بسم الله الرحمن الرحيم..
بسم الله الرحمن الرحيم
في صباح اليوم 7/6/2010 اصدرت المحكمه الجزائيه في البحرين حكم في سجن اربع من رجال أمن احد الفنادق ومدير ملهى ليلي بالسجن 6 أشهر
وتغريم الفندق بملغ مليون دولار وإعطاء الفندق انذار بعدم تكرار ما حدث واستدعاء صاحب الفندق والتحقيق معه .
غريبه تسمعون عن فندق يقفلل ويدفع غرامه وينسجوا موظفينه
اخليكم مع القصه
في السبت الموافق 5/6/2010 تم الأعتداء على المواطن م ش ص من قبل رجال أمن الفندق بعد مشاده كلاميه حصلت بين المواطن ومدير الملهى بعد اجباره على دفع قيمه الفاتوره 350 دينار 3500 ريال وتم ضربه واستدعاء الشرطه وبعد رفض الشرطه اخذه وطلب الإسعاف له
يروي احد اصدقائه الذين كانو معه بأن رجال الأمن والشرطه يضحكون ويقولون
(( اهم شي دفعتوه هذا سكران وطاح من الدرج ))
وقال له ترى اذا ما وخرت عن وجهي ابسجنك معاه اذا طلع من المستشفى
ذهب فهد صالح الى ضابط الشرطه وقال ان رجال الأمن هم الذين اعتدو عليه
طبعآ نجيبلكم الزبده من الآخر المواطن كان لابس ثوب سعودي وشماغ السعودي ورجال امن الفندق يحسبون ان جنسيته سعودي
طلع من اصل سعودي وحامل الجنسيه الأمريكيه
اول ما صحى اخذ تقرير طبي وطلب من الشرطه استدعاء ممثل السفاره الأمريكيه
طبعا الشرطه خافت أمريكي ويعتدى عليه قامو يماطلون ويبتسمون له ويقولون له مالها داعي
ندخل السفاره كل الأمر انت كنت سكران وحنا عرفنا الحقيقه وراح نجيبلك فلوسك
وارسلت الشرطه تقرير الى الفندق وتم استدعاء الضابط الي كان موجود في المشكله
ورد الفندق
((نحسبه سعوووووودي ))
ورد الضابط
((نحسبه سعوووووودي ))
شي يقهر صح يحسبونه حيوان قصدي سعودي
بعد الظهر باب الغرفه اللى في المستشفى يطرق
ممثل السفاره مع ضابط السفاره الأمريكيه
يدخلون ويطلبون من مدير المستشفى تقرير
كامل على الأعتداء على كرامة مواطن امريكي
وبعد العصر من يوم الأحد
!
1- استدعاء مدير شرطة المنامه
2_ استدعاء صاحب الفندق **** طبعآ شيخ من الخليفه
3- ارسال دعوه قضائيه للمحكمه دعوه مستعجله (للعلم كانت المحكمه مقفله وفتحت)
4- التحقيق مع كل من كان مناوب في الفندق من مدير الى عامل نظافه وسجن جميع رجال الأمن وضابط الشرطه ومرافقيه
اسمعو زين يبون يهدون ممثل السفاره الأمريكيه
وقالو له
هههههههههههههههههههه
((نحسبه سعوووووودي ))
وبعدها
تم اصدار الحكم وتم تعويض المتضرر من اصل سعودي
بمليون ريال وسجن اربعه من المعتدين عليه
واخذ تعهدات من قبل مدير الشرطه
ومن قبل الفندق
بعدم التكرار الفعله مع مواطنين امريكان
المصدر
http://www.usembass y.gov.bh/
نسخه لوزير الخارجيه السعودي
نسخه لسفراء السعوديه بالخارج
نسخه للشعب السعوديه
((نحسبه سعوووووودي ))
هذا اللي فوق ايميل وصلني من ضمن عشرات الايميلات اللي توصلني عن نفس الموضوع للاسف
بغض النظر عن مصداقية القصة من عدمها..
لكن مايخفينا ان ثلاث ارباع الشباب السعودي كل اسبوعين وهو ناط للبحرين .. واذا سالته ليش قالك العذر الوحيد والموحد لكل شاب على جسر الملك فهد (ابتفرج عالسينما)im3
كنه عجزان يشتري له بـ 20 ريال سي دي وعلبة بيبسي ويتسدح بالمجلس قدام الديفيدي!!
عذر اقبح من ذنب
ليه نوصل لهالمرحلة؟
صرنا بجميع الدول العربية محط سخرية واستغلال وصرنا صيدة ينتظرونها بالصيف ..
متى نروح لمصر والا البحرين والا المغرب عشان كلن ياخذ نصيبه من الغنيمة..
لا يخلو اليوتيوب من المواقف المحرجة للسعوديين في كل بلد..
صرنا عالميين..
وش تسوى بالله اروح للبحرين عشان اشرب لي كم كاس الله يكفينا الشر وابدا اهذر بحكي ماعرف وشو ولو احد قال لي افصخ ملابسك افصخها وانا ماعرف وين ربي حاطني فيه!!
ويشلحوني وياخذون اللي وراي واللي قدامي وارجع وانا مامعي حق البنزين؟!
والله شي يقهر ويغيظ القلب :(
حتى الهنود بالبحرين صاروا مستقلين فينا
http://www.youtube.com/watch?v=MDmAZ3A4sUw
ابذكر كم موقف حصل لي بمصر بما اني ماقد زرت البحرين ولله الحمد..
رحت لمصر قبل سنتين .. انوااااع الاستغلال ..
يحسبوننا بقر؟ مانفهم ان علبة الموية بـ 2جنيه والا 3 والا 4
يطق لك اياها بعشرة جنيه وعلبة البيبسي بـ 15 عشانك بس سعودي!!
صراحة ما الومهم.. دام شافوا نا هبل للاسف اول مايقوله المبلغ يطلع البوك ويحط الـ 500 بعينه..
مهب رجولة ولاهي طقة صدر زود الفلوس ابد..
علمتوا الناس تستغلنا وتشوف ان حنا صيدة ثمينة..
نص الشعب المصري شعب امي.. ويضحك على الرجال بكلمتيين ويطلع له بـ 50 جنيه
عشانه قال له نورت مصر ياباشا
احد المواقف اللي شفتها في مصر بالاهرامات..
كان فيه رجل وزوجته الظاهر انهم توهم معرسين سعوديين الجنسية..
ركبوا الحنطور بـ 200 جنيه ووالله ثم والله اني ماخذته بـ 60 جنيه شوفوا فرق السعر..
المهم انه جاني واحد زي المرشد السياحي قلت له شكرا ماحتاجك..
قام راح لهالعروسين.. وركب معهم..
ولمن رجعت لمواقف الحناطير اسمع المصري المرشد يشرشح ابو السعودي وخلاه مايسوى شي..
عشان السعودي عطا المرشد 100 ريال سعودي
قام يقوله انت سعودي وبتديني 100 بس؟
قاله كم تبي طيب؟
قاله 500
فتح البوك وطلع 500 ريال؟
قسم بالله انغبنت
اعطي واحد 500 عشان يقول لي ذ1 ابو الهول وذا خوفو وذا خفرع؟!
موقف اخر حدث معي شخصاً..
كنا في منطقة اسمها المقطم في القاهرة..
منطقة مرتفعه مثل الجبل عليه جلسات ..
(كانت الطلعه على حسابي)
جلسنا على طاولة وطلبنا مشاريب بس..
ولما جينا بنسري طلبنا الفاتورة وانا دق جوالي قمت ارد رجع القرسون اعطى الفاتورة لامي امي شافت السعر 120 تقريباً
المهم عطت الفاتورة للقرسون واشرت علي قالت له روح هي راح تعطيك الحساب..
جاني القرسون وسمعني اتكلم سعودي بالجوال..
قام غير اتجاهه وراح ورجع بعد شوي وعطاني الفاتورة 220
انا ارتعت لاننا 5 اشخاص وبس مشاريب
رحت لامي قالت لي توها كانت 120
يا اني ردحت له ردح .. والله طلعت الاولي والتالي
وبقوة عين يقول الاسعار للعرب(يقصد الخليجيين) تختلف عن المصريين
......
حتى دخول الحمامات صار برسوم للسعوديات
....
لا وقوة العين اني مرة كنت بالمطار وفتش شنطة يدي ملازم ولارضى يعطيني اياها .. يقول لي طيب انا اعطيكي هيا وانتي وش هتعطيني؟!
حتى الجواز مارضى يختمه يبيني اعطيه فلوس؟!
انا ماروح مصر وارجع الا وكلي هواشات وملاعن معاهم
وصلت لمرحلة صرت اكره اشوف سعودي في غير السعودية..
هذا غيض من فيض..
واذكركم اني ذكرت البعض وليس الكل..
وعسى ان الله يكفينا شر انفسنا :25ar:
مربعات الحوار لكم
:25ar:
مواقع النشر (المفضلة)