يــوم كان الدبغ وجلد والطق والتكفيخ العالمي ايام يازمان هع هع هع
ايييييييه يا زمن ايييييه
الله يقطع هالقطاوه في اليل احسهم مسوين
تحت شباكي دوانيه
المهم اليوم ماعندي مقدمات ابدن ابدن بدخل في
السالفه على طوول << واخيرا مافي مقدمات
تذكرون ايام زمان يوم انه ماعندنا دي عس عل
المهم من زماان مرررره ايام ما كانت القسطنطينه
بيد العرب من قبل سنه << يا سرعة الصاروخ
المهم انا وقتها كنت عايشه في القرن الاسلاكي
الترجمه = القرن الاسلاكي هو القرن اللي يلي القرن
الا اسلاكي << فهمتو شيء انا فهمت
هو ايام اللي كنا نشبك فيها سلك التليفون في الكمبيوتر
والخط يصير مشغول ويوم تسوي اتصال يطلع لك اصوات غريبه
تصدقون وقتها اني اكتشفت شيء ان موعد حضور
الشياطين وتوقيعهم على دفتر الحضور بعد المغرب
وموعد انصرافهم بعد الفجر ..
<< الاخت صارت تقط خيط وخيط
وكانت امي كل بداية شهر تعلق عقال جنب الباب
جديد وبكيسه وبعد نهاية الشهر وبعد ما تجيء قليلة
الحياء فاتورة التليفون بقدرة قادر العقال يتقطع ويغبر
مدري ليه حتى ان جريدة عكاظ حطت مدير تحرير جديد
يقولون في السودان والتايون يتشابهون في اشياء كثيره
مثل تشابه السعوديه بالرياض<< لا تشرهون كل
ما تذكرت عقال ابوها يتسطر على ظهرها تجيها حاله هستره
كان في مجموعة نمل كاشتين تحت سيارة ابووي
<< يحلفون بالله بعد هالجمله ان الرياض صارت تعاني
قصف جوي من كثرة الصواريخ
ايييييييييه يا زمن ايييييييه
الله يالدنيا كانت الساعه يوم نقعد ع النت تكلفنا
ثلاثه ريال والخدمه حالتها حاله والسرعه تجيك
12 سلحفاء والله حاله وكل نهاية شهر بهذله
مع هالفواتير وحتى اسراف في العقال كل يومين ابوي
جايب عقال جديدز سبحان الله مع طلوع فجر
الدي عس عل ابوي بطل يشتري عقال
عجزت افهم لين الحين وش العلاقه الطرديه اللي بين
شراء العقال وقدوم الفاتوره ...؟؟
ايييييه يازمن ايييييييييييه
ذاك اليوم الله يقطع شركة الاتصالات بعد ما مصت
دمنا مص قطعت التليفون علينا لا بارك الله فيها من شركه
ويجيء ابوي وهو معصب وناطه شياطينه ويقول لي
يا نويره هاتي التليفون بسرعه وانا اللي انفجع وشو
تليفونه وشلون اقوله انه انفصل وقبل شهر دافع فاتوره
ياكبرها وانا بين الخوف من الماضي والخوف من المستقبل
المهم انا اروح واقوله يبه يرد علي ويقول وحطبه
بغيت وقتها اروح في خبر وجيران كانا وعيال حمولتها
قلت يبه التليفون فصلته الشركه وادعس بنزين وادخل
غرفتي وابوي ما غير يصارخ ويقول وشو اللي
انقطع لا بارك الله في عدوك وانا اقول من ورى
الباب هذي امي تتكلم مع ام عبدالله كثير ودايم يحشون فيك
لا تحطوون مصايبكم علي ..
وشوي ويرن جوال ابوي وقتها بغيت اصلي مليون
ركعة شكر لان ابوي انشغل مع المتصل واثري اللي دق يقول
ابنكم في التوقيف مسكناه وهو يفحط
ويرد ابوي ويقول خلوه موجود لا بارك الله فيه ولا في اخته
ولا في ام جابت لي هالـ .... طوط طوط طوط
وطلعت امي من غرفتها وهي شايله عباتها وتقول
يا تطلع الولد من التوقيف يا انا اللي بطلع ولدي
<< تعيش وزارة الداخليه هيييييه هييييييه
وابوي اللي يروح على مضض
<< لغير الناطقين بالعربيه مضض مشتقه من يتمضمض
ويروح ويطلع الداشر الصايع الضايع اللي ما يستحي
قليل التربيه والخاتمه والبدايه قليل السكر << مسكت خط
ويرفسه داخل ويسحب العقال ويسطره ذاك التسطير
<< يحلفون بالله ان بعد ذاك التسطير ارتفعت اسعار العقال في السوق
انا وقتها عرفت ان ابوي ما راح يكتفي بضرب هالهيس
الاربد وانا اللي افزع ذيك الفزعه واسحب
ابن اختي اللي ما احبه والود ودي انه يتسطر مع اخوي
بس قلبي ابيض ودوم ينسى عمايله
وادخل غرفتي واسكر الباب بالمفتاح واجلس فيها
واذني ما تسمع غيرر ااااااه اييييي وامي تصارخ وتقول اترك عيالي
واختي تقول ااااي اخر مره << ابي اعرف وش سوت هالمسكينه
واسمع انين الشغاله << مسكينه داخله تتفرج ع المسرحيه
صارت من ضمن شخصياتها
وبعدها بنص ساعه من الطق والتكفيخ والجلد والدبغ
اسمع هدوووء عرفت ان السالفه انتهيت وابوي خرج
و طلعت وانا اتسحب واشوف ضحايا الدبغ
وشفت قتلى وجرحى واشلاء العقال
وصحفين من قناة الجزيره والعربيه وروتانا والكل
حولي يستفسر عن اسرار هذه المدبغه التي حدثت
<< شطحت شطحت وتحمست مع القصه
وبعدها بشهر جات فاتوره ثانيه << ماتابت
يووم جانا اتصال التحذير انهم بيفصلون الخط
رحت الشارع ودفنت التليفوون عشان ماتجي الفاتوره
بس للأسف النذلة جات << الحمد لله والشكر
الحمد لله الــذي سخر لنا الدي عس عل وصار عندنا تقنيه
والله يخلي ابوي الرجل المثقف الواعي اول ما سمع طاري
هالجهاز ركض شراه لنا وجلسنا كلنا في وسط الحاره
كلن من راح وجاه نقوله صار عندنا دي عس عل
<< طلعوا هالقرويه من المنتدى
ما يستفاد من القصه :::
1) لا تفكــر دخول النت وماعندك دي اس ال
2) حاول انك تخفي العقال من عيونك ابوك
3) قربع وحوس على كيفك والله يخلي وزارة الداخليه
4) لا تسرع فالماء امانه
5) اذا كان عندك مجموعة قطاوه تحت شباكك فحذفهم بالحجر
6) اذا قرأت موضوعي حاول عدم التدقيق
هالمرهـ حاولت اختصر موضوعي مره بالحيل
وان شاء الله اكون وصلت فكرتي لولا النوم كان طولت
بس فيني نوم خيرات الله
واذا في اخطاء املائيه لحد يدقق ترى الموضوع كتبته وانا نايمه
وجنونبلا مصاله وتعليقات فاصله خلاص
واللي عنده شي يخليه لبعدين
مواقع النشر (المفضلة)