يا صباح الزعتر
عضو جديد
او مستجد المهم اني لهالحين بقراطيسي
قصم في قصم مدري كيف طحت على هالمنتدى
اصلا رايحن ادوري لي شات لاني غاسل يدي من المنتديات
نرجع لمحور حديثنا
الموضوع يسدح عمره
يحكي ظاهره
في بداية اقتحامي الكتابه بالمنتديات قبل خمس سنوات تقريبا اخذت درس لايمكن ان انساه ..
وهالدرس هذا اكتشفته بنفسي يعني بدون معلم !!
مالكم بالطواله لأني من جد ما احب المقدمات الطويله :abtsamh
كانت الساعه تشير الى الواحده بعد منتصف الليل !! وانا مسنتر قدام الجهاز وجالس اكتب موضوع مهوب صاحي عن الشعراء وأسمي هو ( سيف )طبعا بالمنتدى بس:( وخذ ياتضبيط وتلوين وزبرقه كني جالس اضبط ددسن 85 مغبره ومطيحه وله نسافات يسحبن بالأرض
بعد ماخلصت ضغطت على ( كز الموضوع ) .. وفعلا ( انكز الموضوع ) وصار فقط ينتظر تعقيبات الأعضاء .. <---- هو اول موضوع في حياتي الأنترنتيه 1(
رحت ونمت فوق الفرن ( وين بنام يعني !! اكيد بغرفتي الله يهديكم بس ) وانا اتأمل بأن اصحى الصبح والقى الردود ماليه الموضوع
حتى اني حلمت ان المشرف العام قفل الموضوع من كثرة الردود
الساعه الآن تشير الى السابعه صباحا ..
باقي على المحاظره ربع ساعه بس يعني يالله يالله الحق اغير ملابسي واروح للجامعه .. الموضوع اذا رجعت من الجامعه اشيك عليه !!
رغم اني افكر بالمحاظره ان المشرف حق هذاك المنتدى اكيد انه معصب علي لأن الردود كثيره وانا ماجيت اعقب عليهم <------ واثق بمرتبة مغرور جدا
واخيرا جاء الفرج وطلعت من الجامعه !! وبسرعة الصاروخ انطلقت بالسياره للبيت وعلطول دخلت المنتدى
.
.
.
.
.
.
.
.
.
.
.
.
.
تفاجأت ان الموضوع غير موجود قلت يمكن انا احلم ولا شي !! لكن فعلا الموضوع غير موجود !! :malak:
وادور عليه بالصفحه الثانيه ومالقيته واخيرا حصلته بآخر الصفحه الثالثه !! :zalan:
احباط مابعده احباط حسيت فيه !! مدري ليش بهاللحظه دخلت المسنجر ابحث عن اي شخص اتخانق معاه وفعلا لقيت اقرب اصدقائي حسام موجود اون لاين وحكيت له الموضوع وهي واصله معاي
.
.
.
.
.
.
.
.
.
.
.
.
.
.
.
.
.
.
.
.
.
حسام عطاني نصيحه غريبه يقول سجل من جديد بالمنتدى (بأسم بنت ) !!
وقالي جرب وشوف الفرق !! وانا غير مقتنع بهذه النصيحه لكن تحت اصراره قلت اجرب وماني خسران شي !!
وفعلا سجلت بأسم ( نوره ) وكتبت اول موضوع لي وهو كالتالي :
واحد غبي يمشي بالشارع وفجأه مات .. ليش ؟؟
نسي يتنفس
------------->موضوع سخيف جدا
وضغطت على ( كز الموضوع ) وسكرت الكمبيوتر ورحت اتغدا !!
ورجعت بعد ربع ساعه وافتح على المنتدى واتفاجأ !! الردود وصت لـ18 رد والزيارات وصلت لـ 300 زياره !! كل هذا خلال ربع ساعه
والردود كلها من نمونة هههههههههههه وهههههههههاااااااي وهعهعهعهع ولووووووووول والله قاط ميانه معي يقول الله يرجك يانونو على هالموضوع الي موتني ضحك
من اللعانه ومن القهر كتبت تعقيبني عليهم هو :- ((شكرا لكم )) وبس وشوفوا هذاك اليوم اشلون صندوق رسايلي امتلى رسايل خاصه وبوريكم احدى الرسائل من خمسه وعشرين رساله وارده (( هاي نوره وش هالابداع في موضوعك الاخير (الله من النصب بس )ابي منك طلب بسييييط مره مره وانشالله ماتكسرين خاطري ابي ماسنجرك لان عندي لك سالفه واذا خلصت السالفه عطيني بلوك))<----- العن ابو الاسلوب
.
.
.
.
.
.
.
.
.
.
.
.
.
.
.
انا كسر خاطري موضوعي الي كتبته بأسم سيف ا الي ماجاه ولا رد واروح له واعقب عليه بأسم نوره واكتب رد مطول ( وش هالأبداع قلمك رائع وخذ يامدح )
ومجاملة لي لاحبا في خشة سيف وصلت الردود الى 8 ردود وكل رد يتكلم مع طرف خشمه وواحد منهم مايستحي على وجهه كتب رد في موضوعي الي بأسم سيف يقول :- (هاي نوره اقول ماعاد كتبتي مواضيع بالله لاتحرمينا من ابداعك يامبدعه ) <----- الله يخزي شباب هاليومين يذوبون بالكلام
مايستحي على وجهه طامر في موضوع سيف ((اللي هو انا )) عشان يتكلم مع نوره ((اللي هي انا ))
.
.
.
.
.
.
.
.
.
.
.
.
.
.
مايستفاد من القصه :
ان التتن يوجع البطن
مواقع النشر (المفضلة)