فضفة تعجبكم <<< جاب العيد بالموضوع لايفوتكم
يا حيا الله كلن بنكـــه
وش لونكم وشلون علومكم؟؟؟
قبل كل شئ وقبل ما سترسل >> اروح سلطه في صحن على استرسل
قبل ما ادخل في لب الموضوع ..احب ان انوه واشيد >> تحسون انه بداية شطح
طبعاً اشيد بمجهودات المسؤالين على هذا المنتدى وما بذوله في سبيل انجاح ورقى المنتدى
بصورته الحاليه ..وبما اني جديد ولم امر بمراحل تطوير المنتدى الا انه اتضح لى من خلال
تجولى في هاليومن بالذات ، الا ان كل مرحله مر بها المنتدى اصبحت اقوى من سابقتها
وخصوصاً هالاستايل الفريد من نوعه اللذي اغرنا بتصميمه الساحر >> رهيبه ساحر احساها نابعه من نيجيريا
ولا انسى ان اشكرهم على حسن كرمهم لنا ..واحترامهم وتقديرهم الذي هو ينبع من حرصهم على نفسية العضو ...حتى غيرو اسمى من الكايد الى سلطان الهيام فى لحظه
والبحث عن المقومات والاساليب الحضاريه في سبيل دعم الاعضاء وحثهم على البقاء والمشاركه
في ضل كوكبه من الاعضاء ان قلنا رائعه فهو اقل تقير في حقهم ..فهم سبيل رقينا ومصدر ابتسامتنا !!
ندخل في الفضفضه قبل لايجيكم النعاس:-
تصدقون ما عمرى حسيت ان العزوبيه بها مشاكل و شينه >>> قطع قلبي العزابي
يوم اهلى سافرو وتركوني لحالي جلست عشان الدوام ماقدر تعرفون
لقمة العيش >> مولود وفي فمه ملعقة خشب ( مطفرر)
توهت بروحي وقتها عرفت معنى العزوبيـــه لا عزوبيه وفي جده ..انواع الحر والرطوبه
طبعاً الحين صاير خبره في مجلات عده ..منها تصليح الشاي ..والقهوه..والاندومي
والبيض المسلوق >> البيض داخل عرض
وبعد تعلمت كيف يشتغل الدنمو عشان اذا قضى الماء في الخزان اللي فوق ...بس تدرون فيه مشكله
الدنمو اذا شغلناه لازمن نخليه ساعتين وصوته انواع الموسيقى>>> شاريه مستعمل
انا دوم اشغله وانساه...اخرتها مره من المراريرر شغلته على اني برجع اطفيه بعد ساعتين ..
وفجاءه دق على جوال وطلع واحد من اخوياي وقال تعال انا بالمطار احتريك ..وانا من زود الثقه في النفس
والذكاء نسيت وركبت الموتر ورحت مسوي فيها شهم وحق فزعات ..ويوم استقبلت خويي دخلنا في السواليف
واخذت به لفه على البحر ..تعرفون اهل الرياض يوم يجون جده يموتون في شيئن
الكرنيش ..والبيك >> يتمنن عليهم خخخخخخخخخخاااي (كان يموت في الحراق)
المهم اني رجعت للبيت اضن بعد خمسه ساعات واربع دقايق وثلاثين ثانيه
>>> زابط ساعته على توقيت قرنتش
واحصل البيت غرقان في المويه وادخل البيت سباحه ..>> لحد يعلم مصلحة المياة
ولاحضو شئ ..اتوقع ان العزوبيه كلهم متعودين على ان يبقى البيت فوضه ويكون ممتلى بانواع القواطي
الببسي والقراطيس ...وانواع اكياس البيك والمسحب وابو زيد وهرفى وكودو >>> يخاف يقول وصخين احد يهفه بكف واكبر مشكله تواجه العزوبي اللي انا عاصرتها القومه الصبح ..مع ان عندي ساعتين خراشتين ينسمع رنينها
من حدود خط الاستوى>>> لحد يدقق ..مربي ارانب من يومه صغير
وكل هذه الاصوات الا انها مافيها نفعه ..سبحان الله ..يوم تدق احسبه مقطع في الحلم ..وياما شكلت على الدوام وعطيته
اشكل بسبت النوم ...( يازين تشويت الوالد لى ..افضل من ساعة بق بن )
-------
وفي الاخير وليس في الاخر >> متعوب عليها
يا اخوان اللي منكم ييتن ينتبه ..ايه والله جـــد...مـــره وانا بجنب الكيبورد ..جيت ابي اطفى السجاره>> يا عيني
ويوم جيت ابى اطفى لقيت الطفايه مليانه مافيها منسم وطفيت سجارتي برغم اني حصلت زحمه في الطفايه ...
قلت مالك الا تدور كيس والا أي شئ ..واروح للمطبخ والاقي سلة مهملات ( وانتو بكرامه)
والاقي جبنها قرطاس فاضي واحط كل اللي في الطفايه في الكيس وانضف الطفايه وافرغ الطفايه في الزباله
( وانتم بكرامه )>> يسمع بالاحترام والتقدير
طبعاً شفتو كيف توني مطفي ...وارجع عند النت واغوص في موضوع كنت ناوي اسدحه بس ماكتمل نصابه
وما كملت خمس دقائق وانا منسجم ادور على حرف الذال ( الله يقطع اللي صنعو الكبيورد
ما يقّدرون انا نتعب واحنا ندوره دايم)>>> مــرضعتة سودانيه
الا واشم ريحه حريق ..قلت يكون ريحة الجهاز عشان له كم يوم شغال >> >والله من الدلاخه
وكملت شغلى ولا همني ....ويوم جتني الريحه بقوة كنها من القلب واقمــز ( اقمرز = نط= طمر =شئ زي كذا )
المهم واتجول داخل البيت وماد خشمي( انـــفي) تقول اني شفاط نمل واشم انواع روائح الحريق ولادرى وش السالفه ..حسيت وقتها اني
في حوسه وبغيت ادق على المطافي بس خفت يدلون بيتنا وياخذون عليه
قلت مالك الا هيفا >> داخله في الموضوع بالغلط عــدوها
المهم بعد البحث والتحرى وشوف ذاك الدخان اللي نابع من المطبخ ومسوي ضباب ..وفي سلة المهملات
وانواع النيران شابه فيها واخذ السله وانطلها ( = اذبها = اجدعها = حذفها = رماها) في مغسلة
المواعين (الصحون) وولـــعة المويه >>>>>> قوية ولعة المويه ...اقصد شغلت المويه
ولا قعدت شوي انظف الا وجارنا يطق الباب ..فتحت له ،.
قال : فيه ريحة واصله اخر الشارع ..عسى مهيب من بيتكم ؟
قلت: لا من قال ولا ريحه ولاشئ
قال: اشوى خفت يكون عشان اهلك مهوب هنا مسافرين وانت طلعت من البيت وصار التماس والا شئ
قلت: لا الحمد لله كل شئ في البيت سليم ولا فيه شئ ...يكون الريحه جايه من العمارة اللى ساكنين
فيها هنود في الشارع الثاني !!
قال: ان شاء الله ..وراح !
شفتو يا اخوان كيف ؟؟ جمره صغنونه بغت تخلى البيت رماد ....وكيف هالتتن اللى احنا نمصمصه كل يوم
يعي مثلاً لوقلنا : 20 سقاره باليوم (بكت) ...فاضرب 20X 1 >>> يسمع بالحساب شفتو وشلون صدوركم تصير ..وفيه مثل بيقول لا تلعب
بالنار تروح وطي >> بالقوة طلع معه المثل
الله يعافينا ولا يبتليكم ولا يبتلي مسلم ....وانتبهو لحالكم واحسنو الضن في عزوبيتكم ولا تخبقو ولا تسكنو تحت مطعم ..
فياكثر اللى مرميين في السجون ..عفواً اقصد المستشفيات من كثر التسمم >>> خايف على بعض الناس
خـــــــــــــلاص فضفضت وارتحت !
ملاحظه:
الموضوع حسيت انه يناسب القسم العام لما يحمله من معانات اخوننا العزوبيـــــــــــــــه
ولوجود به بعض العبر ولكى يتوخى الحذر من اصيب بداء العزوبيه ...لا وبعــــــــــــــــد
فيه نصيحه لاخوننا المدخنين ترك التدخين حتى لايصاب المنتدى باذا ..............ونناشد
المسؤالين عن المنتدى بتامين طفاية حريق في جميع الاقسام >> من مناهضين التدخين
مواقع النشر (المفضلة)