مع طبة الليل وهجعة النايم قام عشرات من المسلحين بالهجوم على سجن ابو غريب واللي يقع حذفة حصاةعن بغداد
وقال الجيش الامريكي (موب كل الجيش واحد منهم اللي قال بس ولا من جدكم تحسبون الجيش كله اللي قال) وقال هالواحد اللي موب كل الجيش الامريكي :04:
ان الهجوم بدا حزة غياب الشمس قبل يذن المغرب بشوي يوم بدا ابليس ينشر عياله حيث ان المهاجمين فجروا سيارتين ثمن بدوا يثوّرون ويرجمون قنابل ..
عاد من شجاعة الامريكان اللي انتم خابرين (إيه هين) يقولون انهم صدوا الهجوم واستقعدوا له عقب هوشة دامت 40 دقيقة ..
ويقول القايل ان 40 جندي تعور (كل جندي في دقيقة ) و12 محبوس تعوروا بعد .. لكن السي ان ان تقول ان اللي تعوروا هم 44 (يمكن كان فيه وقت بدل ضايع ) :nodgrin_:
وان اللي هاجموا السجن يجون بين الاربعين والستين .
وقال واحد كبير من حقين امريكا بان هالهجوم اللي نفذوه ناس منظمين وعارفين وش يسوون
وقال واحد كان متعدي ووقف يتفرج لقافة بس يسمونه شاهد عيان موب ملقوف ان المهاجمين اول شئ فجروا سيارة ثمن لما جاء الاميركان يشيلون المتعورين قبت السيارة الثانية فيهم عاد ماندري احد جاء شال اللي قبت بهم السيارة الثانية او ان الامريكان قالوا ان الشردة نص المرجلة .
الشئ اللي بينقال آخر شئ ان المتعورين الاميركان نقلوهم إلى مستوصف في بغداد وواحد بس ودوه المانيا يتعالج (حتى الاميركان عندهم وسايط ). :lol:
تــ ــقــ ــديــ ــري وإحــ ــتــ ــرامــ ــي الــ ــكــ ــبــ ــيــ ــر لــ ــك
أخــ ــ ــ ــ ــوك
الــ ــمــ ــحــ ــامــ ــي
مواقع النشر (المفضلة)