المشاركة الأصلية كتبت بواسطة محمد القحطاني
. السلام عليكم ورحمة الله تعالى وبركاته .
.
.
. الشاعره حوراء 1 .. اسمح لي بهذه المجاراه البسيطه لقصيدتك الرائعه والتي اوقفتني واخذت من وقتي ماتستحقه وهي التي تستحق الاكثر والاكثر فاليك مجاراة اخيك محمد القحطاني ..
.
.
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="solid,2,deeppink" type=0 line=1 align=center use=ex num="0,black"]
. حوراء . لحظه واسمعي صاحب الشيب = اللي خذا منّا ومنّا ومنّا
.
. في عارضه لاحت دروب وتجاريب = وفي مسمعه شيخ الشياطين غنّا
.
. في ناظره تشرق مساحات وتغيب = وفي خافقه نفس الكسير المعنّا
.
. شوفي يابنت اهل الكرم منبت الطيب = ماكل عبد ٍ حصّل اللي تمنّا
.
. الناس بين الحق والشك والريب = والحق حق ورمعة القلب ظنّا
.
. والله عطانا فالليالي أساليب = وحنّا اوادم رايح انضل حنّا
.
. ناخذ من الظاهر على ذمة الغيب = وما قدر الله في خبر كان كنّا
.
. ما فيه معصوم ٍ من الذنب والعيب = الا الرسل ميّـزهم الـلّـه عنّا
.
. وانا حفيد اخيار كلي عذاريب = الا اني اقسا من صخر ما تثنّا
.
. يابنت نجد انا معك فالالاعيب = واحبابنا واللي رحل عن وطنّا
.
. والرحله اللي طولت والمعازيب = والحسره اللي شيّنتنا وشنّا
.
.والهجر والخذلان اسما مخاليب = تجرح محاجر دمعنا ما تونّا
.
. خلت محمد شخص في داخله ذيب = يقنب بصوته وان ذكر شي ونّا
.
. ينثر دموعه وان بغا شقة الجيب = يموت راسه فالسما ما تدنّا
.
. حوراء قولي وش تفيد المناديب = لا صار ما كل ٍ وجد ما تمنّا
.
. الله يعين اللي غزا راسه الشيب = واللي غزاه الهم منّا ومنّا
.
. [/poem].
.
وسلامة الجميع .
مواقع النشر (المفضلة)