:12: :f166: :9:
§¤°~®~°¤§ عيرتني بالبدو بنت الحضاره§¤°~®~°¤§
عـام الأول ولّـعت بالقلب غيره
............مـن سبايب ناقصه عز وطهــاره
عـيّرتني لا وتـحسبها معيره
...........عـيّرتني بـالبدو بنت الحــضاره
مـا بغيت أسل سيفي من جفيره
...........لـين جـتني ثـم قالت هالعباره
قالت إن أبوك بالصحراء مصيره
...........راعـي ٍ للضين في عز الحراره
والله إن الصمت عن قولك كبيره
...........لـكن إن الـذم في مثلك خساره
مـن يعيب الناس وعيوبه كثيره
..........غير شخص ٍ ما خذ الغيبه تجاره
بـرفع الـبيضا لبوي ابكل ديره
..........وألـطم أوجـيه الخيابا والقذاره
اجـودي ٍ سـنّة الـهادي مسيره
..........قـايم ٍ بـالليل صـايم في نهاره
ما ثناه القيض عن واجب قصيره
..........مـا يـمدّ إلا الجزيله من خياره
مـستشار وصادق ٍ من يستشيره
...........واثـق الخطوه وواثق من قراره
الـزيازيم الـخضارم له عشيره
...........كـاسبين المدح في فعل الشطاره
ذايعين الصيت في شبه الجزيره
...........بـالكرم والطيب ما هو بالطراره
الاخـيره دايـم ٍ تـبقى أخيره
...........بالحضيض أنتي وحنا بالصداره
مـن بلاد الترك جيتي يا صغيره
...........والـلبيب الـحر تـكفيه الإشاره
والـمعيره كـان قصدك بالمعيره
.......... من عيونه ما غفت عن عار جاره
والـمعيره كـان قصدك بالمعيره
..........مـن بـلغ خمسين ويجرّ الزقاره
مواقع النشر (المفضلة)