[align=center]
الســلآم عليكم .. $222 ..
يالله حيهم
انا ابصم مليون بـ المئه ان العنوآن لخمكم ودخلتوآ تشوفون وش السآلفه خخخ
العنوآن مثل شعبي معروف < اشوآ انك ماعرفته الا من الشيآب حقين الدوآم
العنوآن يشرح حآلتي هـ الأيـآم
ابشرح لكم المثل لأني عآرف نصكم ماعرفه ههههه < وش عنده الشرهـآن
شعيره < الشعير اللي يآكلونه الغنم والبعآرين
هم يطلقون المثل على اللي ينفع النآس ولايشكرونه .. مثلي طبعاً
مثلا تلقـآه مهما سوّا وفعل .. لكن تحصله دآيم يحطم ولايشكرونه
بتقولون وش اللي حآدك تنفعهم وتنفذ اللي يطلبونه
ابقول ( لاصـآر خصمك القــآضي .. من تقـآضي )
لايروح بـآلكم لـ مديري بـ الدوآم
ولا للشيـآب اللي عنده
ولا لأخويـآي
خصمي هو
أمي :24ar:
من تآلي مدري وش جآيها علي
متسلطه علي تسفيل واني الولد اللي مآيطيع امه ولابه خير خخخخخ
ماتصدق على الله تقول ابغى منك هـ الشي .. واكون ما اقدر اسويه مثلا ..
أو مشغول واقولها خليه بوقت ثآني .. الا وتدق السلف وتبدأ بـ التسفيل هههههههه
المشكله تحصلها قبل شوي مخلص لها شغله .. بس لانها طلبت مني شي ورفضت على طول تنسى كل شي سويته
والمشكله ماتعطيني فرصه اتكلم واشرح ليه انا ما اقدر اسوي اللي تبي
هي مجرد ماتقول ابي منك هـ الشي .. وانا اكون مشغول وابقولها .. لا خليه اول ما افضي الا وتشب علي بالحتسي
ابضرب لكم مثآل
يوم السبت جت لمي اول ماجيت من الدوآم
قآلت ابيك توديني انا واختك للمستوصف عقب صلاه العصر مبآشره ..
وكان فيه مبآرآه المان والليفر .. فـ جيت ابقولها انا بشوف مبآرآه خلي اخوي يوديكم
هي بـ مجرد ماسمعت كلمه ( لآ ) الا ودقت السلف وبدا مسلسل التهزئ ههههههههههه
حتى ماخلتني اكمل كلآمي
هي تنتظر اول حرفين من ردك .. اذا كانن حرف ( ل ) و ( أ ) اقرا على روحك السلآم هههههه
ودي ارد عليهـآ مره وأقول .. لآلآلآلآلآلآلآلآلآلآ .. مآنع لدي
ابشوف وش ردة فعلها هههههههههههههههه
من جد هـ اليومين مدري ورآها علي
المشكله امس اللي جآيبهم من خوآلي انا
واللي جآيب اغرآض اختي اليوم من الصيدليه انا
وكل هـ الطلبات هي اللي قآيلتهن لي
حتى اليوم الظهر قبل الصلآه قآلت لي جب من البقآله ( بليلا ) لأن أخوك الصغير يبيها
اخوي هـ اليومين نسميه ابو غـآلب im22
مآسكه له هـ البليلا وقآعد يدور بـ الحآره يبيع على اخويآه الصغـآر im22
الله يستر لآيجي اخوي الثآني ويجمع له كم خيآره وطمآم مسوي فيهـآ ابو مرزوق هههههههه
وقبل شوي مريت البقآله وجبت دجآج عشـآن العشـآء
كل هذآ بـ يوم وآحد بس
لكن لو تجي الحين وتقولي ابيك تودي هـ الغرض لـ خآلتك
وقلت يمه خليه بكره الحين مآلي خلق اطلع
ان كآن خلآص يجي الدور اني الولد المهب كويس ولايطيع امه ههههههه
المهم انا كتبت هـ الكلآم هنا لآني ما اقدر اقوله لهـآ
فـ جيت هنا وتحلطمت عليكم شوي هههههههههههه
اوما لو تقرآ هـ الموضوع امي .. والله يـ انا ابروح غلطه ههههههههه
بس مع ذلك تبقى امي :24ar: < احد قآلك انها حرمه خآلك اجل
ونظر عيني :24ar:
لو اشيلها على كتوفي والفها بها العآلم كله ما اوفيها حقها :24ar:
اللي عنده موآقف مع أمه يسدحها هنا
برب امي تنآديني تقول العشـآء خلص :24ar: [/align]
مواقع النشر (المفضلة)