رد: قسم النقاش بحاجة لكم.
بنظركـ هل يفتح المجال . بالنقاش . . لتصبح متنوعة وفي جميع المجالات .
ايه اكيد اجل شلون نقاش الا انه معناه دخول اكثر من طرف بـ اكثر من قضيه
-بنظركـ مآهي المجالات المناسبة . والتي ترى انه يجب السماح. بطرحها .
كل شي يستاهل ان الواحد يعطيه شي من وقته وجهده
يعني مواضيع عليها القيمه ..
مشاكل اجتماعيه طغت على السطح واستصعب حلها
او مشاكل مازال يبحث لها عن حل
ماهوب كلام فاضي ومواضيع مايشتهي الواحد ولا حتى يدخلها ولو للقراءه
-بنظركـ هل للمشرفين والمراقبين دور . بابتعاد الكثير . عن الرغبة بالحوار . هنا .
اكيد لهم دور .. المشرف اذا ركز ع عضو ومعين
وراقب ردوده وقعد له بالمرصاد حذف وتعديل
وغيره يسرح ويمرح ويجرح والعين غاضه البصر عنه !!
مافي شك هالشي بيسبب هجر القسم
هذي نقطه
النقطه الثانيه اذا تجاهل اعضاء معينين وماشاركهم بمواضيعهم وغيرهم يقط بمواضيعهم
برضه هالشي يسبب كسر خواطر
ويدفع الأعضاء للإنتقام وهجر القسم
طبعا ً المشرف ماهو ملزوم الا يرد على كل المواضيع
لكن القصد هنا مايتحيز لأحد
برضه هذي نقطه
وبرضه نقطة المتابعه المستمره للقسم مب يجي موضوع واصل 3 او 4 صفخات بلمح البصر يركله المشرف للمحذوفات بحجة انه مكرر او غير صالح للنقاش !!
طيب وينك ياخي من البدايه ورى توك تفطن تحذفه :(
هنا الخاطر انكسر وبقوه
والمواضيع اللي تمس الدين المفروض من يوم يقراها المسشرف يطيرها
مهب لامنه صار فيها حرب داحس والغبراء وكلن طلع اللي عنده جاء وحذفها ..!!
النقطه الأخيره هي انه يكون فيه بعض الردود تحتاج تعديل بسيط يمكن كلمه بس من سطر
لكن المشرف الله يهديه يقوم يحذف الرد كله بكبره !!
بالله هالشي مايسبب احباط للعضو :(
بعذره لو هج
او ان الموضوع يصير فيه مد وجزر يقوم المشرف يغلقه كله < نقطة ضعفه هالنقطه
طيب فيه شي اسمه حكمه بالتعامل < وهذي اهم ميزه المفروض الإدارة تنتبه لها وتحطها بعين الإعتبار
قبل اختيار مشرفين قسم النقاش
لازم مشرف القسم يتمتع بطول بال وسياسه بالتعامل وحنكه وذكاء تخلي العضو لو انه داخل برشاش وقنابل ومتفجرات تخليه يستبدلها ببخور وعطورات ودهن عود :)
-بنظركـ هل يمكن تطوير هذا القسم. وماهي . مقتراحاتك .
ايه تطويره يكون بتلافي كل السلبيات الحاصله فيه واللي سبق ذكرها
-بنظركـ هل يسمح . بالتعليق على ردود الاخرين . او الاكتفاء بالرد على الموضوع المطروح للنقاش ..
نقاش < معناه تحاور جميع الأطراف
ماهو بس صاحب الموضوع
يعني هل هو بس صاحب الموضوع هو اللي حي وغيره ميت ؟؟!!
لا المشكله اللي طرحها صاحب الموضوع عايشها بقية الأطراف
لأن المجتمع واحد ..
وماهو شرط بعد تكون نظرة صاحب الموضوع نفسها نظرة البقيه
كل واحد وله نظرته وله اتجاهه وله افكاره
يمكن مانستفيد من نقاشنا لصاحب الموضوع ولا نطلع معه بنتيجه
لكن نستفيد من نقاش اي عضو آخر بنفس الموضوع ونستفيد منه اكثر
أعطوا الجميع حرية الرأي ولاتقيدون العضو برد موجه فقط لصاحب الموضوع !!
لأن هذا موطن الخلل .. وان صار فيه سوالف وطقة حنك فيه شي اسمه حذف :)
-بنظركـ هل الواجب وضع حوافز تشجيعيه .
البعض تهمه الحوافز بشكل كبير وينتظر يأخذ مثل ماأعطا
لذلك ليش لا على الأقل شهريه
ملاحظه هامه جدا ً جدا ً جدا ً < عشان محد يزعل او يحط بخاطرة
كلامي هذا اعمم فيه اقسام النقاش كلها بكل منتدى
المقترحات :)
فيه شي واللي هو قفل المواضيع بعد 3 او 4 شهور من تنزيله
انا هذي عجزت اقتنع به
بالله يعني بعد مرور هالشهور خلاص انحلت المشكله ؟؟!!!
طيب يمكن يجي واحد عقله يوزن بلد وحكيم وبليغ ممكن رده يكون مقنع وفي قمة المنطق
ونطلع لنا بنتيجه < يعني اتركوا مواضيع النقاش الى ماشاء الله تستقبل كل الوفود :)
وغير مواضيع النقاش بكيفكم قفلوها < لأنه هذي فائدتها بالقراءه بس
/
\
هذا مالدي الآن
ودمت يازين كل يوم حبك يكبر ويكبر بقلوبنا :24ar:
روح :25ar:
رد: قسم النقاش بحاجة لكم.
مواقع النشر (المفضلة)