وعليكم السلام أخي جارح ..
ويسعد مساك دوم مش يوم ..
الله يهديهم مايخافون من دعوة مظلومه في ظلمة الليل !!
فيه مثل يقول من دق باب الناس دقوا بابه ..ولا حول ولاقوة إلا بالله ..
(إن الصلاة تنهى عن الفحشاء والمنكر)
بس للأمانه فيه بنات ألعن من الشباب ولاتزعلون ياصبايااا.؟!
تجيك البنت ملكعه وتطيح ع شاب أجودي ..وتلعب لعبتهاا
أكيد كلآ منهم مستفيد من الأخر لكن !!
ويالله هاك يافلوس وهاك ياهدايااا..
الله المستعان ..
اللهم إغننا بحلالك عن حرامك وبفظلك عمن سواك..
تحياتي لروحك الطاهره ..
هلا وغلا ياام الغالي
كلامك صحيح
بس اذا كانت البنت العن الشاب عاد مايصير الشاب انجس منها
والله اذا هو غبي الى هاالدرجه يستاهل صراحه
عندهم خوات وامهات وزوجات وبنات بس سفله وش تقول باللي ماعنده ضمير ومايخاف من الله 0
\من هم هولاء الشباب اللي يقدرون يسوون كذا وماهي صفاتهم
هل هم مرضى ام جبناء ؟
يمكن يكونو مرضى وجبناء وعندهم انفصام بالشخصيه وانذال كل الصفات تجتمع فيهم 0
\العلاقه تكون تسير على وجه معين ثم تتحول الى جانب اخر
يعني تتحول الى تهديد وابتزاز .. وش السبب وراء هاالتحول لابد من وجود سبب ؟
يمكن السبب بعض الاحيان يكون غصب عن البنت بس الواثقه من نفسها ماتسكت لو ايش مايكون دامي واثقه من ممشاي مايهمني تهديده ولا ابتزازه
وبعض الاحيان البنت تكون هي السبب تحط نفسها واهلها بالوحل 0
\ابتزاز الفتيات ماهي الاسباب وماهي الحلول ؟
ما اعتقد في حلول وخاصه بزمنا هذا الا ان البنت ماتترك على حل شعرها بالمجمعات ومع السواق يدور فيها وغيره وغيره
اما اللي تتعرض للابتزاز وهي ماتدري انو ممسوك عليها شي عاد الله ينصرها وينجيها بس مفروض ماتخاف على طول تقول لاهلها ويخبرون الشرطه يسوون له كمين وترتاح بدل ما تستلم له وتضيع نفسها 0\القصص كثيره عن الابتزاز هل تذكر لنا قصه اثرت فيك ؟
انا حصلت لي قصه قبل ما اتزوج واحد خطبني ورفضنا لان سمعتهم مو زينه
المهم انا تزوجت يتصل على بيت اهلي كل ما اروح ويهدد ويقول لازم اخليك تتطلقين واتزوجك بالقوه - انا قلت وش اللي يخليني اسكت انسان وضيع مافي شي يخوفني منه على طووول خبرت زوجي بالقصه وعملنا له كمين بحيث رحنا للشرطه واستدعوه وقلنا ان احنا مسجلين صوته وهو يهدد وخاف على طووول وتدخلو اهله واقاربه وبعدها اخذنا عليه تعهد انه مايتعرض لي
وخلاص الحمد لله ارتحت راح الله لايرده بس لو ظليت ساكته اكيد ماراح ارتاح بحياتي - بس الحمد لله الله نصرني عليه لانه مجرد انسان سفله 0
جآرح
صدقني الأبتزاز ماله حل لان النفوس المريضه زادت
مع ازدياد الفسق والفجور والحريه اللي معطينها الاهل لبناتهم
بس نسال الله العفو والعافيه وربي يستر علينا وعلى بنات المسلمين
موضوعك جدا حلو بس لو ينحط الف موضوع مثل هذا وقصص بعض البنات الله يهدين لاحياة لمن تنادي 0
للاسف مجتمعنا قاعد يصور شبابنا ان هم اللي يتحملون الخطأ ..
وهم الذئاب البشريه وفيهم وفيهم ...
ولا كأنهم جزء من المجتمع !!
يعني قاعدين يحلون مشكله بمشاكل ..
المفروض ارشادهم وتوعيتهم و توضيح العقوبات ..
احسن من يحملونهم اللوم ويحذرون منهم كأنهم مخلوقات فضائيه تهدد حياة البشريه !!
لو حسبتها بعقلانيه كلهم يتحملون اللوم ومشتركين فالمشكله ..
واذا فيه شاب ابتز فتاه فهناك فتاة تبتز شاب ..
مشكلتنا عاطفيين و ننظر للامور من جهه فقط ..
مشكور جارح على الطرح ..
والله المشكله في عقول هاالشباب والبنات
يعني عقولهم صغيره وفاقده الثقه في من حولها
يعني من بداية العلاقه وهو اهتمامه كيف ياخذ صورة البنت
تحسب لي خيانه او عدم تنفيذ لي رغبه
مواقع النشر (المفضلة)