متى يصحى الضمير !!!

[Ju$t me]

اهلين اخوي احوال

بنسبه للبنت اللي اهلها يحجرونها ولله الحمد مو موجوده بس المشكله ان البنت ماتطلع من العائله

وتكون لاحد من اقاربهاا واكثر شيء من ولد عمهاا .. يعني عندنا لو احد بيخطب من برى العائله يرفضوه اهلي

رغم ان اللي من برى العائله بتكون اخلاقهم افضل بكثير من داخل العائله..

لما نسال سبب الرفض يقولوا مو قبيلي او مو من قبيلتنا طيب الرسول صلى الله عليه وسلم قال زوجوا من ترضون دينه .. ماقال من ترضون قبيلته

اما راي البنت فهو عندنا ولكن لا يخرج من حدود العائله او القبيله يعني بناخذ منهم رضينا او لا

والله يجيب اللي فيه الخير سواء من العائله او برى ..

يعطيك العافيه..

[merci]

الخلل هنا يعتبر من الأهل اللي رضوآ علىآ بنتهم الوضع المزري هذا..,
طيب خطبني وحجزني وأنا صغيره تضمنون لي إنه مايصير فيه شيء إذا كبرنا..؟
مايموت , مايصير له حآدث يتشوه ينشل إلخ !!
تضمنون إنه إذا كبر ما يغير رآيه فيني ..؟!
الحمدلله عندنا بـ العايلة هـ الشيء من سآبع المستحيلآت ماسووها علىآ أيام أمي وأبوي يسوونها علىآ وقتِ !!
اللي يبي يخطب يخطب بـ الوقت اللي يبي يتزوج فيه ولا يقضب أرضه ولا يعلق بنآت النآس..,

ع ـالعموم الحالات هذي حالياً تعتبر حالات فردية شاذة نادراً ماتلقىآ الحين بنت تتزوج بـ شخص مو مقتنعه فيه..,

أحوال..,
يعطيك العافية ع ـالموضوع..,

[جنونـ طفله]

وعليكم السلام ورحمة الله وبركاته

موضوع يستحق النقاااش

بصراحه هالشي منتشر بقوووووة وكلها عادات وتقاليد متوارثه

ونسوا الدين والشرع اللي امره رب السماوات والارض للاسف

سمعت قصه وواثقه من صحتها ان بنت عمرها في العشرين وولد عمها عمره 10 سنوات ورافضين يزوجونها

الا لما يكبر ولد عمها وياخذون رايه يبيها ولا لا

والبنت بالطقاق تعنس ولا عمرها ماعنست مالهم دخل فيها
قمة الظلم والاستحقار

انت بس اسمع برنامج بيوت مطمئنه والله القصص اللي اسمعها تبكي قسم بالله

وبتقعد تفكر ان معقوله للحين فيه ناس عقلياتهم محدوده لها الدرجه حتى بعد انتشار الدين

الحمدلله الذي عافانا


اعتبر الموضوع قضيه يصعب حلها


الله يعطيك العافيه

[آحوال]

هلا بك أحوال
انا اشوف هالشي دارج بأغلب القبائل وفيه كم حاله نجحت وفيه من فشلت

ولأأري فيها تهويل أو انها كارثة أجتماعية

ولاهنت عالطرح أخي

تك تك

هلاحياك اخوي تك تك معك فيه كم حاله نجحت والاغلب لم ينجح او مو مرتاحين مع شريك الحياه بسبب الاجبار ولو تعايش الموقف ماقلت ان فيها تهويل ووجهت نظرك اقدرها لك

[آحوال]

ياخي خلنا نتوظف الحين عشان نتزوج وبعدين يحلها الف حلال لو اتزوج شغالتنا

هههههههههههههههههههههههههههههههه

والله ياخي ما ندري وش نسوي ,, الشباب بعضهم حقير يشوف وينتشر الخبر في الإستراحات

شفت فلانه والله الشين يقولها وخري عني

وهي يمكن حلوة بس موب حلوة بنظرة !

وراحت البنت علكة في حلوق الناس شافها فلان شافها فلان تتزوج وحدهـ شافها فلان ؟

ما تدري تسكت من ولا من ,,



لكن مسألة فلانه لفلان لأنهم بنظرتهم فلانه ما تشوف فلان ولا هو يشوفها ,,

وتزوجوا وخلصوا وصلى الله وبارك ,,

حنى لو نطبق الدين ازين لنا ,, بس ماش ,,

الدين شرع لنا النظرة الشريعه ,, وبنفس الوقت حرم على الرجال انه يتكلم ,,

حنى لا حطينا نظرة شرعيه ولو سووها الناس بدوا يتكلمون زي ما قلت لك !

فما ادري صراحة وش نبي نوصل له ,, تهى نتزوج بالجنة احسن ؟

هههههههههههههههههههههه اويلاه والله ينت ماسك المطينه ردك بوادي واحنى بووووووووادي


بس منوره بالحظورimages11