الصبر ثوب المواجع
نقطة ضعفي
الصبر ثوب المواجع مالبس ثـوب الـزري
والمواجع صبرها قتـال صـدر ٍ محتويـك
صاحب فوق الشجـر تفـاح وبيـدي شـري
لو تقول انـك تبيـه الظاهـر انـه مايبيـك
يا غناة اللي يشوفـك غيـم يـوم ماطـري
لهفة المشتاق لمسه فوق جرحـه مـن يديـك
كان تبغى فلـة حجاجـي وسجـة خاطـري
لا تطري لـي الرحيـل الله يرحـم والديـك
في حضورك دنة العرضه ولعـب السامـري
وفي غيابك كن خلـق الله حزنـى تحتريـك
دام ربي خصـك بقلـب ً كبيـر وطاهـري
حطني في خانه بقلبك مـع اخوانـك وابيـك
ودام طولت الغياب ووصـل حـده دفتـري
مالي الا اروح من عينـك لقلبـك واشتكيـك
افتديـت موادعـك بشـداد لحقـت فاطـري
والنتيجه صفقة الكفيـن مـن وجـدي عليـك
آه يا كبر المواجـع منـك يالعـود الطـري
كيف لا صارت جروحك لعبة ً منـك وفيـك
تدري انك نقطـه لضعفـي وقـوة معبـري
تنتهي كل الـدروب بـدرب واحـد يلتقيـك
قصة ٍفيهـا البـري مذنـب ومذنبهـا بـري
لا نويت ازعل عليك استسمحك وارجع واجيك
والله انه ما بقـى الا يافـري جيبـي فـري
كان طالت غربتي يا صاحبي وانا احتريـك
وتحياتي لكم
اخوكــــــــم
أبورشــــيد
رد مع اقتباس
مواقع النشر (المفضلة)