مناقشات/ الجزء الثاني

[الذآهبــــهـ]

[align=center]مرحبا" أخي تك تك ..

أعتقد اني رح اتعامل مع الموضوع بهدوء وأسوي نفسي ما دريت لكن لما يتمادى ممكن أحاول أصارحه وأشوف ليه سلك الطريق هذا ...

موضوعك جرىء وعلى الوتر الحساس والله لا يحطني بالموقف هذا : ([/align]

[أميـ الورد ـرة]

السلام عليكم ورحمة الله وبركاته
كما قلت الزواج رابط مقدس يعني الاحترام المتبادل والاخلاص و العطاء متوجا ذلك بالحب
بالنسبة لأسئلتك

رأيتي رقم فتاه في جوال زوجكِ؟؟
سأسأله بشكل طبيعي من فلانة ؟
و سأسمع إجابته الكاذبة بكل رحابة صدر
فإن كانت علاقته بها في إطار العمل ( ليس دائما ) فأعتقد اني ساعرفها معه فهو سيحكي لي عنها

او سمعتي زوجكِ يتحدث مع فتاه في منتصف الليل ؟؟
طبعا سأغضب و سأحزن لكن مع ذاتي فقط

ماذا تفعلين ؟؟
اولا اللجوء الى الله بان يعينني على مصيبتي و يفرج همي
ثانيا سأنظر لحياتي ربما أكون مقصرة في شيء ما و ان لم أكن سأعمل على اضافة المزيد ممايسعد زوجي و يعيده لي اكثر من السابق
ربما اعلق على مثل هذه المواضيع بشكل عام امامه حتى اعرف وجهة نظرة فربما عنده يكمن الحل
لاننسى ان الرجل يحتاج لخطة شهرية تغيرين فيها حياته فمهما كان هادئا وروتينيا فهو متشوق لأي جديد جميل طبعا
الصبرعلى المصيبة فهذه مصيبة تهدد أركان بيتك

بعد إعطاءه الفصة ومازال مع الجو الجديد
أتوجه للمصارحة السلسة و اللطيفة التي لاتخدش كبرياءه و أبين له مدى اهميته ( حتى لو عافه الخاطرعطيه فرصة موكل يوم زوج ) ومدى حبك له انسي الأبنا وبيني اهتمامك انت دون ان تذلي نفسك
وعامليه بغباء تام بحيث يظهر ذكاؤه فهم لايحبون الكراة الذكية

فإن عقل كان بها وعدينا وان كابر وقال احبها ؟؟؟؟؟؟



هذا رأيي الشخصي يمكن اذا صار واقع ( الله لايقدر ) يكون لي رد آخر
[mark=9966FF]
بس لوكان العكس ياترى الزوج ايش راح يسوي ؟[/mark]

$222

["رهينة الذكرى"]

،،،،،
وضوعـ واقعيـ من صلبـ المجتمعـ ،،،

أول شي اللي تفكر انها راح تتزوجـ واحد
ما يناظر لغيرها وعينه مهي زايغه غلطانه،،،

لكنـ البنتـ بشطارتها تقدر تملكـ الرجالـ مثل الطفلـ
يعني الرجال وش محتاج اكثر منـ حنانـ واهتمام ودلعـ ،،،

لكن لو فرضاً سمعتـ زوجيـ يكلمـ وحده بالليلـ "أو بالنهار هالأيامـ الرجالـ ماعادو يختشونـ"
راحـ انقهر صدقـ وانجرحـ ،،، لكنـ بعده ابينـ له اني مهزومه ...
بادخلـ غرفتي وكني ما سمعتـ شي وبطريقة أو باخرى بحاولـ اعرفـ منه السببـ من غير ما ابينـ له اني عارفه ،،،

ولو كنتـ انا الغلطانه أو شفتـ نفسيـ مقصره راحـ أحاولـ أغير من اسلوبي
أما لو كانتـ هذي اللي يكلمها اقلـ مني و هو أصلاً من النوعـ اللي كلـ يومـ مع وحده
لا والله ماني مستعده اجلسـ مع واحد خاينـ لو يومـ واحد
لكنـ افكر اسويـ معه حربـ نفسي شوي بعدها اطلبـ الطلاق

،،،،،،،،،،

فاصلة ،،،

لو كنتـ احبه و بموتـ لو فارقته بانثبر وانطمـ واضبط نفسي بسـ عشانـ ما يتضايق مني ولا يفارقني

،،،،،






موضوعك في الصميمـ

لكـ المصافحة،،،



،
،
،

"رهينة الذكرى"

[alzen57184]

رائيتي رقم فتاه في جوال زوجكِ؟؟
او سمعتي زوجكِ يتحدث مع فتاه في منتصف الليل ؟؟
ماذا تفعلين ؟؟

بصراحه باغضب اشد الغضب في قلبي

ويمكن من شدة الغضب انفجر من الداخل

بس ماراح ابين له بذكائي راح اعرف وشلون اجيب خبره

المواجهة ابدا مو حل للمشكلة بالعكس بيتجرأ ويصير وقح ويقول ايه اكلم وش عندك؟؟

باحاول اضايقه ما اخلي له مجال ينفرد بنفسه ويكلم في بيتي ما بقى الا هي

وبصراحه انا اقول اطلع رقم لي ان شاء الله سوا واكلمه على اني بنت ثانيه وشوف ردة فعله

ثم اصيده في الماء العكر لتثبت تهمته

ثم ابدأ بالنقاش معه عن الاسباب اللي دعته لذلك ونتفاهم على رواااقه يا غالب يا مغلوب:)


شكرا لطرحك اللي يقهر

لانه من جد حساس

[نسمة الكويت]

بــــآك

لو كنت بالموقف هذا

ممكن راح اتضايق من داخل قلبي
بس راح أخليه دافع لي لو حسيت ريلي قاعد يخون
يعني اهتم بنفسي وبطريقتي الخاصه اعرف عيوبي

وثانيا مستحيل افكر اقوله منو هذي
لاني لو سألته راح نتهاوش بسبب المشادات بالنقاش
لذلك ابتعد عن السؤال منو كنت بتكلم 00
لان هالسؤال لو كانت الزوجه تكلمه بالسياسه لكنها راح تنهار جدامه لما تبجي او يمكن يتهاوشون
لذلك ابتعد عن السؤال 00

واذا قاعد يتكلم بالليل كذلك بطريقتي اقدر اخليه يسكر التلفون
وبذكائي الاجتماعي اقوله هذا رفيجك عساه بخير !!00 لايكون معاه مشكله
وبالحاله هذي الزوج راح يحس بالأحراج لان تفكير الزوجه بريء راح يفكر جذي
واهنيه كذلك استخدم ذكائي الاجتماعي بطريقه صحيحه
وربي الرجل اكثر شي يعجبه بالبنت بغض النظر عن جمالها يحب يهتم لأناقه أسلوبها

وابتعد اذا طلع من الغرفه وترك تلفونه اني افتش التلفون
لاني مااحب الشك 00 الشك ماوراه إلا عوار الراس
وشي طبيعي الرجل يطالع وحده واثنين وثالثه 00إلخ 00لان شي بالغريزه
وربي الريال لو يطالع مليون وحده وعنده زوجه خووش وحده
راح يخلي كل هالبنات عالهامش ويحط زوجته بعيونه 00 والعشره الزوجيه تثبت هالشي

والله دايم انصح لكل وحده متزوجه ابتعدي عن جهاز ريلج
انسي تقريبن لجهاز ريلج مهما تكون الظروف والشكوك
عشان مايصير هواش وزعل بينكم

بس المصيبه اذا كانت الزوجه مهمله ولا تعتني بريالها وشكلها ولا عندها ذوق باسلوبها
وربي عن نفسي ماألوم لما يتصرف جذي 00


تك تك حلو موضوعك وعلى فكره اكثر موضوع أتناقش فيه مع رفيجاتي وبنات العايله
لان صاير معاهم هذا الموقف ولكن للاسف يكونون متهاوشين مع ازواجهم
وفي وحده أعرفها وصلت للطلاق بسبب هالمشكله
وعلى فكره لما اقولهم ردي جذي يعارضوني لكن انا انسانه ديمقراطيه واحترم وجهات النظر

يعطيك العافيه00