هذي قصة واحد من الشباب اسمه سعود جبتها لكم وعساها تعجبكم
سعود هذا معاه بشكة شباب في يجتمعون ليلياً باستراحة
المهم الشباب قرروا يطلعون للبر.
يوم جاء اليوم اللي بيطلعون فيه اعتذر سعود لان عنده أمر طارئ
وقال لهم انه بيجيهم بالليل لما يخلص من شغله
الشباب راحوا للبر ولما وصلوا هناك وهم جالسين جتهم فكره.
قالوا ليش ما نسوى مقلب بسعود إذا جاء
وضبطوا أدوارهم وكل واحد وش عليه.
لما جاء سعود بعد صلاة العشاء تقريبا بساعة وإلا الدنيا ظلام
ولما وقف وجاء للشباب شافهم وإلا حالتهم غريبة ومو طبيعيين الشباب
وقالوا له وان هنا فيه ((جن)) وإنهم سياراتهم خربت ما هي راضيه تشتغل
وإنهم شافوا أشياء وسمعوا أصوات غريبة.
وإلا فيه اثنين منهم ما هم فيه وسأل عنهم قالوا له طلعوا العصر يجيبوا أغراض الطبخ وللحين ما وصلوا.
وإلا واحد من هم منسدح بطرف الخيمة ومغطى وقال طيب هذا وش فيه قالوا أصابه غثيان من الخوف
وحس ان الموضوع فيه لعب وطلع من الخيمة يضحك وأول ما طلع جو له اثنين من وراء وحطوا على رأسه بطانية وراحوا فيه للجبل وهو مغطى.
سعود وقتها صدق إن فيه جن وقام يصرخ بأعلى صوته.
هم لما صعدوا الجبل شوي قاموا يضربونه وهو يصرخ.
واحد منهم ما ملك نفسه وقام يضحك والثاني ما صبر وضحك.
سعود ما يدري وين يودي وجهه والشباب كلهم يضحكون عليه.
وقال في نفسه: والله لأردها لكم .
المهم بعد ما رجعوا انتظر سعود وبعد أسبوع راح للصيدلية واشترى ((حبوب الإسهال)).
وجاهم بالاستراحة وقام يصلح الشاي (( وهو عادة كسول )) وحط لهم ثلاث حبوب من حبوب الإسهال وجاب الشاي لهم واستغربوا منه لكن عادي مشت عليهم وشربوا الشاي الشباب ولا صار لهم شئ . استغرب سعود
ولما جاء بكرا وإلا الشباب للحين ما فيهم شئ .ورجع للصيدلية وقال ابغا أقوى حبوب إسهال عندك
وأعطاه الصيدلي حبوب وقال هذي خمس دقايق وينزل كل اللي في بطنك.
فرح سعود ورجع يصلح الشاي مره ثانيه ولكن المرة ذي كثر الحبوب مع الشاي.
وراح لدورة المياه (( الله يكرمكم )) وكسر اللمبة وكب الشامبو على الباب وخلطه بشوي ماء
(( والله ياهو ناوي عليهم نية))
ولما صب لهم الشاي طلع لونه غريب وفيه قطع سوداء غريبة.
وضحكوا عليه وقالوا على غيرنا يا سعود وقام واحد منهم وصلح شاي جديد و سعود يتقطع من القهر
وقال في نفسه: فشلت مرتين والثالثة ثابتة.
وإلافيه بعض الشباب يلعبون بلوت شافهم وقال جاك الفرج يا سعود.
وجاهم قال أبي العب معكم وقالوا تعال إذا أنت تتحدى .
لعب مرتين أو ثلاث بعدين قال للفريق الثاني:
إذا هزمتوني علي عشاكم بكرا.
الشباب كلهم اجتمعوا يشوفون المباراة الحماسية.
سعود بدا يلف ويدور باللعب المهم وفازوا على فريق سعود قالوا الشباب يا سعود بكرا العشاء عليك
وسعود بدا يرفض بالأول ويوم لزموا عليه وافق.
واليوم الثاني راح سعود لواحد من أحسن المطاعم وجاب لكل واحد بهم ثلاث وجبات على الاقل(( يبغاهم يشبعووون مرره))
وجب لهم ببسي ماكينة ولما طلع من المطعم
جاب حبوب الاسهال وطحنها وحط في كل علبه شوي منها وجاء للشباب بالاستراحة وإلا هم ينتظرونه بفارغ الصبر.
ووزع عليهم كل واحد عشاه ولما شافهم يأكلون ويشربون من البيبسي تظاهر انه جاه اتصال وطلع برا بدون ما يشعرون وقفل عليهم بغرفة المجلس وطلع وكانت الساعة 11 بالليل.
وما رجع لهم إلا الساعة ثلاث الفجر.
ولما فتح الباب وإلا هم كل واحد جالس بزاوية ومتلثم بشماغه. وقال:
ليش وش فيكم عسى ما شر جوكم جن؟؟
وقام واحد منهم يبي يضرب سعود من القهر وفجأة وقف وهو شاد جميع عضلات جسمه!!
ولما شافوا إلا والكارثة قد وقعت ....
واضطروا بعدها تغيير الفرش حق الاستراحة..
منقووووووووووووول
اعطر تحيه
اختكم..
الملاك الليلي
مواقع النشر (المفضلة)