عندما تعشق السنبوسه

[][خجووول][]

السلام عليكم ورحمة الله وربركاته


اليوم جايب لكم قصه عظه وعبره لمن يتعض


الله الله بالقرايه السنعه


بسم الله نبدى



في احدى ليالي رمضان

وفي الاصح كما ورد في رواية امي لطيفه الله يحفظها لي ويخليه
ويطول بعمييرها << امانه قولي أمين
كنت جالس في الصاله طبعا المجلس فيه اخوي ترتسي راقد
لان الغرف فل ماعندنا مكان شاغر

غرفه فيها خواني 2
وغرفتي فيها انا لحالي لاني اسولف واخثرق وابربر وانا نايم
محد برقد عندي لاني صجه ولجه

وغرفه فيها الخدامه الجديده

وغرفه في بزارين خواني

وغرفه ثانيه في بزارين ابو نسب

وغرفه فيها اخوي التسبير مانيب بقايل اسمه

وغرفه فيها نسيبي ((رحيمي))<< لأهل الحجاز

والمقلط فيه عفش مكون من سرير اخضر+دولاب كان في المطبخ قبل نشتري الامنيوم
+ماصه لها تقريبا 9 سنوات +مكنسه كهرابئيه+لعابيب((العاب الاطفال))لعابيب بنيخي
+مكينة خياطه حقت لطوووف+مرايه منكسره+ثياب معلقه ورا الباب

يعني مابه متسان اجلس بوه الا بالصاله حتي المستودع زحمه في كراتين وقواطي ببسي وصحون وغرشه
ودلة قهوه واصطوانات غاز ((دبه يقولونها الحظر))

المهم كنت بالصاله العب بلاي ستيشن
انا وبناخي حمادهـ

انا اخذ التشيك

وهو ياخذ انجلترا

المهم لعبنا حوالي سبعطعشر مباره ماملينا << وجيه فقر شاحذين الكمبوتر من جيرانا
ومانبي نعطيهم لين نمل منه

المهم في ذيك اللحظه حوالي الساعه الثالثه وسبعة واربعون دقيزه

دز اذن العصر

وحنا نلعب وتطب علينا لطووف

كنها المباحث يوم طبت على جارنا ابو سقراط

ودار هذا الحوار بيني وبين لطوووف

لطووف : خجول المعصقل

خجول : هلا يمه لبيه عيونه الحول

لطوف : قم جب لنا شرايح سمبوسه((رقائق )) وبئدونس << تسوي نفسها لبنانيه

وجب معك كرتون طماط وكيس بطاطس وكليجا اللي في البلاستيك لاتجيب اللي في التنكه
وود بيت خالتك بدريه طبق بيض وشريب((فيمتو)) ام مرسى الشوق <<هذا عضو كمخه عندنا
واشياء سريــه ما احب افصح عنها ترا مهيب كرتون حليب السعوديه بـ22ريال

خجول : زين هاتي دراهم تراني طفراان

لطووف: امس معطيتك خمسين وين راحت فيه

خجول : تبين الخمسين تفرخ راحت اشتريت ابها الله يرضالي عليتس يايمه

لطووف : هاك هاك وانا امك 100 ريال ورجع البادزي

خجول : طيب((واقول في نفسي اذا ماسرقتتس ماني بولد ابوي))

واركب موتري انا وبناخي حمادهـ

ونجيب الاغراض ونودي بيت خالتي بدريــه مقاضيها

الحين بلشت بحمادهـ توني محاسب كيف ابي اتسذب على امي

واسرق منها عشرين ريال على شان ابعزئها وارفـه عن نفسي

جت فكره في راسي

وقلت يا حمادهـ

قال هاه

قلت قم وانا خالك وخذ هالخمسه ريال جب اثنين سنكرز

تدرون انا مدمن سنكرز والمشكله كان عندنا كرتون في بداية رمضان
ماجاء سبعه رمضان غير قاضي عليه انا ومعي ورعن صغير من بنخي
يزرطه بكيسه من حبه لــه طالعن لي ((هذاك الكمخه من هذا الخبل))
يوم راح بناخي حمادهـ يشتري سنكرز ابو ريالين
وانا انزل والف من ورا السياره << حركه تموييـه
الا هو طالع

واركب ونحرك نروح للبيت

قبل اوقف قلت تو عطيت لي حرمه عشرين ريال

قال هو اشوا ياخالي بتلقها بالدنيا والاخره

قلبي قرقع من كلمته ذي

قلت ان شاء الله ان ربي يرزقني ويهديني

نزلت الاغراض

عطيت امي الدراهم الباقيه

قالت كم اخذت ذا

قلت بتسذا وتسذا

قالت وذا قلت هيكي وهيك

وقلت ذا قلت بهاك الحتسايه

قالت ناقص 25 ريال

قلت عشرين تصدقت لي ولتس ولأبوي الله يرحمه
<<ياويلي من ربي
وخمسه عطيت محمد يجب لنا سنكرز ناكله عقب الفطور
قالت بيض الله وجهك ياوليدي

جلسنا نكمل مباراتنا انا وبناخي حمادهـ

لعبنا لعبنا

لين قرب يئذن المغرب

انطلقنا على السفر وكل واحد صب له عصير((شربيت))

نحتريهم يأذنون

اذنو وسمينا بالله


ونقعد نفرث في العيشه

اشي تمره واشي اصابع بالجبن واشي كليجا اللي في البالستيك
واشي قرصان بنكهة حليب السعوديه

السنبوسه مابعد جهزت

يوم اكلنا وخلصنا
وراحو الشباااب كل واحد يقبع له زقاره في الحوش

((خايفين من لطوف تسطرهم)) ههههههههه
جلست اتمغط انتظر السنبوسه ونفسي اروح للثلاجه اخذ النسكرز
المهم جت الصنبوصه

ياسلام

انها تقرمش

توها طالعه من الصاج


المهم من زود الشفاحه اللي فيني


واخم اول سنبوسه من فووق

ازرطهاا

اول ما كشختها بضرووسي

عاد انا شاري رقائق السنبوسه يقولون ماتشرب الزيت

اول ماكشختها الا فيها زيت وهي بالاصل حارهـ توها جايه من الصاج

وهي تحرق فمي وجماي

الجماء ((اللي فوق اللسان اللي عنده حقت الملاكمه ))

تعرفون الجما اكيد

المهم واقعد اصايح images8

والله ماشفت طاش ولا غشمشم ولا محمد العيسى :18ar:

ولا حتى صاحبة الامتياز اللي فيها البنات المزيونااااااات :23ar:


ليلي ليل ارنب يطردها سلوووووقي im6

وخلال هالصياح اتذكر كذبتي على امي يوم اقول تصدقت بالعشرين


وانطلق لأمي وانا اصيح im6

ما اقول يمه من الوجع اللي فيني

اقول ينه ينه

قالت وش فيك

قلت ينه انا ماتننقدت بالأشرنين
((اي بمعني انا ماتصدقت بالعشرين))

قالت وش

وانادي وخيتي صغيرونه

قلت

أتي دلم وولقه واشر بيدي كني اكلم لي اصم وانا ابكم هههه استغفر الله

((قلم وورقه))

كتبت لها

ياميمه سامحيني انا ماتصدقة بالعشرين ريال


وعرفو السالفه كل البيت :34ar:

وعرفو اني اللي اسرق فلوسهم im6

وهذي عندما تعشق السنبوسه الله لايعود هذاك اليوم الا على خير
وبكذا اكفشت وانفضحت

ولا ذقت السنكرز

وفمي احترق من السنبوسه


ونصيحه لأحد يكذب انتبهو


يقول المثل التيقواني

((اسأل مجرب ولا تسأل طبيب))

تحياتي :frown:

[!! NaWWaF !!]

8
8
تجمـع المتعوس على خايب الرجى:59ar:

خجــــول+ حمــــادهـ= ازقح فوق بالجملهـ :59ar:


يوم حرقت السمبوسه عسى ما تذكرت :28ar:

لا تخافي لا تخافي نحن ابطال المطافي:28ar:
8
8
8
ياحبي لك يالانشودهـ هـــذي

<_ ظاهر يبي يمسك خط مخرج للموضوع

الا نرجع ونقـول im8

كاتم لا اوصيكـ احذف الموضوع im8
8
8
8
احس اني صاير داي الشجآع im8


خجول يا مال الحكهـ اللي تجي بخشمكـ :*

تسلم يمينكـ :*

وكل يوم تعالي هونيكـ:*

سي يو<_ اتكيت:*

:55ar: <_ فككهآ مع لبن اكتفيا

[غزال ومـا يصيدونـه]

هههههههههههههههههههههههههههههههه

الله يرج شياطينك كل هالسالفه ياطولا فيها عشان تخبرنا بحرقة السمبوسة

images11 ياحرام لاتهنيت بالسمبوسة ولا بالسنكرز

<<< تبي تعرف وش دخل تفاصيل بيتكم بالسمبوسة والا هذي هي الصرقعه :*

وترى التسذب يؤدي النار :8ar:

ينطيك العافيه ووصل سلامي للطوووف

[..سنفورة..]

هههههههههههههههههههههههههههههههههههههههههههههه

هههههههههههههه

الله يرج بليس بليسك...

تستااااااااااااااااااااااهل علشاان ماتسذب على ميمتك مرررة ثااانية...

ويوووم قلت "سنكرز" تقلبت سبدي .. ماأحبووة "أكرم النعمة"


تبي يرووح الحرق.. [color=#FF0000]أشرب ليموون وحط معاااه ملح...[/color]<<<<<= وش نااوية علية انتي

تحيااتي\\
سنفورة..

[كاتـم الآهــات]

ما اقول يمه من الوجع اللي فيني

اقول ينه ينه

قالت وش فيك

قلت ينه انا ماتننقدت بالأشرنين
((اي بمعني انا ماتصدقت بالعشرين))

قالت وش

وانادي وخيتي صغيرونه

قلت

أتي دلم وولقه واشر بيدي كني اكلم لي اصم وانا ابكم هههه استغفر الله

اجل ينه ينه ههههههههههههههههههههاي

وحقت الملاكمه خخخخخخخخخخخخخ

خجوووول

صم واترك عنك الحشيش وخلافه