تابع........
نرجع لوجود اللي كانت تبكي بدون صوت وماجد يهدي محمد اللي عصب من رد وجود
فهد راح عند وجود ماكان يدري وش يقول بس المهم يهديها قال:وجود خلاص لاتبكين الشامخ بيرجع انتي اهدي
بس لارد من وجود
فهد:وجود تعالي اجلسي لك ساعه واقفه بتتعبين أكثر
بس مافي رد
راح فهد وقف قدامها وقال:خلاص وجود الشامخ بيرجع وسحبها من يدها وجلسها بس وجود كل ماقال فهد كلمه كانت تتردد[لو مات]وكانت تزيد بكي وشوي الا ويسمعون صوت خيل قامت وجود بسرعه ومعها فهد لانه كان جالس بجنبها كان فيه خيل يركض بأتجاههم وجود على طول ركضت لمه وضمته كان الشامخ وجود كانت وهي ضامته تبكي مثل ماكان هو يبكي وهذا اللي صدم فهد وعمي محمد وماجد
وبعد تقريبا عشر دقايق او ربع ساعه قالت:يله نرجع المزرعه بدوا يمشون
قال ماجد:انتي كل مره تجين مع الشامخ هنا؟؟؟
وجود:ايه
ماجد:كم يبي لنا عشان نوصل للمزرعه؟؟؟
وجود:وانت تمشي ربع ساع هاما اذا تركض خمس لست دقايق
ماجد:تعبت اصلا الحين الساعه وسكت
عمي محمد:كم الساعه؟؟؟؟
ماجد:2:30
عمي محمد:مسرع الوقت
وصلوا المزرعه ولما دخلت وجود وبيدها الشامخ والباقين وراها مشت بدون أي كلمه ودخلته الاسطبل وطلعت وقالت:هالمره عدت على خير بس لو اسمع ان احد قرب من الشامخ بيصير في اعداد الموتى ومشت
الكل مصدوم من كلام وجود سئل مهند فهد:وش فيها؟؟؟
فهد:وش مافيها بغت تنهار علينا هناك طول الوقت وهي تبكي
###################
اما عند ماجد وعمي محمد
قال عمي محمد:ماكنت متوقع ان الشامخ هديه من ابوي الله يرحمه عشان كذا كل هالغلا
ماجد:حتى انا انصدمت لما تكلمت بس انت زودتها معها
عمي محمد:خلها تعرف الواقع في أي لحظه ممكن يموت الشامخ
ماجد:صح ماقلنا شي بس ما كان الوقت يناسب اللي قلته واتوقع انها زعلت
عمي محمد:الا اكيد بس كيف بكلمها ما ادري
ماجد:طيب هي اذا تضايقت وين تجلس؟؟؟؟
عمي محمد:ما ادري
فهد:انا ادري
عمي محمد:صدق
فهد:ايه
عمي محمد:ودني لها
فهد:لو شافتك الحين بتتهاوشون وبيكبر الموضوع انا بروح اشوفها
#####################
اما وليد عصب من اللي صار وراح غرفته وكان محتر بنت تهاوشه
######################
اما عند سمر ودلال ووجود كانوا يمشون لين وصلوا القسم الوسطي ودخلوا
قالت وجود:ممكن تخلوني لحالي
دلال:بس ياوجود انتي
وجود:ممكن اذا سمحتوا
راحوا البنات وخلوها لحالها طلعت وجود من قسمهم وراحت لورى المزرعه[مكانها المفضل اذا تضايقت من وهي صغيره] جلست هناك كانت في البدايه هاديه بعدين رفعت رجولها وحطت راسها على رجولها وصارت تبكي
فهد كان خايف على وجود فراح لمها [فهد هو الوحيد اللي يعرف ان وجود تحب هالمكان لما تتضايق] وصل هناك وكان يسمع صوت احد يبكي مشى بسرعه لين وصل مصدر الصوت وكانت وجود انصدم من وضعها وانهيارها المفاجىء راح عندها بسرعه وجلس على ركبه عند رجولها وقال:وجود
بس مافي رد
مد فهد يده وحطها على يد وجود وقال:خلاص حبي لاتبكين
رفعت وجود راسها وشافت فهد قدامها سحبت يدها وصارت تمسح دموعها وقالت:مين علمك اني هنا؟؟؟؟
فهد:قلبي دلني ولا نسيتي انك من وانتي صغيره اذا تضايقتي جيتي هنا
سكتت وجود وقال فهد:طيب ليش الدموع؟؟؟
وجود:ولا شي
فهد:كل هالدموع وولا شي قولي هالكلام لغيري انا اعرفك أكثر من نفسك
نزلت وجود راسها ونزلت دموعها قرب منها فهد وضمها وجود بالبدايه كانت تبيه يفكها بس فهد كان يضمها أكثر ضمته وجود وهي تبكي وفهد يهديها وكانت شاده عليه ولما هدت بعد ربع ساعه قال فهد:حبي هديتي؟؟؟!!!
فكت وجود يدينها وبعدت عنه وهي وجهها الوان من الحيا وقالت:ايه مشكور
فهد:في الخدمه بس انتي روحي ارتاحي
وجود:ان شاءالله وراحت كانت تحس براحه فضيعه من زمان ماحست فيها
اما فهد كان شوي ويطير من الفرحه حبيبته كانت بحضنه وش يبي أكثر
دخلت وجود الفله وعلى طول راحت فوق ودخلت الغرفه وحمدت ربها ان مافيها احد كانت تحس بقلبها شوي ويطلع من مكانه اخذت ملابسها ودخلت تاخذ شور عشان تهدى بعد اللي صار ولما طلعت وقفت قدام المرايه تذكرت شكلها وهي حاضنه فهد قلب وجهها احمر ونبضات قلبها زادت راحت انسدحت على السرير وانفتح الباب ووجود على طول غمضت عيونها طلعوا البنات لما شافوها نايمه
#######################
اما تحت كانوا كلهم مجتمعين يتغدون ودق جوال ملاك وردت:هلا نواف ايه طيب دقايق وسكرت
أم نواف:وش عنده نواف ؟؟؟؟؟
ملاك:يبيني شوي وراحت المطبخ واخذت الاسعافات الاوليه وركض لين وصلت قسمهم دخلت ولما وصلت عند باب لقسم الرجال فتحت الباب على طول وبسرعه وعبدالعزيز كان متكي على الباب لانه مع نوافى بغى يطيح بس مسكه نواف ملاك من الصدمه سكرت الباب في وجههم ونواف كان ميت ضحك على طيحه عبدالعزيز وشكل ملاك ودق عليها
نواف:ليش صكيتي الباب الولد ينزف
ملاك:ماقلت لي ان معك احد دقيقه البس عبايه ومن حسن حضها لقت عبايه هناك(كانت عبايه وجود) لبستها وفتحت الباب
نواف:كان مافتحتي خلص دم الولد
ملاك:وليش انت ما اسعفته؟؟؟؟مو هذا تخصصك
عبدالعزيز:بتتهاوشون وتتركوني؟؟؟؟
نواف:سوري يله ملوك شوفي شغلك
دخلتهم وجلس عبدالعزيز على كرسي وملاك قباله مد يده وكانت كلها دم بدت تمسح الدموتحاول ماتمسك يده وانتبهت لقطعه قزاز
ملاك:نواف الجرح من قزاز؟؟؟؟
نواف:ايه
ملاك:طيب فيه قطعه تعال طلعها
قرب نواف وورته ملاك مكانها واخذ زي الملقاط
قال عبدالعزيز:ليش هذا؟؟؟
مارد عليه نواف وسحبها ولما بدت تعقم صرخ عبدالعزيز
قال نواف:ليش الصراخ هدي
عبدالعزيز:بلاك مو انت اللي تحس
خلصت تعقيم ولما بدت تلف يده لمست يدها يده وبعدوا يدينهم بسرعه
نواف:وش فيكم؟؟؟
عبدالعزيز:ولا شي بس يوجعني ورجع مد يده ولما خلصت قال عبدالعزيز:مشكوره تعبتك معي
ملاك:العفو وطلعت
نواف:الحين رجال شكبرك وتصرخ من معقم
بس عبدالعزيز ماكان معه كان يراقب ملاك لين طلعت
قال نواف:وش فيك؟؟؟
عبدالعزيز بيضيع السالفه قال:الحين تخصصك طب ومبهذلنا كان سويتها لي هناك وخلصنا
نواف:انا فاضي لك اروح السياره واجيب عدتي عشانك
عبدالعزيز:قوم بس وراحوا قسمهم
#########################
ولما جت الساعه 5:30 م صحت وجود ونزلت تحت وجلست معهم
قالت عايشه:بنات من تجي معي برى؟؟؟؟
سمر:بنات وش رايكم نلعب؟؟؟
البنات:ايه وقاموا البنات وطلعوا لقسمهم وصاروا يلعبون
وبعد صلاه المغرب قالت جدتي أم مبارك انها تبي تشوف عمامي والشباب بس انها ماتبي تروح لمهم تبيهم يجون عندها وبعد نقاش مع البنات قررت انها تجلس بالقسم الوسطي ويجونها هناك
اجتمعوا عندها الشباب والبنات يصورون دخلوا الكل وسلم جدتي واستلمتهم
جدتي أم مبارك:الحين ولا واحد منكم يجي يسلم علي اهـ يلي ماتستحون
عمي سلمان:يايمه هم كانوا بيجون يسلمون عليك بس اللي صار اليوم نسانا
جدتي أم مبارك:ليش وش صار؟؟؟؟
مهند قال لفهد:شكل البنات ماقالوا لهم
فهد:الظاهر
عمي سالم:الشامخ اليوم ضاع ومالقيناه الا بعد الظهر
جدتي أم مبارك:مين الشامخ؟؟؟؟
ماجد:يمه خيل وجود
جدتي أم مبارك:عشان كذا اليوم ماشفناها
عمي عبدالله:ماتبين تعرفين العيال يمه ؟؟؟؟
جدتي أم مبارك:الا بس اخذتنا السوالف
#################
اما عمي مبارك كان جالس معهم وباين عليه متضايق
اماعند البنات برى دق جوال وجود وكان المحامي يحيى بعدت عن البنات وردت عليه ولما قفلت منه سوت كذا اتصال وبعدين رجعت للبنات
####################
اما عند الشباب
قالت جدتي أم مبارك:سالم هذا ولدك وكانت تأشر على مهند
عمي سالم:ايه ليش؟؟؟
جدتي أم مبارك:مجنون كنه اخوك محمد على بالي ولده
عمي محمد:يايمه انا ولدي هذا وكان يأشر سلطان
جدتي أم مبارك:سبحان الله فرق بدلوا العيال احسن لكم
#####################
اما عند فهد ومهند ورائد وزياد وعبدالمحسن كانوا فالينها سوالف وضحك وماجد كان يسولف مع نواف وعبدالعزيز
قالت جدتي أم مبارك:انتم جاين تسولفون معي وجلستوا تضحكون لحالكم
زياد:ياجده انتي تسولفين مع ابوي وعمامي وحنا نسولف مع بعض يعني تبينا ندخل بنص السالفه مثلا
جدتي أم مبارك:احسن تعال وطلع حرتك فيني
قال زياد لشباب:اثر جدتي مجنونه من حقنا اجل ضحكوا الشباب
قالت جدتي أم مبارك:زيادوه وش قايل؟؟؟؟
عبدالمحسن:ماقال شي احنا نضحك عليه
جدتي أم مبارك:لاتضحك عليه اضحك على نفسك لان الكلام لكم كلكم موب له لحاله
رائد:ياجده انتي ليش معصبه؟؟؟
جدتي أم مبارك:كيفي؟؟؟
قال رائد للشباب:حركات كيفي بعد وضحكوا
قالت جدتي أم مبارك:انتم على وشو تضحكون؟؟؟؟؟
مهند:ولا شي ياجده الا شلونك؟؟؟
جدتي أم مبارك:كنت بخير قبل ما اشوفكم
عمي محمد:يمه ترى العيال يهبلون فيك مااعليك منهم
جدتي أم مبارك:طالعين عليك انت وماجد
وبعد ساعه وعليها راحوا كلهم مابقى الا فهد ومهند وزياد ولما جو بيطلعون
قالت جدتي أم مبارك:فهد لاتروح ابيك
فهد:خير ياجده وش فيه؟؟؟؟
جدتي أم مبارك:خل الملقف اللي معك يطلعون بعدين اقولك
مهند يقول لزياد:مو كننا انسبينا
زياد:خلنا نطلع بكرامتنا وقبل مايطلعون قالوا لفهد:جاك الموت ياتارك الصلاه وطلعوا
قالت جدتي أم مبارك:فهد انت متهاوش مع وجود؟؟؟؟؟
استغرب فهد وقال:لا ليش؟؟؟
جدتي أم مبارك:لما شفتها قبل شوي مانت متضايقه
فهد:يمكن بعد اللي صار لشامخ لانه غالي عندها
جدتي أم مبارك:ولي شانت ماهديتها ؟؟؟مو كنت معها
فهد:انا هديتها بس
جدتي أم مبارك:لا بس ولا شي لحظه وطلعت جوالها ودقت على وجود وقالت لها:تعالي ابيك
طلعت وجود من عند البنات وقفلت الكميرا ودخلت وهي مانتبهت لفهد وقالت:سمي ياجده وش بغيتي؟؟؟؟ وكانت منزله راسها ترد على المسج اللي وصلها
قالت جدتي أم مبارك:شلونك الحين؟؟؟
وجود:بخير دامك بخير وفهد كان واقف ويطالعها
قالت جدتي أم مبارك:اتركي اللي بيدك وناظريني
وجود:ان شاءالله ولما رفعت راسها انصدمت بفهد اللي كان يطالعها ومبتسم ابتسمت وقالت:امري ياجده
جدتي أم مبارك:الحين ليش ماتجلسين مع زوجك؟؟؟
وجود قلب وجهها احمر بس ردت:ليش وش فيه؟؟؟؟
جدتي أم مبارك:الحين مخليته وجالسه مع البنات المهبل
ابتسمت وجود وقالت:طيب انا جايه هنا عشان اجلس مع الممهبل على قولتك وهو مع الشباب وبعدين ترى احنا بس مملكين
جدتي أم مبارك:ولو المفروض تجلسين معه
وجود:عشان ابوي وعمي عبدالله يخلصون علينا
فهد:ياجده انا اكلمها يكفي
جدتي أم مبارك:لا تقول لي انك ماتبي تشوفها؟؟؟
ودق جوال وجود وردت:اوكي جايبن مع السلامه قالت:جدتي العشا جاهز
جدتي أم مبارك:طيب بس مارديت علي يافهد؟؟؟
وجودفي نفسها[وش ناويه عليه جدتي الله يعين] ورفعت عيونها تناظر فهد وفهد كان يناظرها نزلت عيونها وتذكرت اللي صار اليوم الظهر وحم وجهها
قال فهد:اكيد ياجده بس
جدتي أم مبارك:لا بس ولا غيره هذي هي عندك اجلس معها ومحد بيقول لك شي
وجود:بس ياجده
جدتي أم مبارك:لابس الا دخلت عمتي فاطمه وقالت:يله ولا ماتبون عشا وسلمت على فهد
قالت جدتي أم مبارك:الا يله عشان بروح انام
ولما قاموا كلهم عمتي فاطمه مسكت جدتي ولما جت وجود بتمشي مسك فهد يدها
لفت وجود وقالت:فك يدي
فهد:أبي اكلمك
وجود:كلمني بالجوال بس فك يدي
قالت عمتي فاطمه:يله ياوجود
وجود:يله جايه وراك ولفت على فهد وقالت:فك يدي يافهد
فهد:كيفك الحين؟؟؟؟
وجود:بخير[ولاول مره تحس قلبها ينبض بسرعه من لمسه فهد لانه قبل فتره لما مسك يدها كان عادي بس هالمره ماتدري ليش؟؟؟]
فهد:طيب وش فيك؟؟؟؟
وجود:مافيني شي بس ممكن اروح
فهد:طيب روحي
وجود:طيب فك يدي فك فهد يدها وراحت تركض عشان تلحقهم
وبعد العشا الحريم الكبار راحوا ينامون والبنات جابوا البروجكت واللاب وشغلوا لهم فلم رعب وطفوا النور وجلسوا وبدى الفلم وبعد فتره صرخوا البنات طلعت جدتي أم مبارك وقالت:انتم مهابيل تجلسون بالظلام يله قوموا ناموا
شالوا البنات اغراضهم وطلعوا لصاله اللي فوق وبدوا فلم جديد لما خلصوا الفلم الاول ولما جاوقت الحماس كانت الساعه 3الفجر ومن الحماس صرخوا البنات وشوي وسمعوا صوت باب يتسكر وشوي وسمعوا صوت عصا على الدرج وقفوا الفلم ودخلوا اقرب غرفه وكانت غرفه (أم سلطان وام بسام) وعلى دخول البنات قاموا
سئلت أم سلطان:وش فيكم؟؟؟؟؟
وجود:جدتي جت وسمعوا طق على الباب البنات كلهم راحوا غرفه التبديل ووجود وامجاد صاروا ورى الباب
فتحت جدتي الباب وقالت:روحوا شوفوا البنات نايمين ولا لا؟؟؟؟؟؟
أم بسام:ليش وش فيه؟؟؟؟
جدتي أم مبارك:توني سامعه اصواتهم يصارخون
أم سلطان:هم نايمين ياخالتي
جدتي أم مبارك:بروح اشوفهم واتأكد
وجود كانت من ورى الباب تأشر لهم يقولون لا
قالت أم سلطان:انا بدق عليهم
وجود على طول حطت جوالها على الصامت ولما دقت أم سلطان
شوي وقالت:مايردون نايمين
جدتي أم مبارك:لازم اتأكد؟؟؟؟
أم بسام:ياخالتيانتي روحي واذا اذن الفجر تعالي وصحيهم باقي ساعه على الاذان
جدتي أم مبارك:طيب ونزلت اخذوا البنات نفس وباسوا أم سلطان وام بسام وطاعوا الصاله يكملون الفلم وخلص قبل اذا الفجر بربع ساعه صاروا يفكون اغراضهم بسرعه وراحوا فوق وانسدحوا عشان جدتي بتجيهم الحين اذن الفجر وجت جدتي وصحتنا صلوا وحطوا روسهم وناموا ولما جت الساعه 10 قالت جدتي:روحوا قوموا البنات
راحت أم سلطان وام بسام ولما دخلوا صحوا البنات ومحد صحى الا وجود ودلال الباقين مارضوا قالت وجود:انا بصحيهم خلاص انتم روحوا
أم سلطان:خالتي قايله ماتجون الا والبنات معكم
دلال:طيب روحوا للبلكونه واحنا بنصحيهم
طلعوا أم سلطان وام بسام ودلال ووجود كانوا يناظرون بعض وشوي سمعوا صوت صراخ البنات ووجود وهي طالعه لهم على البلكونه
قالت أم بسام:وش فيه؟؟؟؟
وجود:صحيناهم بس
أم سلطان:لايكون ب
وجود:ايه انا بنزل باي
أم سلطان:وكيف بتنزلين وهم بالغرفه؟؟؟؟
وجود:من هنا ونزلت من البلكونه ونطت
أم بسام:يامجنونه
وجود:ماقلتي شي جديد وراحت جلست عندهم لانهم كانوا جالسين برى
قالت جدتي أم مبارك:اقول انتم عندكم قرود بالمزرعه؟؟؟؟
ضحكوا دلال ووجود قالت أم ناصر:لا ياخالتي ليش؟؟؟
جدتي أم مبارك:كني لمحت شي ينزل من هناك واشرت على المكان
وجود:الظاهر ياجده فيك النوم
الا نزلوا البنات وهم يركضون يبون يمسكون وجود ودلال قبل ماينحاشون وصارو يتلاحقون وجدتي تهاوش فيهم ولما جلسوا
قالت جدتي أم مبارك:الحين انتم ليش ماتعقلون؟؟؟
وجود:وليش نعقل خلنا كذا احسن صح بنات
البنات:صح
جدتي أم مبارك:واضح فقعتوا اذني من صراخكم
اخذت وجود بساك وصارت تلاعبه والعشاء البنات كانوا طفشانين
قالت دانه:بنات وش رايكم نرقص؟؟؟؟؟
سمر:يله بس نرقص عل عربي وغربي
البنات:يله وراحوا جابوا الراديوا والكميرا وبدوا هبال بدوا بالاغاني الخليجيه وبعدين مشوا على جميع الاغاني وصارا يستهبلون ويقلدون ووسعوا صدورهم
راحت امجاد عند وجود وقالت:بسوي شي بس خايفه
وجود:وشو؟؟؟؟
امجاد:أبي اشوف الشباب وش مسوين
وجود:طيب يله نروح
امجاد:انتي من جدك؟؟؟؟
وجود:ايه يله تعالي وسحبتها
راحوا وبدلوا الشريط وراحوا دخلوا قسم الرجال زكانزا يمشون بكل هدوءلين وصلوا الخيمه وكان الكل مجتمع هناك
كانوا نصهم يلعب كيرم ونصهم ورق ونصهم على البلايستيشن ونصهم يلعبون اونوا ومنبولي وكانت اشكالهم تحف وقفوا عند الشباك وشغلوا الكميرا وصاروا يصورون وفجاءه لف عبدالرحمن لجهتهم وهم على طول جلسوا ما اهتم عبدالرحمن وكمل لعب والبنات راحوا مع الشباك الثاني ورجعوا يصورون
وصرخ خالد:بدير لاتغش
بدر:بدير بعينك انت اللي تغش
لف عبدالرحمن لمهم وانتبه لاحد عند الشباك والبنات جلسوا على طول
قالت وجود:توني ادري ان دحوم مثلي
امجاد:وشو اللي مثلك؟؟؟هو شافنا
وجود:لا ماشافنا وماتابوا راحوا لا خر شباك ورجعوا يصورون
لف عبدالرحمن لشباك وجود على طول جلست اما امجاد صنمت وكانت عيونها بعيون عبدالرحمن ولما انتبهت وجود سحبت امجاد بسرعه وعلى سحبتها انفكت السواره اللي بيد امجاد وعبدالرحمن قالم بيطلع
قال بدر:وين؟؟؟
عبدالرحمن:دقايق وجاي طلع وراح للمكان اللي فيه وجود وامجاد ولما قرب تخبوا ورى جدار قريب من الشباك
عبدالرحمن مالقى احد ولما جاب يرجع انتبه على شي يلمع بالارض ولما اخذه كان سواره مكتوب عليها (امجاد) استغرب مينا مجاد محد بالعايله عندنا اسمه امجاد حط السواره بجيبه ورجع جوى والبنات رجعوا قسمهم وهم يركضون وجلسوا كأنهم ماسوو شي وعبدالرحمن كان سرحان بالعيون اللي شافها والسواره اللي لقاها
خلصوا البنات هبالهم على الساعه 1:30 راحوا ينامون ولما جت الساعه 2:45
قالت سمر:مافيني نوم
امجاد:وجود وش صار على الشريط؟؟؟
دلال:أي شريط؟؟؟؟
قالت امجاد:فاتكم وش سوينا اليوم؟؟؟
سمر:افا من ورانا قولوا وش سويتوا؟؟؟؟
امجاد:رحنا قسم الرجال وصنا نوصورهم بصراحه حالتهم حاله بس بغينا ننكبش بس الحمدالله عدت على خير
قالت وجود:بنات براسي شي تسونه معاي عشان نختم الشريط؟؟؟؟؟؟
البنات:وشو؟؟؟؟
وجود:بروح اصور الشباب وهم نايمين
امجاد وسمر:يله
دلال:انتم من جدكم؟؟؟
سمر:ايه
وجود:اجل يله قوموا
دلال:مين بيروح؟؟؟؟
وجود:انا بس مين معي؟؟؟؟
امجاد:انا معك
سمر:وانا
دلال:ياسلام وانا؟؟؟
وجود:خلونا نتوزع ناس يراقبون وناس يدخلون يصورون
سمر:اوك
وجود:دلال انتي خليك في قسمنا عند الباب قسم الرجال وسمر انتي تعالي معنا وراقبي باب الفله من بعيد وانا وامجاد بندخل اوك
البنات:اوك
قاموا وبدلوا ملابسهم وطلعوا ولما دخلوا قسمهم
قالت دلال:بنات تخيلوا مسكوكم
وجود:عادي ننحاش المهم انتبهي وباي وطلعوا وجود وسمر وامجاد وصلوا للمكان اللي بتكون فيه سمر ووجود وامجاد كملوا طريقهم وفتحوا باب ودخلوا الفله ودخلوا اول غرفه وكانت غرفه عمي عبدالله ومبارك صوروهم وطلعوا ودخلوا غرفه الثانيه كان فيها عمي سالم وسليمان(ابوي)وسلمان صوروا وطلعوا ولما دخلوا الغرفه الثالثه كان فيها عمي محمد وماجد صوروهم وضحكوا على اشكالهم وطلعوا عدوا هذولا على خير باقي اللي فوق طلعوا شوي شوي فوق وصلوا الصاله ماكان فيه احد دخلوا الغرفه اللي على اليمين اول غرفه كان فيها[وليد وعبدالعزيز وناصر وهاني و سعود ]دخلوا وصوروا وطلعوا لما تحرك هاني لان جواله دق دخلوا الغرفه الثانيه كان فيها[فهد ومهند وزياد زرائد وخالد ونواف وبندر وعبدالمحسن]كانت اشكالهم تحفه يد هذا في وجه هذا ورجل ذاك في بطن الثاني وحالتهم حاله طلعوا البنات وراحوا للغرف اللي على اليسار اول غرفه كان فيها[حمد و سلمان وسلطان وعمي فيصل]صوروا وطلعوا على خير في اخر غرفه كان فيها [بدر وعبدالرحمن وفيصل ونايف] دخلوا البنات وبدوا يصورون بس بدر تحرك ولف للجهه الثانيهالبنات خافوا بس الحمدالله كملوا تصوير ولما طفوا الكميرا وطلعوا وهم يصكون الباب عبدالرحمن صحى والبنات سمعوا صوت حركه امجاد تخبت ورى مزهريه كبيره امل وجود توزت ورى الكنبه في الصاله فتح عبدالرحمن الباب وامجاد ميتع رعب لانه لو لف يمكن يشوفها مالقى عبدالرحمن شي ورجع الغرفه وسكر الباب اخذوا البنات نفس وبسرعه راحت امجاد عند وجود وما امداها توصل عند وجود الا فهد فتح باب الغرفه وطلع وجلس بالصاله وهم ورى الكنب هاما فهد بالاساس ماكان نايم[تتوقعون شافهم ولا لا؟؟]]
اما عند عبدالرحمن اللي بالغرفه مانام وهو يفكر بصاحبه العيون العسليه اللي اكيد هي صاحبه السواره ويبي يعرف منهي بس كيف مدري قام وطلع الصاله وجلس بالكنبه اللي بوجه فهد اللي كان مشغول بجواله
قال فهد:وش عندك صاحي الحين؟؟؟؟
امجاد تقول لوجود :كملت شلون بنطلع
وجود:استني شوي
عبدالرحمن:اصلا مانمت وانت؟؟؟
فهد:انا نفس الشي انت وش اللي مسهرك؟؟؟؟
عبدالرحمن:مافي شي الا بسألك قبل شوي احد جا فيكم عندنا بالغرفه؟؟؟؟
فهد:لا ليش؟؟؟؟
عبدالرحمن:حسيت ان في احد دخل بس مدري مين؟؟؟
فهد:وش رايك نروح للخيول؟؟؟
عبدالرحمن:اوك
ارسلت وجود لسمر:غيري مكانك الشباب بيروحون الاسطبل
وراحوا فهدوعبدالرحمن كل واحد لغرفته عشان يبدلون وفي هذا الوقت قاموا وجود وامجاد فتحت وجود الشباك وقالت:يله نطوا من الشباب على مكان تحت الشباك(زي الزياده في الجدار ووقفوا عليه)ولما جو بينطون لتحت طلعوا عبدالرحمن وفهد
قال عبدالرحمن:فهد الشباك كان مفتوح قبل شوي؟؟؟؟
فهد:مدري
عبدالرحمن:كان مسكر مين فتحه ؟؟؟راحوا عند الشباك وشافوا مافي احد سمروا الشباك
اخذوا البنات نفس ونطوا وصاروا يركضون لين وصلوا للمكان اللي قالت لهم سمر انها فيه قالت سمر:وش صار؟؟؟؟
امجاد:خلينا نروح قسمنا بعدين نقولك وصاروا يركضون بسرعه ودقوا الباب تخرعت دلال وقالت:مين؟؟؟؟
وجود:دلول افتحي بسرعه فتحت دلال ودخلوا وهم يلهثون وجلسوا بالارض
قالت دلال:وش فيكم كن احد لاحقكم؟؟؟؟
امجاد:مو احد الا احدين
دلال:كبشوكم؟؟؟؟
وجود:كانوا بيكبشونا بس الحمدالله عدت على خير رجعوا لغرفتهم وبدلوا وانسدحوا كأنهم ماسو شي
قالت وجود:توني ادري ان دحوم يتوتر لما احد يراقبه
دلال:وش دراك؟؟؟
وجود:لما كنا نصورهم كان يتحرك كثير ولما طلعنا لحقنا
شهقت دلال سمر:اسكتي فضحتينا
دلال:شافكم؟؟؟
امجاد:لا تخبينا
وجود:خلونا ننام شوي قبل اذان الفجر
البنات :اوك وما امداهم غمضوا الا دق جوال وجود بس ماردت وبعدها دق جوال دلال وماردت هي بعد وناموا
####################
اما عند فهد وعبدالرحمن
فهد كان مستغرب ليش مايردون قبل شوي كان يسولف مع وجود امداها نامت جلسوا الشباب يتسابقون بالخيول لان مافيهم نوم
اذن الفجر والكل قام يصلي وناموا ماعاد الرباعي بداوا ونزاوا تحت وكل وحده سوت لها اللي تبي وصاروا يتمشون بالمزرعه
قالت سمر:الحين ليش مانرجع ننام؟؟؟
وجود:انا عن نفسي النوم طار وانتم مدري عنكم
البنات:حتى احنا
دلال:وش رايكم نتفرج على الشريط ؟؟؟؟؟
وجود:لا خليه بالبيت نجتمع كلنا ونضحك ودق جوالها وردت:هلا دحوم
عبدالرحمن:هلا فيك شخبارك؟؟؟
وجود:تمام اخبارك انت؟؟؟؟
عبدالرحمن:تمام وسكت
وجود:وش عندك صاحي هالوقت مو من عادتك فيك شي؟؟؟؟؟؟
عبدالرحمن:اساسا مانمت
وجود:ليش وش فيك؟؟؟؟
عبدالرحمن:تعالي واقولك وش فيني
وجود:اجيك وين؟؟؟
عبدالرحمن:انا بالاسطبل تعالي هناك وجيبي لي معك كاسه شاهي
وجود:انت لحالك؟؟؟؟
عبدالرحمن:صح نسيت جيبي كاسين وياليت لو سندويش
وجود:ليش من غيرك صاحي؟؟؟
عبدالرحمن:انا وفهد
وجود:اممم طيب شوي واجيك وسكرت
قالت امجاد:وش يبي؟؟؟
وجود:مدري قال تعالي عندي واقولك وقامت
دلال:وين؟؟؟؟
وجود:بروح اسوي لهم شاهي وسندوشات
سمر:لهم مين؟؟؟
وجود:عبدالرحمن وفهد الله يستر لايكونون شافونا راحت وسوت اللي طلبوه واخذت طرحتها احتياط بعدين راحت ولما وصلت الاسطبل شافت عبدالرحمن جالس لحاله راحت عنده وهي معها الصينيه قالت :سلام
بس عبدالرحمن كان سرحان ومارد حطت اللي معها واستغربت ان فهد مو موجود بس قال في نفسها[احسن عشان اخذ راحتي] وحطت يدها على كتف عبدالرحمن اللي لف على طول وقال:متى جيتي؟؟؟؟
وجود:من زمان بس انت اللي سرحان اللي ماخذ عقلك يتهنى فيه
ابتسم عبدالرحمن مدت له وجود كاسه الشاهي وقالت:وش اللي مسهرك وماخلاك تنام؟؟؟؟
عبدالرحمن:كنت افكر وبعدين سكت لان فهد جاء قال عبدالرحمن:فهود تعال افطر
وجود من سمعت اسم فهد توترت[ليش ماتدري صايره من تشوفه ولا تسمع صوته تتوتر]
فهد:اصغر عيالك انا ,مين اللي حس فينا وجاب لنا فطور ؟؟؟
عبدالرحمن:يمكن,وجود
جلس فهد وقال:صباح الخير وجود
وجود:صباح النور
بدو يفطرون قالت وجود:بروح اشوف الشامخ وراجعه قامت وراحت لشامخ وصارت تلعب مع الشامخ وتقول بنفسها[ليشعبدالرحمن مناديها]
عند عبدالرحمن وفهد عبدالرحمن جاه اتصال وراح يكلم اما فهد قام وراح الاسطبل يكلم وجود دخل الاسطبل وشافها تلاعب الشامخ
قال فهد:ان شاءالله دوم الضحكه
لفت وجود طالعته وبعدين لفت لشامخ وقالت:وياك
فهد:اليوم الفجر دقيت عليك ليش مارديتي؟؟؟؟
وجود:نمت وكنت حاطته صامت انت وش اللي مصحيك بدري مو بالعاده؟؟؟؟
فهد:اساسا مانمت
وجود في نفسها(وش فيهم هاذولا ماناموا الله يستر) وقالت:وليش مانمت تعبان؟؟؟
فهد:لامو تعبان بس كنت افكر فيك
وجود في نفسها(لو داريه ماتكلمت)
فهد:الا بسألك عبدالرحمن وش فيه؟؟؟؟
وجود:مدري قال يبيني ومدري وين راح؟؟؟
فهد:جاه اتصال وراح يكلم
ودق جوال وجود وردت:هلا انا بالاسطبل مارحت اوك جيتك وسكرت وقالت لفهد:عن انك وطلعت
#####################
وعند البنات
كانت دلال تمشي ورى المزرعه وطالعه من باب المطبخ الوراني وهي تمشي فجأه صقعت في شخص وخصوصا بصدره رفعت راسها تشوف مين وتتمنى يكون فهد بس لمارفعت راسها انصدمت بمهند واقف قدامها
مهند:اسف ماكنت ادري ان فيه احد هنا ولف
اما دلال كانت مصنمه ومكانها ماتحركت مهند استغرب انها ماتحركت
قال مهند:دلال فيك شي؟؟؟
بس مافي رد من دلال
مهند:دلال ردي علي لاتخوفيني
بس برضوا دلال ساكته
مهند:اذا ماتكلمتي بلف
دلال توها تستوعب قالت:على كيفك هو ليش الدنيا سايبه
مهند:على بالي صار لك شي؟؟؟
دلال:وش بيصير لي يعني؟؟؟
مهند:مدري عنك بس المهم انك بخير ولا عاد تعيدين هالحركه
دلال:أي حركه؟؟؟
مهند:لما اكلمك وتسكتين طيحتي قلبي خفت صار لك شي
دلال:يصير خير وبعدين لاعاد تجي هنا الا معطينا خبر عشان ناخذ احتياطاتنا
مهند:اقول دلول كن السوالف عجبتك ترى فهد بيجي الحين
دلال توها تنتبه انها بدون عبايه وجالسه تراده من اليوم وقالت:من حلات سوالفك وراحت طيران ودخلت المطبخ وتحس قلبها شوي ويطلع من مكانه
اما عند مهند ماكان على باله انه يشوفها وقال :مجنونه ماتعقل بس فديتها متغيره عن اخر مره شفتها اهـ بس
فهد:وش فيك تتنهد؟؟؟
مهند:ولا شي بس قررت
فهد:وش قررت؟؟؟
مهند:قررت لما نرجع من المزرعه اخطب دلال
فهد:واخيرا مابغيت يله مبروك مقدما
مهند:خلاص الصبر عندي بح ,الله يبارك فيك بس ليش واثق انها بتوافق؟؟
فهد:اختي واعرفها وبعدين مو انت تحبها؟؟؟
مهند:طيب
فهد:يمكن هي تحبك
نط مهند عند فهد وقال:من جدك تحبني؟؟؟؟
فهد:انا قلت يمكن مو اكيد وكل شي جايز
مهند:الله يسمع منك
#########################
اما عند عبدالرحمن ووجود
وجود:بسرعه قول وش فيك؟؟؟؟؟
عبدالرحمن:امس لما كنا نلعب بالمجلس كان فيه احد عند الشباك ولما طلعت شفت وانا متأكد من هذا الشي
وجود:وش شفت؟؟؟
عبدالرحمن:كان فيه بنت وجت عيني بعينها فجاءه اختفت بس وسكت
وجود:بس ايش؟؟؟
عبدالرحمن:قمت وطلعت اتأكد مالقيت احد بس لقيت سواره مكتوب عليها اسم امجاد بس لمين مادري
وجود تحاول تكون طبيعيه وقالت:وهذا اللي مسهرك؟؟؟
عبدالرحمن:تقدرين تقولين اول شي كل ما اغمض اتذكر عيونها العسليه وثانيا احنا ماعندنا وحده اسمها امجاد
وجود:من قالك ان مافي عندنا امجاد
عبدالرحمن:صدق عندنا؟؟؟؟
وجود:ايه بنت عمتي فاطمه
عبدالرحمن:يعني هي
وجود:وشو اللي هي؟؟؟
عبدالرحمن:هي اللي شفتها؟؟؟؟
وجود:انت متى بالضبط شفتها؟؟؟
عبدالرحمن:تقريبا على الساعه 10
وجود:ياحبي الساعه 10 احنا كنا نلعب هناك وكانت موجوده معي كيف صارت هنا يمكن طاح منها لما كنت اوريهم القسم لانها تدوره من يومين
عبدالرحمن:انا بس اشوف عيونها واعرفها
وجود:لاتشيل هم روح نام وارتاح يله
راح عبدالرحمن ينام
رحعت وجود عند البنات ومسكوها سمر وامجاد
قالت سمر:وش صار؟؟؟
امجاد:لاتقولين شافنا؟؟؟؟؟
وجود:لا ماشافنا بالتصوير بس شافنا لما كنا نصورهم بالخيمه
امجاد:لاتقولين لي انه كبشنا؟؟؟؟؟
وجود:لا بس شفتي لما فهيتي
امجاد:ايه
وجود:هناك شافك بس ما شاف الا عيونك وصح سوارتك وين؟؟؟
امجاد:مدري دورت عليها ومالقيتها
وجود:مع دحوم لقاها هناك بعد ماسحبتك وسئلني عنك ومن انتي
امجاد:وقلتي له؟؟؟؟
وجود:قلت انك انتي بنت عمتي لانه اساسا ماكان يعرفكم بس اكدت له له انك كنتي معي في هذاك الوقت بس قال لي لو اشوف عيونها بعرفها
امجاد:ياويلي رحت وطي
سمر:لقول امجاد وش سويتي بالولد
وجود:من جد مانام كله من العيون العسليه
امجاد:الله يستر
وجود:اهم شي او قابلتيه لايشوف عيونك
امجاد:ان شاءالله
###################
فهد ودحوم راحوا ينامون والباقين قاموا وهم يفطرون
دق جوال عمي مبارك وطلع برى ورد ولما رجع كان باين عليه الفرحه بس ماتكلم وبعد الفطور تكلم مع ماجد
عمي مبارك:ماجد البنك قبل شوي كلموني البنك
ماجد:ووش صار؟؟؟
عمي مبارك:لو بقول لك مابتصدق
ماجد:وش فيه تكلم؟؟؟؟
عمي مبارك:فيه فاعل خير سدد 150000 من اللي علينا ومددوا لنا المهله ل3 شهور قدام
ماجد:انت تتكلم من جدك؟؟؟
عمي مبارك:ايه صدق الله يفرج همه مثل ما فرج همي
ماجد:امين بس ماعرفت مين؟؟؟؟
عمي مبارك:مارضوا يقولون يقول انه فاعل خير وبس
ماجد:الله يجزاه خير
#########################
اما عند الشباب كانوا يبون يسونا كشن بس كيف مايعرفون
قال خالد:خلونا نهبل بالكبار
زياد:كبار مين بالضبط؟؟؟؟؟
نزاف:عمامي يعني مين
مهند:مين فيهم حددوا؟؟؟؟
رائد:اللي يعجبكم
حمد:يعني مثلا؟؟؟
بدر:مثلا عمي عبدالله ولا سالم
سلطان:مالقيت الا هالاثنين !!!!
عبدالعزيز:ليش وش فيهم؟؟؟؟؟؟
مهند:وش مافيهم عشان تلقونا في اقرب مستشفى من الحين
عبدالمحسن:يعني مثل ابوي
زياد:اللهم زد وبارك كل مالهم في ازدياد الله يعينا قوموا بس خلونا نلعب برى وطلعوا برى وصاروا يلعبون
##########################
اما عند البنات قومتهم أم مبارك الساعه 8 وكانوا جالسين تحت
قالت جود:بنات انا مشتهيه شي مشوي
دانه:شي مشوي مثل وشو؟؟؟
جود:دجاج كباب لحم أي شي اهم شي يكون مشوي
وجود:بنات جتني فكره
سمر:وش ياام الافكار ؟؟؟؟؟
وجود:وش رايكم عشانا اليوم مشاوي واللي يسونها الشباب
عايشه:فكره حلوه بس يوافقون؟؟؟
ملاك:غصب عنهم
هيام:اجل قوموا نقول للكبار قاموا البنات وجلسوا عند الحريم الكبار
قالت دلال:لو سمحتوا ممكن تسمعونا
الكل سكت ولف عليها
قالت أم سلطان:وش فيكم؟؟؟
اهات:مشتهين مشاوي
أم خالد:سوو احد ماسكم
وجود:لاوبعدين في اغراض ناقصتنا نبي السوبرماركت
جدتي أم مبارك:لوا ليش لا؟؟؟
سمر:ياجده احنا بنصلح كل شي بس الشوي على الشباب
أم بسام:بس
البنات:ايه
كملت امجاد:ونبيكم تقولون لرجال عشان نطلع نجيب الاغراض
عمتي فاطمه:مجهزين كل شي
وجود:اكيد نعجبك اقنعوا البنات الحريم بصعوبه واللي بيروحون هم[عمتي فاطمه,وجود,امجاد,ملاك,دلال] ومن بيوديهم الله اعلم
##############################
اما عند الشباب كانوا يسولفون قال عبدالعزيز:شباب فهد وعبدالرحمن وينهم ما اشوفهم؟؟؟؟
زياد:نايمين
عبدالمحسن ناظر مهند ومهند ناظره بنفس النظره قال عبدالمحسن:نفس التفكير
رواحوا يركضون للفله ودخلوا يركضون بسرعه كل واحد راح غرفه وفتحوا الباب بقوه خلت فهد وعبدالرحمن يقومون مفزوعين وعبدالمحسن ومهند ميتين ضحك على اشكالهم
المهم الظهر الساعه 1 طلعوا اللي بيروحون السوبرماركت وكانت عمتي فاطمه اول وحده طلعت وبعدين دلال وبعدين ملاك وامجاد ووجود ومن طلعوا انصدموا وشهقت ملاك وامجاد اما وجود ودلال كانوا يضحكون امجاد قربت من وجود وصارت تقريبا وراها لان اللي بيوديهم [فهد,عبدالرحمن,مهند,عبدالعزيز ]
قالت وجود للبنات:مافي الا هم وين ماجد ولا محمد مايودونا
دلال:صادقه والله يعين
توزعوا على سيارتين السياره الاولى فيها [فهد عبدالرحمن وجود وامجاد ]والسياره الثانيه فيها[عبدالعزيز ومهند وعمتي فاطمه وملاك ودلال]
في السياره الاولى كان عبدالرحمن يسوق وفهد جنبه ووجود ورى فهد وامجاد ورى عبدالرحمن ومن ركبت قالت لها وجود:غطي عيونك عشان ماننفضح امجاد سمعت كلامها بدون نقاش تحركوا وشغل فهد المسجل وكانت فيه اغنيه (ابيع الناس لماجد المهندس)ابتسم فهد وارسل مسج لوجود اللي كانت سرحانه ولمافتحت المسج كان مكتوب فيه[هذي الاغنيه اهداء مني لك ياقلبي]ماردت عليه اما عبدالرحمن وامجاد كانوا متوترين
اما في السياره الثانيه قدام كان عبدالعزيز ومهند وورى مهند عمتي فاطمه وورى عبدالعزيز ملاك ودلال بالمرتبه اللي ورى ودق جوال دلال وكلمت بعدين قالت:ملاك خوذي ومدت لها الجوال
عبدالعزيز من سمع اسم ملاك رفع عيونه ليش مايدري ومهند يبي يحارش دلال بس مو عارف كيف قال:اقول عمتي انتي دخلتي الجامعه؟؟؟
عمتي فاطمه:دخلت بس ماكملت
مهند:وليش كسلانه؟؟؟؟
عمتي فاطمه:لا الظاهر انت اللي كسلان؟؟؟
مهند:انا لا من قاله اسألي ماجد عني وبهذا الوقت وصلوا السوبرماركت وتوزعوا كل واحد يجيب شغله امجاد وملاك مع عبدالعزيز ودلال مع فهد وعمتي فاطمه مع مهند ووجود مع عبدالرحمن المهم لما كانوا يتقضون امجاد كانت واقفه عند الكباب والبرجر الجاهز وفجئه صقعها واحد لفت امجاد والرجال يتكلم بس سكت لما شاف عيونها اما امجاد صنمت ماتدري وش تسوي نزلت عيونها وسحبت الطرحه وغطت عيونها وراحت بسرعه
اما عبدالرحمن كان يقول في نفسه:هذا وانا ماشفتها الا مره وحده وكذا لو أكثر وش بيصير وقتها ورجع عند وجود وهو اصلا جاي بيكلم عبدالعزيز بس رجع وماكلمه
اما عند ملاك وعبدالعزيز ملاك كانت متوتره لانها لحالها مع عبدالعزيز وعبدالعزيز كانت ايده توجعه ولما رفعها انصدم انها تنزف وقطر الدم على بلوزته لانه بلوزته بيضاء
ملاك شافته بس ماقدرت تقول او تسوي شي وعبدالعزيز سكت ولما جت امجاد كانت تمشي بسرعه وصقعت بعبدالعزيز مع يده وزاد النزيف ولما لفت
قالت:ايدك تنزف
عبدالعزيز:شوي ويوقف
امجاد:طيب روح المستشفى ولا اقول لك تعال اغير لك الشاش واحاول اوقف النزيف وقالت:ملاك
ملاك:لبيه
امجاد:معك الاسعافات
ملاك:ليش فيك شي ؟؟؟؟؟
امجاد:لا بس عبدالعزيز ايده تنزف
ملاك:ايه معي وطلعوا وهم ما اخذوا شي وراحوا لسياره ولما وصلوا فكت امجاد الشاش من يد عبدالعزيز وماعرفت كيف تعقم الجرح لانه مو واضح من الدم (هذا وهو تخصصها)قالت:ملوك تعالي ساعديني شوي
ملاك:وش فيك؟؟؟
امجاد:مو قادره اتحكم ايده ترجف وينزف تعالي ساعديني راحت ملاك وصارت تمسح الدم بس النزيف ماوقف قالت:لازم يروح المستشفى
عبدالعزيز:مو لازم وسحب ايده ولف الشاش لف تلقائي
ملاك وبدون شعور سحبت يده وفكت الشاش وقالت:مو على كيفك؟؟؟وصارت تحاول تخفف النزيف وقالت:امجاد كلمي دلال ولا وجود خلي احد من الشباب يروح معه المستشفى
اما عبدالعزيز كان مستغرب من حركتها بس مانزل عينه منها وكان مبتسم دقت امجاد وجا فهد وراح معه المستشفى
ودلال راحت عند عمتها ومهند مستانس اما امجاد وملاك راحوا مع وجود وعبد الرحمن ولما خلصوا وحاسبوا دق فهد على وجود وقال:احنا برى يله اطلعوا وطلعوا
ومن شافهم مهند قال:وش صار؟؟؟
فهد:خيطوا الجرح
راحت عمتي عند عبدالعزيز وقالت:توجعك يدك؟؟؟
عبدالعزيز وعيونه على ملاك:لا ياعمه انا بخير
فهد:قال الدكتور ان لو مخليها تنزف ولا ماجاء المستشفى كان تلفت عنده
قطع كلامه عبدالعزيز:ماعليك منه انا مافيني شي شوفيني قدامك
ركبوا سياراتهم نفس ماجوا بس ان مهند هو اللي ساق بدل عبدالعزيز
#####################
اما في المزرعه كانت عايشه تدور روبي وقالوا لها انها راحت قسمهم راحت عايشه وهي تركض
#############################
اما في القسم الاوسط كان هناك رائد يستنى روبي وكان يطالع الباب وفجاءه انفتح الباب ودخلت بنت كانت لابسه[بنطلون فضي مع بلوزه حمرا ورافعه شعرها] دخلت وصوتت:روبي روبي وينك؟؟؟ ورائد واقف مصدوم من اللي قدامه
دق جوال عايشه وردت:هلا وينك؟؟؟؟
روبي:ليش وش بغيتي؟؟؟ انا بالمطبخ
لفت عايشه وشافت رائد وشهقت
قالت روبي:عايشه ردي علي وش فيك؟؟؟ راحت روبي وسألت عن عايشه قالوا لها انها راحت للقسم الاوسط صرخت روبي وراحت تركض ولما وصلت صرخت:عايشه
انتبهت عايشه وطلعت بسرعه اما رائد كان مفهي وانصدم لما عرف ان هي نفسها اللي كان يفكر فيها وابتسم
قالت روبي:وانت عاجبك الوضع؟؟؟ وكانت حاطه يدها على خصرها
رائد:انا ماكنت ادري دخلت فجاءه وماعرفت وش اسوي
روبي:وجلست تقزها ؟؟؟
رائد:ها لا بس
روبي:اتفاهم معك بعدين بروح اشوف عيوش وطلعت وطلع رائد عند الشباب وعقله مع عايشه
يتبع........
مواقع النشر (المفضلة)