((مسجات خاصه مني لكم ولاحبابكم))
لكل منا احباب
ولكل منا آهات
وهنا اترك لكم هذه المسجات
مني لكم اهداء كل حسب اختياره وذوقه
وحسب موقفه مع من يريد ان يوجه الرساله اليه
اتركها لكم على امل ان تحوز على رضا ذائقتكم 0
0
0
مازلت والله مافقدت الامل فيـك
باقي لحـد الان بامـال لقيـاك
ولاني بميس منك مادمت راجيك
باني عليك امال قلبي برؤيـاك
ولو طالت الغيبات ماني بناسيك
قلبي بشبـاك الغـرام يتحـراك
الا لامن اعلنتها وقلت مابيـك
صديت لو قلبي طعنته بيمنـاك
ــــــــــــــــــــــــــــــــــــــــــــــــــ ـــ
الا ياللي تشوف من الرسايل وتهوى التطنيش
دخيلك وان لفتك رسالتـي لا00 لاتطنشنـي
تراني من جفاك بدنيتي والله كرهت العيـش
وانا ماخبر غيـرك ذكـره الياحـل ينعشنـي
دخيلك قول لي كلمه تزيل من الخفوق الطيش
بلا تطنيش يـاراع الدلـع ياللـي مطنشنـي
مللت الصبر يا(00000)مابيش انا مابيـش
سوى صوتن بعد هذا الغياب اللي مفركشنـي
فديتش ثم فديتش ياعساني ياغـلاي افديـش
واباظل افتدي بسمتش لـو كـلٍ يهاوشنـي
ــــــــــــــــــــــــــــــــــــــــــــــــــ
وين انت بالله ياقمر وين دنيـاك
هو انت حي او غيبتك الليالـي
قللي ان كانك حي وين الله اغداك
قللي عسى عمرك بعيد الزوالـي
الشوق ساقن لك وجيت اتحراك
خليت قلبي منـك مالـه توالـي
افداك ياعلـيّ بضيقاتـك افـداك
بالصبح والا في تـوال الليالـي
ياللي مدار الوقت بالقلب ذكـراك
دايم على قلبي يشكويـك بالـي
لو طالت الغيبه تراني برجـواك
ألطف بحالي يابعد مـن طرالـي
ــــــــــــــــــــــــــــــــــــــــــــــــــ
عزالله انـي بيـن صمتـي وبوحـي
لاصبر على صمتي ولااقدر على البوح
لاشـك يامنقـض بقلبـي جروحـي
دوبك على قلبٍ تنقـض بـه جـروح
خلك على قلـب الهـواوي سموحـي
ولو مت من سبتك مانتـه بمسمـوح
غديت من همسـك طريـحٍ شفوحـي
وانـا اول الايـام ماكنـت مشفـوح
لاشـك جاوبنـي ولـي رد روحـي
ترا حراااااام بلاسبب تنـزع الـروح
وان كان تجهل وضع الاحكام بوحـي
جالك موضح كيف الاحكـام بالبـوح
ترا الغرام اللـي ماهـو بالمزوحـي
ماهو مثل ضحك وتماثيـل ومـزوح
دخيـل قلبـك لاتقوليـن مـااوحـي
تري غرامك للأسـف ماحنـي مـوح
واليوم جيت وكـل مابـي فضوحـي
وراع الولع دايـم بدنيـاه مفضـوح
ــــــــــــــــــــــــــــــــــــــــــــــــــ
قلبي تقطع مـن غرامـك وقـال اح
حسبي عليك ان كـان ماترحمينـي
بالله قولـي لامتـى دايــم الــح
عليـك وانتـي مايهمـك حنيـنـي
مابي رسايل منك جرحٍ ورى جـرح
ابيـك لامنـي نصيتـك تجيـنـي
وكان الغرام اللي ذبحني معك ذبـح
مانتـي مقدرتـه واعـزي لعينـي
بامووووت من حبك ولاباصل الصبح
كود ان صوتـك لازهمتـك يجينـي
مليت يامن في جواب الصدى شـح
ليه البخل بالصـوت كانـك تبينـي
ردي علي ياقبلـة الكـون والملـح
ابي الجـواب اللـي يريـح كنينـي
وان كان ماعندك جـوابٍ ولاصلـح
قولي لـي ارحـل روح لاتحترينـي
ــــــــــــــــــــــــــــــــــــــــــــــــــ
يالب قلب اللي على البـال طاريـه
يالـب قلبـه كـل ماحـل طـاري
ايوالله احبـه واحـب افتخـر فيـه
وشلون ماحبه وانـا فيـه امـاري
دامه خذا قلبي وقفـا وانـا اتليـه
لاتسألونـي لـو يطـول انتظـاري
اغليه مابـه شـك ايبـاالله اغليـه
وش عاد وان طال الصبر والمساري
مواقع النشر (المفضلة)