ياذيب انا بوصيك لاتاكل الذيب..كم ليلةٍعشاك عقب المجاعه ........... بقلم نـnـواف
بسم الله الرحمن الرحيم
هذي قصة قصيدة الشاعر / شالح بن حطاب بنت هدلان وهو من قبيلة الخنارفره التي هي فخذ من قبيلة آل محمد القحطانيه...
كان لشالح عدد من العيال(الأبناء)وكان ابرزهم يسمى (ذيب) كان ذيب ابن بار بوالده مطيع له يفعل مايريده والده دون ان يقول له ابوه افعل كذا!!
كان ذيب في احد الأيام جالساً مع ابيه في الصحراء في مكان يذهب اليه هو ووالده لصيد الغزلان والارانب...الخ
وعندما صادوا صيدهم وجلسوا بعد ان وضعوا ماصّدَادُوا في النار لكي يأكلوه بعد نضوجه كان والد ذيب يداعبه ويقول له بعض الاشعار فأنشد الوالد هذه الأبيات:
ياذيب أنا يابوك حالي تردى...وانا عليك من المواجيب ياذيــــــــــب
تكسب لي اللي لاقح(ن) عقب عدا...طويلة النسنوس حرشا عراقيب
تجر ذيل مثل حبل المعدا...وتبْرى لحيرانٍ صغارٍ حباحيـــــــــــــب
واشري لك اللي ركضها ما تقدا...ماحدٍ لقى فيها عيوب وعذاريــب
قَبَّا على خيل المعادى تحدى...مثل الفهد توثب عليهم تواثيــــــــــب
أنا اشهد انك باللوازم تسدا...وعز الله انك خيرة الربع بالطيــــــــب
ياللي على ذيب السرايا تعدا...لو حال من دونه عيالٍ معاطيـــــــب
ليث على درب المراجل مقدى...ما فيك ياذيب السبايا عذاريــــــب
وبعد ان قال له والده هذه الابيات بطريقة المزاح، أسرها الابن ذيب في نفسه.. وعندما نام والده ذهب ذيب
وجمع بعض اصحابه وذهبوا معه وكان ذيب هو الآمر الناهي! فما قال لهم نفذوه وبعد ذالك سألوا ذيب الى اين نذهب ياذيب قال الى ديار القوم(!؟!القوم!؟!) وكان عددهم حوالي 15 شاباً للتكسب من إبل اولئك القوم وقد قال ذيب لابد ان آتي لوالدي لوالدي من خيار ابل القوم!؟! وعندما وصلوا للقوم بعد ثلاثة ايام قصدوا بئر(ذيب ورفاقه) ليسقوا رواحلهم فرأو مجموعه من افراد تلك القبيله يستقون من البئر فرجع ذيب ورفاقه كي لايروهم فينذروا قبيلتهم وكان من السقاه صياد أخذ بندقيته وتوجه الى الوادي فرأى ذيب ورفاقه فأطلق عياراً نارياً فأصاب ذيب وكانت اصابه مميته....!
وعندما وصل الخبر لوالد ذيب بعد ان علم ان ذيب أسر قصيدته التي ذكر فيها انه يريد ناقه!(انثى الجمل) بمعنى القصيده..!!!وقد فقد والد ذيب بعد سماع الخبر كل أمله في الحياه كان حينها كبيراً في السن(شايب) وقد بكى على ولده بكااااااااااااااااءً شديداً(من يلومه فقد ابنه البار!)...
فقال شالح بن هدلان قصائد كثيره بعد وفاة ابنه هذه اول تلك القصائد:
يقول::يــاربعنــا ياللـي على الفـطــر الشيب./.عـز الله انــه ضـاع مـنـكـم وداعـه
رحتـوا على الـطـوعات مثـل العياسيب./.وجيتـوا وخليتـوا لقلبـي بضاعـه
خـليتـوا النــادر بـدار الاجـانيب./.وضـاقـت بـي الآفـاق عـقـب اتســاعـــه
تكـدرن لي صـافيــات المشاريب./.وبالعون شفــت الـذل عـقـب الشجاعــه
ياذيـب أنــا بوصيــك لاتـاكــل الذيب./.كــم ليلـةٍ عشـاك عـقـب المجـاعــه
كــم ليلـةٍ عشـاك حـرش العراقيب./.وكـم شيـخ قـوم(ن) كزتـه لك ذراعــه
كفه بعدوانــــه شنيـع المضاريب./.ويسقــي عـدوه بالوغـى ســم ســـاعـــه
ويضحك ليـا صكت عليه المغاليب./.ويلْكِــد على جمــع العـدو باندفـاعـــه
وبيته لجيـرانـه يشيـد على الطيب./.وللضيـف يبنى في طـويـل الرقـاعــــه
جرحي عطيب ولا بقى لي مقاضيب./.وافَخَتّ حبل الوصل عقب انقطاعه
كني بعد فقـده بحـامـي اللــواهيب./.وكـنـي غـريب الـدار مالـي جمــاعــه
من عقب ذيب الخيل عرج مهاليب./.يـاهـل الـرّمَـك ماعَــاد فيهن طمَاعَـه
قالـو تطيب قلـت:وش لون ابا طيب./.وطـلبـت من عنـد الكـريم الشفـاعـه
هذه مما قاله شالح بن هدلان في ابنه ذيب بعد وفاته....رحمهما اللـــه....مــلاحظه/ فيه قصيده ثانيه على وزن وقافية هالقصيده ونا بصراحه تعبان مقدر اكتبها الحين بس أوعدكم ان أكتبها لو تبونها!!!!في الأيام الجايه انشاء الله.
اتمنى من كل قلبي ان هالقصيده تعجبكم .. ..
مع تحيــــــــــاتي / نـNـواف
مواقع النشر (المفضلة)