هواجيسي

[سلطان القصيد]

في عيد الفطر لعام 1414هـ طلع الشاعر مع ناس من ربعه الى تمير وقضوا فيها ما يقارب ثلاثة ايام وبعد ما عادوا تهيض الشاعر وحزن و قال هذه القصيدة
[poem=font="simplified arabic,4,sienna,normal,normal" bkcolor="transparent" bkimage="backgrounds/45.gif" border="outset,7,chocolate" type=2 line=0 align=center use=ex num="0,black""]
انا البارحة يا طول ليلي غدا ليلين = تبين شعاع الشمس ما ارتحـت لرقـادي
اعد النجوم الساريـه والعـرب ممسيـن = واعد الاسامي وارفع الصـوت وانـادي
ابتعبك يا فكري مع الصـوت والتلحيـن = اجاوب حمام الورق واشدي مع الشـادي
سرا النوم من عيني مع هجعـة الساليـن = وصارت هجوس القلب سـرداد مـردادي
هواجيس وافكارٍ تشيـب برمـش العيـن = تخلينـي اقصـد لـو مانـي بقـصـادي
ولولا الحيا هليت دمعي علـى الخديـن = وبكيت الرجال اللي لهم جـد و امجـادي
ابا ابكي عليهم داري ان الدهـر يوميـن = وللعمـر عنـد الله نهـايـه وميـعـادي
وببكـي عليهـم جعلهـم كلهـم حيـيـن = عسا الله يعديهـم خطـر كـل حسـادي
وانا ما بكيت الا علـى ربعـي الغاليـن = و لاني بحسب حسـاب عـاذل ونقـادي
اقوله و انا ماعشت بين العـرب مسكيـن = انا ابخس بمصداري و انا ابخس بميرادي
ولا اهين نفسي لو على السيف ابو حدين = اموت بشرف لعيون مركـوز الانهـادي
وارد الوفا مطبوق والصـاع بالصاعيـن = ومن لا نشد عنـي مانـي عنـه نشـادي
معي ذاكره واحس و الوصل قطعه شين = و لاخيـر باللـي للمعاريـف جـحـادي
انا اقول يا قلبـي تصبـر الـى بعديـن = برجوى الكريم اللي لـه العبـد عبـادي
متى الوضع يتحسن متى يدخل التحسيـن = متى نجتمـع لـو صدفـةٍ دون ميعـادي
على الله متى بنقـول هيـا بنـا ذالحيـن = اسج القدم مع عزوتـي عقـب مقعـادي
اسجـل عـدد رحلاتنـا كلهـا واقـيـن = ولا فيـه يـومٍ مرنـا قلـت لا عــادي
وقمت اتمنى و اطلب الله و اقـول اميـن = يعودك يا عيد اربعـه وتسعيـن ميـلادي
نهار الاحد واحد و الاثنيـن يـوم اثنيـن = و يـوم الثلاثـا ثلاثـه ايـام الاعيـادي
مع الاربعاء عيد رمضان اربع وتسعيـن = تذكرت فيهـا خـوة الربـع الاجـوادي
مسكنـا طريـقٍ بـره الساعـه الثنتيـن = على سـت سيـارات و الخـط منقـادي
تجاه الشمـال الله اعلـم ميـه وسبعيـن = ورا تمير دون الشعب في فيضة الـوادي
نزلنا صلاة العصر ديـره وجـوٍ زيـن = عـز الله لقينـا ديـرةٍ جوهـا هــادي
و انا بيـن ربـعٍ كلهـم بالوفـا وافيـن = وجيه قحطـان ونعـم بـذولاك الاولادي
شيوخٍ من ادنى كل ابوهـم يميـن يميـن = ثلاثـة عشـر رجـال رقـمٍ وعــدادي
سلامي عليهم عد غرس النخـل والتيـن = وعدد ما جنا حب الثمـر كـل حصـادي
وسلامي عليهم عد من يسكنون الصيـن = و ما باع وارد موسكـو وسـط بغـدادي
و سلامي عليهم عد من ينطقـون السيـن = و نطق العرب للغين والصاد و الضـادي
وسلامي عليهم عد مـن بيـع بالتثميـن = و ما بثه التلفـاز و اعلـن بـه الـرادي
و سلامي عليهم عد ساس الحجر و الطين = سلامٍ عطوره غرشة المسـك و الكـادي
حقيقه ثلاثـه ايـام تسـوا ثـلاث سنيـن = لها جلسةٍ تغني عن الشـرب و الـزادي
مقيميـن مرتاحيـن سالـيـن متسلـيـن = سوالف و شبـة ضـو يندلهـا الغـادي
صماليل سمرٍ نورهـا يجـذب الساريـن = على جالها مدخن ودلة وبرادي
ومن مرنا قلنـا هـلا مرحبـا واهليـن = تفضل و هـذا سلمنـا سلـم الاجـدادي
قحاطين مذكورين بالاصـل مشهوريـن = و بالفعل نعرف يومها حـرب وجهـادي
سلاطين عنتـر نجـد منـا ومعروفيـن = وشيخ المشايـخ شيخنـا سـم الأكبـادي
لنا يشهد ابن حميد و الشيخ ابـن حثليـن = و كلٍ عرف ذيب ابن شالح و ابن هـادي
نعم و القبايـل مثلنـا و العـرب داريـن = احد ثور و احـدٍ مثـل عنتـر وشـدادي
و ركزنا النصع قدام نمشي و حن عجلين = ومن صاد قلنا له كفو عاش من صـادي

[/poem]

القصيدة لشاعر عبدالله بن شايق

[مناير الشـووق]

أبيااات رااائعه
صح لساان شاعرها
احتراامي ..
’’