أين أنتم من هموم البنات؟؟

[bandar al-dakhil]

السلام عليكم ورحمة الله وبركاته .

اود ان اطرح لكم موضوع في غاية الاهميه واتمنى من الجميع التفاعل ...

وهو كما نعرف ان البنت جوهره مصونه ورقيقة المشاعر ومرهفة الاحساس ولديها

عاطفه جياشه باالمشاعر والحب والحنان ...:23ar:

وقد وصى الرسول صلى الله عليه وسلم بالمرأهـ

ورفع من مكانتها وشأنها في الأسلام بعد مكان حقها مهدور

وانه قال: ((... ومَن سعى على ثلاث بنات فهو في الجنة...))

وقال: (((... فأحسن صحبتهن واتقى الله فيهن...، فأدبهن وأحسن إليهن وزوجهن فله الجنة))

وان ابو بكر رضي الله عنه قال: المرأهـ تفاحة القلب..


موضوعي هو عن هموم ومشاكل بعض الفتيات..

اغلب الفتيات هنا مضيعات اوقاتهن بالنت ومبسوطات..

لكن هناك من يعيشن بحزن
:girl02_5:

لاتستطيع ان تدخل حتى الأنترنت

ولا ترى التلفاز..

محرومه من كل شي حتى الهاتف الثابت والجوال..



سؤوالي هو هل يضن الأب بهذا العمل انه على صواب

من وجهت نظري لا لا لا والف لا

اقول انه اب جبان لايعرف كيف يدبر امــورهـ

ومستعد على ان يحرم ابنته من كل شي على ان يسعد بنفسه

لا وازيدكم من الشعر بيت اذا جاء احد يخطب قام يتشرط

ومايحس في بنته ابد ابد

لو نلاحظ ان اكثر البنات ضياعاً نجدهم المحرومات

والآتي لايجدن من يسمع اليهن ويبثن اليه احزانهن وهمومهن

فأين دورك أيها الأب والأخ في اسعاد ابنتك وأختك

وجعلها وكأنها تسكن في سجن..



وهنا مربط الفرس..

لماذا أكثر الشباب يخجل ان يذهب بأهله الا السوق او التنزه

ويرى خروجها عيب في حقه..او انه ينقص من رجولته

على قولتهم البنت مالها الا بيتها

انا لا انكر ان الأمرأهـ عوره ويجب ان نحافظ عليها

ونخاف عليها..

لكــــــن......!!

هل يصل بنا الحد الى التعقيد ..

او التقليل من شأنها..وحبس حريتها

وجعلها تتخذ بعض الطرق لكي تتخلص من هذا القفص

حتى لو على حساب عرضها..

وانا وانتو وكلنا مايخفانا

ان فيه بنات معاهن جوالات بالخفيه..

لأن الجوال الحين صار يباع حتا بالبقالات..

وبأرخص الأسعار..

ايش المانع اني اجيب جوال وآرقبها..

لماذا بعضهم لايكلم اخته ولاحتى يسولف معها

ولايودييها ولايجيبها..

والبعض يرى ان الجلوس مع اخته عيب

وبعضهم مايسولف معها ابد ابد..

حتى يجعلها تحقد عليه..

مالمانع لو جلبت لها هديه في منسابتن ما

او بعد عودتك من السفر..

سوف يكون لها اثر كبيـــــــــــر عليها..

اخواني انا بعطيكم فكرهـ وهي من تأليفي..

خلوكم معاي..

فلانه واخوها فلان

فلان ماعمره كلم فلانه اخته ودايم يهاوشها

ومطلع شجاعته عليها..

يعني فلانه تخاف منه وماتبي تزعله

لنفرض ان البنت طاحت بمشكله صغيرهـ

من خلال الجوال او السوق او اي شي..

او نفرض انها غلطت وحاولت تصلح غلطتها..

هل تتوقعون انها راح تكلم اخوها وتصارحه..

مستحيــــــــــــــــــــــــــــــــــــــــل

لانه دايم يهاوشها وتخاف انه يذبحها..

وكم فتاة راحت ضحيه بسبت الخوف من اهلها

لأنهم مازرعو الثقه فيها ولاحسسوها بالأخوهـ..

لو كل واحد يجلس مع اخته ويسولف معها

صدقوني بتنحل مشاكل كثيرهـ..

انا ماقول ادخل بخصوصياتها..لكن سوالف عاديه

عن الدراسه هواياته..طموحاته..اشياء مثل كذا..

آسف على الأطاله..واتمنى التفاعل..من الجميع..

وارجو من الفتيات ذكر بعض المواقف..

واللي يشوف ان كلامي به غلط..يناقشني وانا مستعد..

والكلام اللي ودي اقوله اكثر واكبر

لكن احاول اختصر عليكم واجيب جزء منه..

++أحترامي الدائم++

[هذه حياتي]

يالعتيبي (يالهيلا )


والله انك صادق تصدق اعرف واحده عقد لها ابوها على واحد وهي ماتدري


وقال لها تراني زوجتك على فلان ؟؟؟؟؟؟؟؟؟؟ واخوانها موافقين ؟


وهم بارقى الراكز الحكوميه ومتعلمين بعد متعلمين الظلم

وين الاسلام ؟؟؟ وين مخافة الله ؟؟

بعذر انه هو الي يعرف الرجاجيل اكثر ؟؟

طيب والمعرس الله يحفظه كيف رضي على نفسه ؟؟؟

وازيدك من الشعر بيت ممنوع في عرسها انها تنزف مثل باقي البنات

لانه ماهو من سلوم قبيلتهم (ايش التخلف )


يعني مأتم وعزا من جد وليلة عرسها لابس عبايتها ومقفله

الابواب عشان ماتنحاش على قولهم


يعني بالزمن هذا معقول الدكتوريه هذه ؟؟؟

وانت تقول نت ليتهم يسمعوا راي البنت بسسسسس؟؟ ايش رايك ؟؟؟


هذه لفئه من شرايح مجتمعنا مع جلل احترامي لموضوعك

[دلوعة جدحفص]

ويش هالتخلف والدكتاتورية

حسبي الله ونعم الوكيل على الاب


لازم البنت لها قرارها

وتحياتي

ويعطيج الله العافية

[-{ سآحبه ع الدونيا]

.

.

.

{ . . وعليكم السلام ورحمة الله وبركاتـه

موضـوع رائـع بصراحـه يابنـدر

انا بقولك مو شـرط البنت اللي تضيع تكون محرومـه من كـل شـي

بـ / العكـس اخووي الغالي .. !

ممكـن موفريـن لهـا كـل شـي مادي

بـس مايكلمونها ولا يجلسـون معهـا أهلها

ومقصريـن عليهـا بـ / عاطفتهم

ومعـروف إن البنـت مثـل الـوردهـ . .

إذا اهلها مااسقوهـا مـن عاطفتهم وحنانهـم

راح تدور على احـد يسقيها مـن حنـانـه

..

بـ / النسبـه لـي ماعندي اخوان الا 2

جنـون إنسـان وهـو أخـووي الكبيـر

وعـلاقتـي فيـه مـرهـ حلوهـ الحمدلله

الله لا يغيـر علينـا .. ومابيننـا رسميـات ولا شـي

ومـو مقصـر معـي ابـد $222

وابـووي نفـس الشـي

عـلاقتـي فيـه حلوهـ بس انا مقصرهـ معه كثيـر

وإلا هو مايجي منـه قصـور ربـي يخليـه لـي

واخـووي الصغيـر صار يعاملني مثـل اخوي الكبيـر وابـووي

يعني معاملتهم معاي مـرهـ زينـه

..

بـس ماادري كيـف عايـش إللـي علاقتـه جافـه مع اهله

وبـ / الذات اختـه ,, وعايشيـن مع بعض وكأنهم مو اخوان

وعـلاقتهم مرهـ رسميـه وبـس يأمرهـا وينهاها

ويفرض عليـها اشيـاء كثيرهـ

ولا يحترم رأيـهـا ويقدرهـا

وفـي نظـرهـ إن هـذي رجـوولـه

مـع إن الرجولـه مو إنك تـفرض سلطتك وتوري اختك عضـلاتـك !

..

اعـرف بنـات ابوهم مايخليهم يطلعون حتى السـووق

يبون شي من السوق يعلمونه وهو يروح يجيـب على ذوقـه وكيفـه

حتى حارمهم من اختيـار ملابسهم !!

واخوهـم مثـل ابوهـ واردى

مااقـول الا الله يعينهم على إللـي هم فيـه

..

مشكـوور كثيـر يابنـدر

بصراحـه مـوضـوعـك حلـو وروعتـه اجبرتنـي ارد

لا خـلا ولاعـدم . . }

.

.

.

[عناق أجفاني]

بندر العتيبي

.

بالفعل هذهـ المظاهر لاتخلو منها البيوت ,, وإن كنت أتوقع إنها كانت
سابقا أكثر ,, والان أخذت في الاندثار نوعا ما ,,

البنت منا تحتاج إلى 3 أشياء لتربي في بيئة سليمة ولتكون شخصيتها
المستقلة والقوية والقادرة على كل المشاكل ,,

1/ تحتاج إلى مخزون عاطفي وافر من أسرتها وخصوصا والدها
ووالدتها والأخوة ,,, لكي ينتفي من داخلها الحرمان والخوف وهو الذي
دوما يتخذه العابثون طريق للوصول لها ,,
فلو تعودت ان تشارك اخوانها الكلام والأسرار فلن تبحث عن غيرهم
في الجوال أو الانترنت ,, ولن تصبح فكرة الرجل فكرة غريبة عندها
فهي متعودة على إخوانها وعلى دفئهمـ ,,

2/ تحتاج إلى قدر كبير من الناحية المادية وهذا يقرره عمرها وطريقة
تفكيرها ,, فالبنات بطبعهم يحبون الجديد من الملابس وآخر المجوهرات
والعـــــطور ,,

3/ تحتاج إلى حرية واهتمام وتفهم وهذا هو الأهم ,,, فهي تحتاج الى
ان تشعر بأنها حرة ومسؤولة عن نفسها ,, لديها خصوصياتها التي لا تنتهك
وان يكون ولي امرها يشعرها بالتقدير والتفهم لكي لاتشعر انها مثل
السجينة التي يُقرر عليها كل شيئ ,,,

.

أعود وأقول مساكين الفتيات لدينا
حتى وان توفرت لهم المادة ,. انعدم الحنان
وان توفر لهم الحنان انعدمت الحرية
وانت توفر الحرية انعدم الخوف عليهم
(ربي يهدي الجميع )

.

ملاحظهـ صغيرهـ جدا ,,

قمة الوجع أن تكون في بيت مافيهـ سواكـ :) وبدون إخوان

.

لكـ كل شكري على روعة الطرح
ودمت بخير

غلا