تعليمنا والتقدم نحو " الخلف " ..؟

[سـارهـ]

اولاً ابعدي عنك الاحباط فـ انتي وحدك المتضررة

تتكلمين عن ماذا !!

التعليم ؟

اي تعلمين اللي تبحثون عنه عندنا ؟

انظمة مصريه كانت تطبقها مصر قبل لا مبالغه مئة سنه او يزيد

تطورت مصر وانظمتها وبقينا على ما نحن عليه

اصبحنا ننظر لـ ضخامه ميزانية وزارة التعليم ومايصرف وأهملنا مايتم تعليمه

اصبحنا ان ناقشنا عن تغيير المناهج قالو الدين !!

هل الدين يجبرنا على عدم المساس بمناهج الرياضيات او بالطرق التدريسية ؟

مباني متهالكه

معلمين بدون خبره

وبدون اي صلاحيات لتطوير التعليم وطرق التدريس

7 مليارات ريال صرفت على تطوير منهج الرياضيات !! وطور غلافه واضيفت صور ملونه !! ( لست متاكد من الرقم )

خلاصة الموضوع الموضوع لا ابتعاث يفيد ولا تعليم ينفع

الافضل ان نعتمد على تعليم اطفالنا في منازلنا وكفى

طرح رائع سارهـ

وضع التعليم عندنا
كل ماله يسوء اكثر ولا شفنا تطور بشي ، ولا نسمع اخبار الا ان
[ معلم قام بضرب احد الطلاب وتسبب بــ .....؟؟؟ ]
[ طلاب قاموا بتكسير زجاج سيارات احد المعلمين ]
وهالاخبار كل يوم نسمعها ونقراها
/
وبعدين
متى راح يكون فيه احترام الطالب للمعلم.؟
ومتى يتعلم المعلم طريقة الحوار مع طلابه بدل اسلوب العنف .؟
:
سعودي
نورت الموضوع
:25ar:

[merci]

[indent]^^

شكلكِ تدرسين ب مدرسة ( أرآمكوآ ) ؟

لا مو مدارس أرمكو أتوقع..,
لأنه من يجي ست سنين كاني مو واهمه ووزارة التربية والتعليم بادية بـ تطبيق نظام التعليم المطور بدأت بـ الرياض بـ ثانويتين اللي هي الرابعة وأظن المملكة..,
والحين كثير من مدارس الرياض يتطبق فيها نظام التعليم هذا ..,
لأنه بدأوه شوي شوي كـ تجربة ولما حسوا بـ فرق واضح بدأو يحطون في كل منطقة لأن نوعية التعليم هذا كثير من الطلاب مايرغبون فيها..,im3
+
مكلفة جداً جداً جداً لو طبقوها مرة وحده يطبقونها شوي شوي والحمدلله النتائج واضحة.,
ع العموم بـ أتكلم عن اللي أشوفه بـ كتب عيال أخواني..,
التعليم فرق 100% عن اللي كنا عليه خلونا واقعيين يعني أشياء كنا ندرسها في خامس وسادس بـ الرياضيات الحين صاروا يدرسونها بـ ثاني وثالث..,
ولا تزر وازرة وزر أخرىآ ..,
لاتحملون وزارة التعليم ذنب مدرس متخلف همه الوحيد إنه ياخذ الراتب أخر الشهر ولا يهتم الطالب فهم ولا لا ..!
العيب مو بـ التعليم العيب في المعلمين..,

:25ar:

[شبيهة المطر]

^
ياشيخه ! ومنهو اللي حط القدرات والتحصيلي والتراكمي هاااااه ..
طيَّـب يطبقونها ماقلنا شئ ( هل يستوي الذين يَعلمون والذينَ لايَعَلمون )
لكن لمَّا نكون إحنا متأسسين كويس !!
موب فجأه ... نشوف معلومات أشك إننا دارسينها ؟!
وذا على مباني المَدارس إحنا مدرستنا مبناها حلو ويسوون لنا رَحلات وكذا
لكن طريقة التعليييم هي التَعبانَه
وكِتابي التوحيد وقسسم بالله فتحت كِتاب أخوي اللي بثالث متوسط ! نفسسه بالضبط !!
يعني يعيدون ويزيدون في الأحكَام !!


ويانسمة أنا بنفسي يوم جا التوجيه مَدرستنا تكلَّمت معهم عن وضع بعض المُعلَّمات وكم مرَّه قدَّم أبوي شَكوى لكن لاحياةَ لِمن تُنادِي !!

[هستره]

التعليم من جنبها انا درست دراسه أنواع الدجه وقبل الامتحان الاسئله تكون عندي
يعني <<الصدق او الامانه في التدريس مابوووه
حتى القدرات أخذت الاسئله لبنت أخوي <<<لاحد يجي يقول هي ماراح تستفيد ومن الكلام هذا
وش نسوي تتعب المسكينه كل هذي السنيين وفي الآخير ينزل معدلها بسبت القدرات صعب والله
وبعدين مافيه شي صعب في موت الامانه والذمه عند الشخص اي ماكانت وظيفته

هل انت راضي على تعليمنا من جميع النواحي [ المباني ، طرق التعامل ، المناهج ]

لا والله مافي شي عاجبني

هل انت من مؤيدين البعثات الخارجيه بعد نهاية المرحله الإبتدائيه؟

اي مؤيد وبقوى <<<مالنا الا كذآ




لاهنتي يا ساره على الموضوع :25ar:

[سـارهـ]

يالله ياسـاره ..
أنا لو بتكلَّم مِن هِنا ماراح أسكت !

أي تَعليم يُطبَّق هُنا ؟
لمَّا تجي أستاذة الكيمياء وتقول يلا يابنات إحذفو كِذا وكِذا ..!!
وأستاذة الأحياء تقول غيرَّوا هالمعلومه إلى كـذا !!
ولاتهوون أُستاذة اللغة .. بدلَّت المَنهج كَامِلاً ووضعت لها مَلزمه لاتتعدى الوريقات وإكتَفت بِها !!

وششدو حيلكم حَبايبي ( كلمة أبلة الرياضيَّات ) خخ شدي حيلك أنتي ، فَ عندما تتساوى الطالبه مع المعلَّمة مَن اللي بيشد حيلة ( أَبلة الرياضيات يَا أحبَّه ألتقي بِها شبه أسبوعيَّا عِند الأستاذه الخصوصيَّه المصريَّه ) فَهيَ تشرح لِ معُلِّمتي أيضاً


طيب !! بِ الأخير إيش يصير ؟ أسئله تحصيليَّه لكل مـاسبق !!
وش سَبق هااااه ؟؟؟
إحنا درسنا أصلاً زي الناس
معلمة تحذف
ومعلمة تبدل المعلومه
ومعلمه تشرح غلط
ومعلمه تحتاج مُعلِّمه أخرى


أي أسئله يرررحم أمكـــم !!
لمَّا تكون جَميع المعلومات اللي إكتسبناها مُحرَّفه والنصف الآخر محذووف !!
ليه مايكون فِي توحيــد لطرق التدريس ؟؟
ليه مايكون نهج تدرسينا وااااحد !!


( المعلَّمات كِبار السن هل ننتظرِهم لِ أن يُخرِّفوا مَثلاً ؟؟؟
مَباني المَدرسة ... مشاء الله غرفة المعلَّمات مُكيَّفهم مايخرب إلَّا اليوم الثانِي مصلحينه
وإحنا لاخَرب نتنقل مِن فصل لِ فصل ؟؟؟



تعب 12 سـنة ولايصير اللي تبيه ؟؟
ننذاكر وننذاكر وناااكل تبن ونكررررف ... وتجيك ورَقه تلعب فِي أحلامك لعب !!




وزراة التنعيه والتحطيــم ؟؟ أكرررررررررررهكم مِنَ الأعمــاق

شبيهه :
هو كذا تعليمنا من عرفناه ..!
تحطيم وتهميش
:
أغلب المعلمين والمعلمات دوامهم عشان الراتب ..!
ولايدرون وش المطلوب منهم من تبدأ الحصه كل واحد يروح على فصله
يقولون كم كلمه وبعدها يطلعون وينتظرون آخر الشهر ..
وآخر السنه اللي يروح فيها الطلاب..
الله يهنينا ويسعدنا بـ تعليمنا

نصيحه:
لاتعبين نفسك وتتنرفزين لان ماراح يتغير شي
هم نفس ماهم على حالهم وانتي اللي راح تتعبين
عيشي يومك وطوري ثقافتك ومعلوماتك بطرق ثانيه :24ar: