[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شف كيف وجهك ينحني شف كيف عظمك يكسرا = شف كيف ضعفك يبتدي شف كيف راسك فيك شاب
دنياك يا إبن آدم غرورِ لو يزين المظهرا = لا تامنه إلا كما تامن على العنز الذياب
والله لو تعطي جبالِ من ذهبها الأصفرا = لابد من يومِ تبي تملا مناخيرك تراب
كم من ضعيفِ غرته وأقفى ولا أحدِ به درا =هاذي القبور الصامته ياما بداخلها جواب
ياما خذت من جيلنا وياما خذت جيلِ ورا =ياما خذت من شايب وياما خذت منا شباب
ياموت ما خليت أحد لا با المداين والقرا=كم واحدِ من بيننا شلته لمجهول الغياب
ياموت وش خليت له غير النصايب والثرا = ياويل قلبِ مارجع لله وأسلم له وتاب
يا عاقل أعقل ماورا ها الموت شيِّ يشترا = يا عاقل أعقل ماورا قصة جهنم من عذاب
يا عاقل أعقل مابقي لك مثل ما فاتك ترا = يا عاقل أعقل وإمسح الصفحه ترا القصه كتاب
إعمل لنفسك لا يغرك ها الزمان الأغبرا =باكر ترى ملفاك قبرِ فوقه ينوح الغراب[/poem]
سطام الشمري
مواقع النشر (المفضلة)