مواقف محرجه للغايه
السلام عليكم ورحمت الله وبركاته
في يوم من الايام كنت جالس اقصص اظافري وشوي يرن جوالي راح انقل لكم الحوار:-
ابو مشعل: الو
ولد خالي: هلا ابو مشعل انت وين
ابو مشعل:هلا ولد خالي شخبارك
ولد خالي: الحق علي تكفى الله يخليك
ابو مشعل: خير وش فيك تكلم
ولد خالي: انا جنب بيتكم في شباب ضربوني وذحين جالسين يفتشون في السياره
ابو مشعل: خلاص اصبر دقايق اكلم الشباب وانا واريك فيهم
بالفعل رحت العزبه عند عيال جماعتي
ابو مشعل: السلام عليكم
الشباب: وعليكم السلام ورحمت الله وبركاته
ابو مشعل: عندي مضاربه وابي منكم فزعه
الشباب كلهم ردو في وقت واحد: افاااااااا معاك بس نبي نعرف من الغلطان
ابو مشعل: ياخوي هذه مو وقته
واحد من الشباب: هع هع هع تبي ندخل مضاربه ماندري مع مين ولاحتى نعرف السبب
ابو مشعل: ياجماعه ولد خالي هنا في حارتنا ضربوه خلنا نلحق
واحد من الشباب:هههههههه انا كنت اظن انت اللي تتضارب مو التافه ذاك ولد خالك
ابو مشعل: اصلآ انتم مافيكم خير
وبالفعل خرجت من الغرفه وانا معصب واصل حدي
الشباب: يابو مشعل دقيقه معاك احنا خلاص معاك احنا
واحد من الشباب: ياشباب محد شاف العصا حقتي
الشباب: الا في المطبخ تحصلها
وفجاه يقول لي روح المطبخ: خذ العصا حتقي وانا بروح الحق ولد خالك اوكي
أبو مشعل:اوكي
وبالفعل رحت المطبخ ادور وادور وادور العصا قلت يمكن ورا الباب ولما رحت شفت ورا باب المطبخ حصلت ولد خالي ميت من الضحك هو والشباب
وياليت الجميع يشارك ويقولو اي موقف محرج حصلهم وشكرآ.
:1ar:
مواقع النشر (المفضلة)