اسمع سر الدمع كانه معذبك ومشقي بك
تدمع لك العين بسبايب فرحك وتعذيبك
تدمع لك عيوني ترحب بك وتهلي بك
وتدمع لا أقفيت بحر شوقي لك .
\\
//
\\
تعبت تعاتب دمعي وأحزاني
وهذا خفوقك الجافي وتدري به
لا تعاتب دمعي على أوجاني
وعاتب قلبٍ بأضلاعك تماري به
\\
//
\\
//
تدري ..
من دخل حبك القلب واحتل أبوابه
والدمع والآه مسكنها على أعتابه
يعني من عشقتك والحزن زايد بقلبي عذابه
يرضيك ..
يرضيك أسهر الليل أحرس دمع أحداقي
وعلى ضي القمر أنزف بحبر دمي و جلدي أوراقي
وأصبح وأنا أكتم الـ آآه وبهمومي أشاقي
\\
//
\\
اسمع مني الكلمة بلا زيف وتلحيّن
كانك حبيتني كلمة تغنيت بها للحين
أنا حبيتك إحساس ما تغيره السنين
\\
//
\\
//
وهذا حبي لك مثل الشجر .. ينكسر ما يلين
وأخاف يجف الحب بغيابك ..
ومن زود بعدك ينكسر .
رجيتك لا تعاند دمعي المنهمر
وتزيد على قلبي الهجر
وهذي عروقي بغيابك مشعلها الهجير
ظامية لربيع قلبك يرويها بغدير
والله إني بغيابك أظميت .. أظميت ..
وأظماني الحنين ..
رجيتك احضن قلبي بحبك ..
وخل عروقه تلين .
وأروي شفاهي من نبعك ..
وخل لمعتها تبين .
//
\\
//
\\
أدري الشقى مزروع في قلبي وقلبك
وأدري العنى مطبوع في عيني وعينك
بس تدري وش هو الفرق بيني وبينك ؟!
\\
//
لحظة..
بجاوبك قبل لا تسأل !!
بس من حرفي لا تزعل ..
أنت..
كتبتني بسطورك حرف ..
عليّت به شهرتك بإبداع .
وأنا ..
أجريتك بعروقي نزف ..
وزدت بخافقي أوجاع .
\\
//
\\
//
لحظة ..
بقت كلمة ما أبيها بداخلي تعاني
اسمعها مني ولا تزيد أحزاني
دام رجفة حبك تزلزل أركاني
لا تعاتب دمعي إذا جرّح أوجاني
دمع الزهر
21/5/1428هـ
مواقع النشر (المفضلة)