رد: رواية سهام الأيام كاملة ٢٠١٤ بقلم شخصيه خياليه
#السهم الخامس والأربعون.....،
٪٪نصف الشهر ع الاحداث السابقه٪٪
وسهام ببيتها تعيش فيلم رعب كل ليله تقفل الابواب والشبابيك،وهلم جرا..
(صحيح ان هالحرامي معاد طلع لي بعدما دري اني بلغت الشرطه بس الاحتياط واجب)...
،
صوت الباب يطرق!ومعه رن الجرس!!
هنا سهام عاشت لحظة الرعب/بسم الله..،يارب سترك
زاد رنين الجرس والطق على الباب/..
وصوت مسج واتساب على جوالها..وراحت تفتحه،وارتااعت[انا داخل عليك الليله دااخل حتى لو اكسر الباب او انط من فوق السطح،انا مستقعد لك]...
سهام جلست متكوره في سريرها وهي ترتجف من الخوف وتهدي نفسها (راكان وينك عني يا حبيبي؟!..من هذا اللي تسبب في حادثك وحاول يقتلك واللحين يبي يقتلني ويقتل ولدك..مادرى انه قتلني من اول ما استقصدك..!)
***
بارده هالدنيا بدونك والمشاعر بارده،،
والورود تحتضر.....تشكي الذبول!!
/
/
/
صباح اليوم الثاني~
ام راكان جالسه تشرب قهوتها كعادتها كل صباح..وهالمره جالس معها سلمان اللي ساكت ويفكر بكل اللي صار بغيابه!!
ام راكان لاحظت سرحانه/سلمان ...سلمااان
سلمان انتبه لها/لبيه يمه
ام راكان/شفيك هالايام ساكت!!
سلمان/والله يا يمه اللي صار بغيابي شي كبير وماينسكت عنه...
ام راكان/ايهه الله يعين بس
سلمان/انتم ليش اتهمتم سهام هالتهمه؟!!
ام راكان سكتت/....
سلمان بعقلانيه/البنت ساكنه هنا وحنا عارفينها بنت محتشمه..ومافيه شاب ممكن يقرب منها غير شاب ساكن معها...ولو هي بنت راعية حركات بطاله كان ضاعت من سنوات لانها كانت عايشه لحالها...
ام راكان بدأت تقتنع بالفعل/ياولدي انا اشهد بأدبها ..بس
سلمان بقهر قاطعها/بس الشيطان غلبكم ووزكم عليها..هالمسكينه..انا لازم اصلح غلطكم واروح اتةستسمح زوجة اخوي وارجعها بيتها معززه مكرمه واللي بيعارضني ماله معي كلام..
ام راكان ماعلقت/....
/
/
/
/
رن جوال سهام وكانت مرعووبه...اخذت الجوال وارتاحت وردت/هلا "ديم"...شفيك تبكين يا بنت استهدي بالله...لاحول ولا قوّه الا بالله...انا جايتك حالاً...
سهام بدوون تفكير اخذت عبايتها وطلعت وهي تتصل ببقية البنات علشان يجون لبيت "ديم"
طلعت..وهي تمشي ومستعجله..
وقفت عندها سيارة زيد/سهااام
سهام التفتت عليه/زيد!!
منال كانت معه/اركبي معانا رايحين منال
سهام جات وركبت/حلو.. لاني بصراحه تعبت..
زيد يناظرها وهو مقهوور ويحترق من داخله عليها/شلونك سهام
سهام/الحمدلله مرتاحه
زيد/ان شاء الله دوم
منال/سهام تصدقين منال ابوها متوفي من يومين!!
سهام/طيب ليش توها تقولنا
زيد/اخواتها وازواجهم المجانين جوها البارحهه وطالبوا بالبيت!!..والرجال توه ميت!! ماراعوا انه ابوهم وتوه ميت وان اختهم يتيمه ومالها غير هالبيت
سهام انقهرت ونزلت دمعتها/حسبي الله عليهم..كنت حاسه انهم ماراح يخلونها بحالها..فديييت ديوومه
منال/الله يعينها..كل شي ضدها
سهام/بيتي بيتها وانا اختها..والله ما اتركها تحتاجهم
زيد/كفو يا سهام..مثلما انتي ماتغيرتي...
سهام/كفوك الطيب.
/
/
/
/
في بيت طلال *
عزوز يصب لهم القهوه...
طلال/حي الله سلمان .
سلمان/الله يبقيك وانا اخوك...
طلال/شالاخبار
سلمان وهو مغبون/راسي للحين مب مستوعب اللي صار لأخوي..احس بجرحه ينزف بداخلي
طلال/لا تخاف وانا اخوك التحقيق جاري،وانا متفاءل..
سلمان/البركه في سهام اللي ما استسلمت
طلال/سهام كفو...الله يعينها
سلمان تذكر/يقولون صرت ابو ...وين العروسه خلنا نشوفها
طلال وهو يبتسم/ابشررك..
سلمان/ماشاء الله وش اسمها
طلال/اسمها نوره
سلمان/عاشت الاسامي..ياخي جيبها نبي نشوف انتاجك
طلال/ههههههه...طيب طيب..عزوز روح جيب النوري
عزوز/ان شاء الله
جلسوا يسولفون شوي..
وتذكر طلال/هاه سهام للحين ببيتها،اجل انت مارحت لها
سلمان/والله يابن الحلال ابي اروح ومتفشل منها
طلال/انت مالك موقف سابق ضدها ولا جرحتها مثلهم...اكيد بتسمع منك..وبترجع البيت...لا تنسى البنت حامل مايصير تقعد حالها،لازم احد يساعدها ويكون معها..
سلمان/الليله ان شاء الله اروح لهم..
طلال/زززين تسووي..
/
/
/
""في غرفتها "سديم"ببيت اهلها جالسه والحزن يكتسيها...تضم قطعة ملابس لـ"فراس" وتشمها وتنزل دمعات الأمومه المقهوره .. تشوف صوره في جوالها وتتبسم لبسماته وتبكي كثييير..وهي تحط كفها على صدرها بحسره...وكأنها تحاول تمنع قلبها وتهديه لا ينفجر حزن على طفلها اللي مات من فتره...
""آه يا حزن فراق الضنى"
/
/
/
/
في الكليه~
سهام اثناء المحاضره ماكانت مركزه بس تفكر في "ديم" اللي من ثلاث ايام متوفي ابوها وحالتها ماتسرّ ،استأذنت وطلعت..وعذروها بسبب الحمل..جلست بالساحه ترتاح وغكرت تكلم ندى وتتسأل عن اشياء...
اتصلت في ندى وتنتظر الرد/الو ندوش...بطني يوجعني من الصبح وش تتوقعين؟
ندى بالجوال/هههه طبيعي بلا دلع بس..هذا وزوجك مو معك تتشكين المفروض امورك كويسه
سهام/آآه يا راكان ليته يقوم ويشوف وش قاعد يصير فيني
ندى/اسفه ذكرتك فيه
سهام تنهدت/من يقول اني نسيته ..تناساني الهنا كاني نسيته
ندى رحمتها/هاه بشريني ان شاء الله هالمجرم الحرامي معاد يضايقك
سهام/والله كل ليله اعيشها برعب،اخرها قبل البارح عاد عندي صديقتي ديم،بغى يكسر
الباب علي،مسويلي فيلم رعب هالحيوان
ندى/قلتلك تعالي اسكني معي ورفضتي
سهام/ههه حاليا عندي ديم فديتها...بعدين حتى لو ماعندي احد ماني جايتك يا زيني وانا جالسه بينك وبين زوجك بالصاله والا متكيه معكم على طاولة الاكل...نو نو نو..بيتي اززين
ندى/هههههه عاادي
سهام مغصها بطنها/توقعين فيه ولاده بالشهر السادس
ندى/سهام انتي تعبانه صح
سهام ماتبي تخوفها/ندوش انا بروح البيت وارتاح شوي تدرين النونو يومين مايتحرك هههه الظاهر من كثر الرعب والسهر..
ندى بلعة ريقها/سهام انا جايتك...
سهام/لا لا ماله داعي ..ديم عندي انتي ارتاحي واقعدي عند بنتك ويابلي زوجك وبيتك..اذا احتجتك صدقيني بكلمك
ندى مو مطمنه/اوكي اوكي
سهام/يلا سلام
/
/
/
/
في احد غرف المستشفى..
ترقد "حور" على السرير الابيض...وتأن من الألم والوجع...جالسه تصرخ وأمها عندها/يمه الحقي علي بمووت من الوجع.كل شي يتقطع بداخلي
امها/اصبري وانا امك..انتي ع الحال من شهرين..ولدتي قيصريه...ولكن مدري وش صابك،انتي مدري وش مسويه بحياتك يا بنتي..
حور وهي تتذكر سواياها وتبكي...شريط افعالها السيئه ضد ساره وسهام يمر من قدام عينها...
[الظلم ظلمات يوم القيامه]
/
/
/
/
/
/
خالد جالس ومستلقي على سريره...ويقلب بصور جواله ويرسل منه صور لجوال توه مطلع رقمه جديد ومحد يعرفه!!!
صور سهام في فرنسا مع علي اللي اخذها من سليمان الفواز..وصورتها بالمستشفى واللي ألتقطتها له حور..وهي تمثل انها ممرضه...!!!
سوا تحديد للعائله وأرسلها لهم...واسترخى وهو يطلق ضحكات الانتصار الهستيريه..
فتحت عليه ساره الباب واستغربت/شفيك انهبلت!!
خالد ببتسامه خبيثه/تعالي عندي واعلمك ليش جالس اضحك
ساره بنظرات احتقار/حلم ابليس في الجنه
خالد/ما شبعتي تغلّي عااد
ساره بنظرات ثقه/انا ما اتغلّى..انا فعلا غاليه...والغاليه ماتقبل بالرخيص..
خالد/وش قصدك انتي..
ساره/قصدي انت عارفه ززين،وترى جلوسي ببيتك علشان بنتي مو لسواد عيونك.
طلعت وسكرت الباب وراها..
قام خالد ولحقها...
/
/
/
/
/
/
الساعه10:00..
وصل عند بيتها ووقف سيارته ونزل بهدوءه المعروف...
طق الجرس ووقف ينتظر وهو يداعب السبحه في يدينه..
رن الجرس مرّه ثانيه ...
ثواني ويسمع صوت "بنت" من وراء الباب/من؟
سلمان/أنا سلمان سعد ولد عمك وجاي علشانك
فتحت ديم الباب/هلابك يا سلمان..انا مو سهام
سلمان حاول يتذكر/انتي ديم صديقتها اذا ما خانتني الذاكره
ديم/لا ماخانتك...انا ديم..سهام مسكينه كانت تعبانه طول اليومين اللي راحوا واللحين نايمه من ساعه تقريباً.
سلمان خاف/ليه عسى ماشر يا ديم..صاير لها شي
ديم/بصراحه يا سلمان انا هنا من كم يوم.....ومن اول ماجيت ليليلاً نعيش رعب..من اللي يضرب البيبان..ومسجات تهديد توصل سهام....كانت تضل مرعوبه طول الليل...وهالشي مو زين لها
سلمان انقهر/وش خلاها تجي هنا لحالها
ديم/انت عارف يا سلمان كل جرح يندمل الا جرح الكرامه والشرف...
سلمان/صادقه...انا راح ارد لها كرامتها وراح ترجع معززه مكرمه باذن الله
ديم/فيك الخير يا سلمان....
سلمان انتبه لقطع في يدها وملفوف بشاش/سلمات وش فيها يدك
ديم عرفت انه يناظر فيها،واستحت وهي تحاول تلف يدها وراها/...
سلمان انحرج/اسف بس لفتني الشاش الطبي وسألت ..شكلي ضايقتك..صدق اني ما استحي
ديم بلعة ريقها/محشووم
سلمان يدق قلبها لها من اول ما شافها بالمستشفى ووصلها لبيتها مع اخته وسهام،طلع كرته/شوفي هذا كرتي وتكفيين اي شي يجد في حالة سهام اتصلي وبلغيني..واذا جاكم تهديد بلغيني بعد...طيب
ديم اخذت الكرت منه/مشكور يا سلمان فيك الخير
سلمان ابتسم ابتسامه خفيفه وطلع/تصبحين على خير.
ديم/وانت من اهل الخير...
سكرت الباب ورفع الكرت اللي بيدها وهي تناظر فيه ودخلت وباسته من قلب وتنفست بعمق...واتجهت للرف اللي عند التلفون وخطت الكرت عنده وراحت لغرفتها...وسكرتها..
سهام كانت واقفه عند باب المطبخ وشافتها وقامت تتبسم،واتجهت للرف اللي عند التلفون واخذت الكرت،ورفعت حاجب ونزلت الثاني وهي تبتسم(سلماااان..يا ديم!!...منتي هينه هههههه)حالتك حيل صعبه...!!الا هو وش كان يبي!!
،
صعدت سهام لغرفتها...واتجهت لسريرها وحاولت تنام وماقدرت!!..وكأن ألم المراره رجع لها مرّه ثانيه..
خااافت كثيير وهي تتذكر كلام الدكتوره(انتبهي لا تحملين)....
قامت تمشي في الغرفه وهي تضغط على اعلى بطنها..وتحس الألم يشتد...تعبت حيل لكن حاولت تتحلى الصبر وتقاوم وهي تواسي نفسها(كل شي بيكون اوكي...مجرد ألم بسيط وبيعدي) هذا الكلام اللي كانت تقوله لنفسها.
سمعت نغمة مسج ع جوالها واخذته وفتحته تشوف وانصددددمت من الصور!!والتعليق اللي تحتها
[حبيت اقولك...ترى هالصور كلها وصلت لعايلتك الكريمه..the end for you...]
/
/
/
/
/
/
وصل البيت.....
حصّل أمه ماسكه راسها وشوي وتنجلط..اتجه لها ركض وجلس على ركبه وهو يكلمها/يمه وش فيييك
ام راكان ماترد/....
سلمان/يمااااه ردي علي ابوي فيه شي
اقبلت مشاعل وهي بقمة غيضها/تبي تعرف ليش امك بهالحاله
سلمان/انططقي وش صاااير
مشاعل فتحت جوالها ومدت عليه/هذي السبب.. بنت عمك صاحبة الشرف..اللي تدعي العفاف وتنسب ولدها الزباله اللي ماخذته من الشوارع لراكان!!
سلمان نزلت دمعته وهو يتفرج ع الصور..واللي قهره اكثر شي ان فيه صوره لسهام مع سليمان الفواز عدو راكان..
جلس سلمان وهو مو قادر يتكلم!!!
مشاعل/هالزباله ان ما احرقتوها قبل تولد هالحشره ..ذنب راكان راح يكون بأرقابكم..
سلمان صرخ بوجهها/بسسسسس..اسسسكتي اسسسكتي
مشاعل/لا تقولي بعد انك متعاطف معها بعد اللي شفته..
سلمان/مشاااااعل ان ماسكتي يا ويلك
مشاعل مشت وتركته...
ام راكان/يا حرّة قلبي عليك يا راكان...يا حرّة قلبي عليك يا ولدي.
سلمان جالس يسمع وهو مقهووور...!!!
/
/
/
/
/
/
الشركه~
في جملة الاوراق والمعاملات....
دخل السكرتير/استاذ عزام
عزام/نعم
السكرتير/هذا طرد من مختبر الابحاث في المانيا وصل اليوم
عزام اخذه/من جدك احمد...مشكور تفضل لمكتبك
راح السكرتير..
عزام فتح الطرد وقرأ النتايج وتفاجأ..وابتسم !!!!
اخذ جواله على طول واتصل على عيال عمه واتفقوا يكلمون سهام وبدأ في بجاد/الوه بجاد
بجاد بالجوال وصوته متغير/هلا
عزام/بجاد انت صادق ببراءة سهام و نتايج الحمض النووي معي تأكد ان سهام حامل من راكان،انا ودي نجتمع ونروح لبنت عمنا ونعتذر منها و...
بجاد قاطعه/اذا بتجون تعالوا مستشفى الولاده...انا وزوجتي حاليا مع سهام لانها تعبانه حيل
عزام انصدم/ليش
بجاد/محد قالنا شيء حنا ننتظر
عزام/اوكي شويات واكون مع الشباب عندك....
/
/
/
/
/
وصل الخبر لسحاب ودخلت حالة بكاء...وقامت تجهز نفسها بتروح..
طلال وهو يحاول يهديها/يا بنت ليش تبكين..هي للحين ماقالوا عنها شي
سحاب/انت ماتعرف سهام...ااااه يا عذاابك يا سهاام..
طلال ضمها يبي يواسيها/اهدي يا بنت...اللحين اوديك ونتطمن كلنا عليها بس اهدي علشاني
سحاب حاولت تهدأ...
وتركت بنتها مع عزوز ...!!!
سحاب/عزوز حبيبي الرضعات انا مجهزتها هنا بالحافظه هذي..اذا قامت نوري من النوم اعطيها ززين
عزوز/زين لا تأخرون اخاف تبكي
سحاب/اذا بكت اتصل علينا حبيبي يلا باااي..
/
/
/
/
ابو راكان وهو يشرب قهوته/والله يالبيت ماله طعم من دون نوره وراكان
ام راكان/انا اشهد
سديم بحزن الدنيا/وغياب سهام زود الطين بله
ابو راكان/على طاري سهام،وينها؟ليش كلما سألت عنها صرفتووهاا
سديم وهي تخفي قهرها/سهام تأمروا عليها من وراك واجبروها تطلع من البيت
ام راكا. تغمز لها/سسسدييم شهالكلام
سديم سكتت وكملت قهوتها بغيض.،
ابو راكان شك بالوضع/الا انا بسألكم،انا هذاك اليوم يوم جات تسلم علي و..لاحظت بطنها باارز ،خفت اسألها واحرجها والشباب موجودين،كنت بسألك ونسيت وش سالفة هالبطن
ام راكان انخرست...
سدي. بدون مقدمات/ولد راكان
ابو راكان استنكر/وش تقولين انتي
سديم/اللي سمعت يبه اجل محد قالك انهم طاردينها علشان حملها اللي اتهموها فيه،
ام راكان/يا بنت انكتمي
ابو راكان،بصوت عالي/يا هياء انكتمي انتي و خلي سديم تعلمني بالحقيقه..
ام راكان تكلمت باندفاع/هالولد مايخصنا ولا هو ولد راكان..
بو راكان/وش تقوولين يا مره..
رن جوال سديم وردت علشان تتهرب من كلام امها/هلا ندى.....هاااااه!!!..اححلفي،لا لا انا جايتك اللحين وابوي معنا بعد..
ام راكان خايفه/وش فيها ندى
سديم وهي قلقانه/تقول سهام وضعها حررج بالحيل ومادري ايش صايرلها مشكله بالمراره ومدري ايش
ابو راكان فز واقف/انا ابو سهام...
راحوا..
ام راكان وقفت بحسره على راكان/تستاااهل جزاها اللي سوت في ولدي
لحقتهم للسياره بعدما لبست عبايتها....
/
/
/
/
بعد ساعتين الكل كان مجتمع بالمستشفى..،
الشباب كلهم~
طلال جالس مع سحاب عند غرفة العمليات ومعهم ديم..
،
ابو راكان وام راكان وسديم اللي جالسه بالممر بعيد لان هالمكان يذكرها بولدها ولحظات الولاده..،
عزام يناظرها بشووق ويصد من زماان عنها له شهور...
ندى،ودموعها تصب ناظرت في عيال عمها/مبسوطين حضراتكم باللي سويتوه في سهام؟..هاه يا سيد خالد شرايك باللي سويته.
بجاد/ندى اسكتي
ندى بصوت عالي/ماراح اسكت لين خالد ينشر براءة بنت عمي قدام اللي فضحها عندهم..
خالد رفع الملف وهو مب وده/معك حق،انا اخطيت لمن اتهمت سهام بـ..
ندى/ماتقدر تقولها اللحين صح؟!!...لكن يكفي انك سمعتها وحده عفيفه كانت كفيله تعيشت بقهر وغبينه
بجاد/ندى خلااص
خالد/نتايج تحاليل جنين سهام تثبت انه لراكان..انا اعتذر عن كل شيء..
ندى/وش عقبه ..عقب ماخليتها تطلع من بيت عايلتها وتسكن ببتها القديم لحالها كل ليله تعيش رعب تحت تهديد الحرامي المجهول قبل يومين كانت تكلمني تقول لي ليلتين ياندى ماقدرت انام من سبت الخوف،حاامل وتقعد بالايام ماتنام يالظالم..
خالد ولا همه....!!!
عزام صد مقهور وضرب بيده ع الجدار/..
ابو راكان بغبينه/مادريت ان اللي انا معتمد عليهم بالعايله بزارين!!....حتى راي مارديتوا لي راي....
ندى/ايه بزارين يبه..اصلن ماكان ممشيهم الا راكان والا كانت علووم
خالد عصصب/بجااد امسك مرتك وسكتها
بجاد/ماقالت كلمه خطأ علشان اسكتها„هي صادقه
ندى ناظرت بجاد نظرات حب والتفتت على خالد بنظرات انتصار/..
خالد طلع وتركهم...
ام راكان ساكته ومو مصدقه هالكلام (اللي ببطن سهام ولد راكان!!)...
،
عند الممر كانت ماره "حور" وأمها تحاول تمشيها خارج قسم التنويم..شافت خالد وهو ماشي وتارك اهله!..عرفتهم وهي تهمس لأمها/يمه بريح ضميري
ام حور/شقصدك
حور/خلينا نروح هناك ونسمع سوالفهم ونتطمن على مريضتهم...
ام حور/شكل براسك موال
حور/تعالي معي يمه..
،
قربت حور من ام راكان وكان قلبها حاس/لو سمحتي
ام راكان استغربتها/نعم!!
الكل التفت عليهم...!!
حور/اللي بالعمليات سهام ؟
ام راكان/وانتي وش عرفك فيها..!!
ساره اقبلت وكانت ناويه تفضح خالد بعدما شافته طلع...وتفاجأت بـ حور!!/هذي حور زوجة خالد الثانيه ع حد علمي...!
ام راكان/!!!!
الكل/!!!!
ندئ/ساااره ...وش السالفه...؟ كأنكم مخبين شي
ساره/انا ماراح اقول اللي عندي لين تقول حور كلامها..
بو راكان/حنا مب فاضين بنتنا في العمليات وبالنا مشغول عليها..قصصكم خلوها بينكم
ساره/لا يا عمي لا هذي قصة عذاب سهام...ولازم تسمعونها من حور..لانها كانت شريكة خالد بافعاله وخصوصا الصور اللي وصلتكم..
الكل صار منتبه/"!!!
حور بدأت تقول القصه وتشرح لهم وهي تحس بطعون حالد لها...
الكل يسمع ومقهووور من اللي يسمعه...!!!
طلال اقبل عليهم وسمع وطار عقله/
حور/وهذي هي القصه...
ام راكان معاد تتحمل...
*
بعد هاللحظات طلع الدكتور مستعجل وكان وجهه ما ينتفسر!!
سحاب لحقت. ووقفته/دكتووور وقف
طلال مسكها...
الدكتور غمض عينه واخذ نفس .....
سحاب ماعاد تتحمل/تكللللم لا تجنني ...
/
/
/
يتبع ...،
واقتربت النهايه
رد مع اقتباس
مواقع النشر (المفضلة)