نعم للابداع لا للنقل

**خبله بس صاحيه** · 19-12-2005, 09:28 AM

--------------------------------------------------------------------------------

بسم الله الرحمن الرحيم

كيف حالكم جميعا

اخواني اخواتي ... فيه سالفة ودي اطرحها من زمان.... اللي هي سالفة المواضيع المنقولة....

الى متى وحنا ننقل مواضيع ... الى متى مانكتب؟؟!

" يجي احد الأعضاء ينسخ موضوع من احد المنتديات ويرصع به هنا ... لا ومن زين الطبايع يكتب بأخره منقول "

طيب وش استفدت انا ؟ وش استفاد القارئ ؟ ... اكثر ماكثر الله المنتديات لو بغيت قريت الموضوع من مصدرة وافتكيت

ليش مانجرب الكتابة؟ ... ليش مانبدّع من عندنا؟

اقل شي اكتب سالفة حقيقية صارت لك او لأي احد وبهرها شوي .. والا تدري مهوب لازم تبهرها جبها ساده ... حتى لو انها ماصلة .... والله ان الجميع يشوفها احسن بمليون مرة من المواضيع المنقولة

افقش !!

جرب الفقش ... والله العظيم اني اعرف ناس هنا دكاترة بالفقش ... لا والفقشة ماتعوق معه ...

اقرا مواضيع وحاول الإستفادة منها ..

اقرا لك ثلاث مواضيع مهسترة بس .... جرب الكتابة .... بتلقا نفسك تغيرت عن اول .... بتلقا معك مفردات خبلة تخليك تكتب قصة بمية سطر

لا تخاف...

ارصع موضوعك هنا ولا عليك من احد .... ان كان موضوعك ماصل المرة الجاية بيتحسن 100%

............................

اتمنى تستفيدون اخواني من هالنقاط

مع العلم اني ما امنع المواضيع المنقولة لكن ودي انها ماتكثر ... ودي تجربون الكتابة بس

لكم الف تحية اخواني

**الـوقـت** · 19-12-2005, 09:35 AM

[align=center]
سيدتي الراقيه .. ~
سطورك غنيّه بالذهب والألماس .. فكر رائع .. وأتفق معكِ فيما قلته ..
وسأقوم بإدراج موضوع حول الكتآبه .. ليستفيد منه البعض ..

همسه
لم تبخلي علينا بالنصيحه .. عطاء دون سخاء

أضيف "
أعزائي يجب علينا أيضاً التركيز في الردود ..
فإلى متى ونحن نقول فقط " مشكور .. ربي يعطيك العافيه "
يجب أن يكون الرد رائع ورآقي ..

أرق التحايا,,[/align]

**فهد الفهد** · 19-12-2005, 09:36 AM

صباح الخير

اختي

المقهوره اليوم على الصباح

شكرآ لحماسك القوي

ولكن هذا حال المنتديات وبكل صراحه وانا اتحداك اذا مكان عندك مواضيع

منقوله

ولكن اقول الله يحفظنا جميعآ من العين

ثانيآ مشاء الله على ترتيبك للكلام

واسلوبك المبدع

في اختيار المقنع للعقل

اقل شي اكتب سالفة حقيقية صارت لك او لأي احد وبهرها شوي .. والا تدري مهوب لازم تبهرها جبها ساده ... حتى لو انها ماصلة .... والله ان الجميع يشوفها احسن بمليون مرة من المواضيع المنقولة

وتسلمين ياكل الذوق

فهد

**خبله بس صاحيه** · 19-12-2005, 09:45 AM

صباح الخير لكم جميعا

الوقت
مشكور على مرورك بس وش انسوي ماعندنا الا هذه الردود

فهد الفهد

صباح النور مشكور على مرورك انا مارح اقول اني ماجبت ابدا انا جبت كم موضوع.

تراني كاتبه فقش يعني جب اي شي من عندك.

**مـــــــQTRــــزيونه** · 19-12-2005, 09:57 AM

برايي انا المنقول ممكن يكون موضوع هادف وله قيمه ويمكن نستفيدمنه في حياتنا ...

وماااعتقد كل الناس له قدرة انها تكتب مواضيع ممكن فيه ناس قله تعرف

ومشكورة اختي على هالموضوع..