مــــلك جمـــال شبــاب الزيــن. . . !!
مسـاء القرنفــل
المقدمــه ):
مجــلس شباب الزيــن .
أهدافــه ):
كل ما يخص الشباب من مواضيــع واهتمامات ومشكـلآت تتعلق بحياتهم اليوميه .
^
هم يقولون كذا
نبــذه عنـــه ):
مواضيع مخلوطــه ( هشك بشك ) .
زوراه ومتابعيه ):
أكثرهـــم الجنــس اللطيـــــف
/
أما بعــد
أحبآبي في منتدى الزين الكرآم :
تحية خآصه بعبير الورد وأنتصار الشراح
نظراً لإستهلآك الافكار والدجه بالاساليب والتشتت بالردود وبسبب الفرآغ الي يقروش
صرنآ نكتب الي ينكتب والي مال أمه داعي
ندور حرش ولا شي نتسلى به ولا نطقطق عليــه ولا يبندنا
ومن هذا المنطلق أصيب الزوار بالممل ويدأ الاعضاء النشيطين بالتوآجد بتنزيل مواضيع تحت بنــــد ( ماحدش أزين من حد )
والدليل حتى أنا بموضوعي هذا ماعندي سالفه لـكن ندور سالفه لو بخرم الإبره وخرم الإبره مساحه ضيقه مايلعب بهآ إلا الي لهم خبره
ولأني بصراحه اخذت جوله إستكشافيه على مواضيع القسم وشفت إن كل موضوع فيهآ يبي له قسم لحاله
لأن ماله علاقه لا بالشباب ولا بالرياضه ولا بأي قسم بالزين
أقرب مالهآ بكل مصداقيه وامانه لا متناهيه سوالف ط ف ش ا ن ي ن
والطفشآن إذا نزل موضوع خصوصاً إذا كآن ماوراه ولا قدآمه يصير بحاله هستيريه أقرب مالهآ ا ل ت ح ش ي ش
والتحشيش أنواع
وفي نوع جديد من دون لا تستخدم أي شي بس من الطفش يصير فيك خصوصاً إذا كنت راعي منتديات ودايم راز وجهك فيها
فنصيحه لوجه الله إنتبهوا من ذا النوع لأنه بدأ يجتآح الشبكه العنكبوتيه وكلي أمل من الله إنه يبعده عني وعنكـم التحشيش بكل أنوآعه
وإذا ودكم تشوفون سيروا ع نت لوق ولا فيس بوك ولا ٌإقروا الردود الي بالمنتديآت
والله إن تحس إنك بجيل غطى ع جيل النيدو الي الغالبيه العظمى منهم
طبعاً إذا تبي تفرق بين جيل النيدو والأجيال الي قبلــه
لآزم يكون عندك أحد يقرب لك سآكن بحي النسيم .
الزبـــده ):
الحيـــــــن ليش أكثر الجنس اللطيــــف دائماً وابداً نحصلهم يتوآجدون بقسم الشبآب إما منزلات موضوع ولا رازات خششهم بالردود !
يعني لدرجه هذي صارت حواء تكره أختهآ ولا ودها تشارك معهآ .. حتى وإن كآنت كذا ترووح تسنتر مع الشبآب وتخون أنوثتهآ !!
والله بديت أشك إن بيجي يوم ونشوف بنآت تآكيآت قدآم البقآله ومعها كم شنب يحترون الواد يمر ولا يدورون اي أحد يفتح فمه ولا يمر مرتين متتاليتين
بعدين ماتلآحظون إن البنآت صاروا عيني عينــك يتغزلوون بالمشاهير والنآس المعروفين
قسم إنك تحس أحياناً إنك مو بالسعوديه في بروناي ولا جزر المالديف .
وإذا جآها ولد من المنتدى ولا حولهآ قالت له عيب ولآ حرآم ولا أنا ماأضيف شبآب ورجاءاً لا تزعجني وهل ترضى أو ترضى .. إلـخ
الحين إنتِ تغزلين قدآمه بمشهوور وبينك وبينه إنتِ الخلوقـه
يعني هو رجال حرآم والمشهور يجوز إنك تتغنين فيه وتلبينه كل أبو شوي وتفدينه بخشتك
إسمحيلي وإعذريني يابنت حواء وإطلعي من مخي
صدق إنك عزيزه لكن مايمنع إنك لعآبه من طرآز نآدر
غطيتوا علينا يالشباب بالكذب والنصب والألآعيب والغزل الفاحش والحيل < ماخوذه من الحيله .
/
نرجع لمحور حديثنآ وهو إقترآحين إلى إدارة المنتدى أتمنى تبادر فيه حتى نرى المنتديات الثانيه يسيروا ع نهجهم بالقرار):
وهو يادمج قسم الشباب مع البنآت ونخلي الدرعى ترعى
ولا يصير قسم الشباب والمشاركه فقط للبنآت < امنيه تتمناها الفتاه الإنترنتيه والله أعلم
اخيراً ):
ماذا يستفآد من الموضوع :
1- منع البنات من المشاركه بقسم الشباب .
2- خلط الأقسام مع بعضهآ .
3- منع الرسائل الخاصه.
4- تغير لون الزين إلى لون غير الوردي .
5- إن البنآت يثقلوون .
6- إن الشبآب يسنترون بقسم حواء.
7- حذف الاعضاء النشيطين .
9- تغيير عناوين المواضيع .
8- إغلاق منتدى الزين.
أتمنى من الجميع إختيار إجابه واحده صحيحه.
وحتى موضوع آخر تقبلوا تحيآتي .
دمتم بحفظ الله .
المشاركة الأصلية كتبت بواسطة زمن الصمت
مواقع النشر (المفضلة)