراحه أنا أشوف إنه خوش شاب.
رندا: وش اسمه
شنو تتوقعووون منو الي خطب رندااااااااااا ؟؟؟؟؟؟؟؟؟؟؟؟؟
انتهى البااارت العاااشر
يعطيك العافيه يارب
ننتظر التكمله
ضوابط المشاركة
رد مع اقتباس
مواقع النشر (المفضلة)