شوف سعود..
مهما كان ..لو يسمحون للشباب دخول الاسواق والحدايق راح تكثر المشاكل..
اذا ..انت.. وهو.. عاقلين طيب الباقي تضمن ما يتحرشون ببنات خلق الله.؟؟؟
بالعكس دايم لما نروح السوق اقول اشوى العزاب يمنعوهم.. من جد بعض الشباب الله يهديهم .. واتمنى يستمر الوضع كذا العوايل للعوايل والعزاب للعزاب..
ولما تتزوج تعرف قيمة هالنظام..
واذا على سالفة ودك تروح المجمعات الكبيره ويقولون ما ندخل غير عوايل.. مش مشكله خذ اهلك واطلعو سوى.. وادخل المكان اللي تبي تدخله..
خذ اهلك او خواتك يوم وروح االاسواق اللي تبي تدخله.. ونفس الشي الحدايق..
وشي ثاني.. انت نوهة على كذا نقطه مهمه وفي غاية الواقعيه.. ان الشباب مالهم شي يروحون له..
انا ما انكر ان الشباب ما يلاقون مكان يدخلونه.. بالعكس.. من جد مالهم غير الاستراحات.. يعني وش ذنبهم.؟؟
يعني المفروض يعملون مجمع كبير يخص الرجال .. ويكون فيه جلسات ومطاعم وكوفي شوبات واللعاب اللكترونيه.. وملابس رجاليه.. وشغلات رجاليه..
يعني مركز متكامل..
موضوعك ذو لمسه واقعيه..
وكلامي كان مجرد وجهة نظر لا اكثر ولا اقل..
يسلمو على هذا الطرح الذي يحتاج الى النقاش والمشاركه..
مواقع النشر (المفضلة)