الطعون الأليمه
ياصاحبي صحبتك ذكرى قديمه
غير معالمها الزمن والليالي
ماعاد لك في القلب قدر وقيمه
حتى صورك أبعدتها من خيالي
صدقت فيَ أهل الحسد والنميمه
وأرخصتني من بعد ماكنت غالي
كنت أفتكر نيتك نية سليمه
ماكنت أظن إنك بترضى ببدالي
غيرت مفهوم الصداقه العظيمه
من بعد كانت مضرب للمثالي
عرفتني معنى الطعون الاليمه
من السيوف المرهفات الصقالي
من سبتك صارت جروحي سقيمه
والدمع من عيني على الخد سالي
أنت السبب في ذي النهايه الوخيمه
وانا أبتعدت وشيمتي راس مالي
مواقع النشر (المفضلة)