يا حبيبي ردك القاسي يهون .... العتب ياتي على كبر الغلا
دامني واثق بقلبك من اكون ...... وداري ان نجمي على الغير اعتلا
فانت دون الخلق يا روحي تمون..... منّك ازعل ؟ لا حشى لا والف لا
ما حسبت حساب للي يعذلون .... ولك على قلبي مواثيق الولا
خلهم يبنون حلم ويهدمون .... المباني حلم .. والواقع فلا
كل ما حلموا لقلبي ياصلون ..... قلت يا آللـــــه به ناس جهلا
مادروا انك عين وان قلبي جفون .....وانك احساس ٍ به القلب امتلا
وان عيوني ما تخيل الا المزون... منك وانها معطيه غيرك جلا
وان ثلاث ارباع قلبي لك ضعون .... وربعه الرابع مخصص للسلا
فيه اغني الحب للطرف الحنون.... سمرة ٍ واياك من بد الملا
واقطف اثمار ٍ تميل بها الغصون .... كلها فتنه والذ من الحلا
خل غيرك يحلمون .. ويحلمون ... وابسط بقلب ٍ لهم قال الخلا
مواقع النشر (المفضلة)