بسم الله الرحمن الرحيم

اهلين بسراحه اسم الطبق غريب لكن اخذت طريقته من ابلتي بالمدرسه و بسراحه سويته و ما ندمت اني سويته لذيذ ححيل حتى امي مدحتني وقالت ما شاء الله اول مره تطبخين شيء و من اول تجربه يطلع حلو ههه لان بالعاده التجربة الاولى تكون فاشله

مكوناته بسيطه جداً جدا وهيه اثنين بس
1- حليب مكثف محلى <موجود بكل بيت و اذا ما عندكم تلقونه بالجمعيات و الفروع الصغيره
2- قطع جووز هند الي صاير نفس البودر ايضاً اذا مو عندكم موجود بالجمعيات و الفروع الصغيره
المكونات سهله و اذا يالج ضيف فجأه و ما عندج شيء تقدمينه سوي له هذا الحلو
و الطريقه بسيطه
اخذ الحليب المكثف و حطيه بصحن و اخذ جوز الهند و انثريه فوقه لكن انثري كميه كبيره عشان ما تصير الطبقه لزجه حيل و اخذي اعجني قلبي العجيبه نفس عجينة اللقميات (قيمات)بالبداية بتكون العجيبه شوي لزجه لكن بعدين بتصير عاديه و اذا كانت لزجه حيل ضيفي عليها زياده جوز هند
و بعدها اخذيها و سويها على شكل دوائر صغيره و حطيها بصينية الفرن (بايركس او اي صينيه)


حطيها بالفرن بس شغلي الفرن من فوق مو تحت حطيها مدة يمكن عشر دقايق لحد ما يصير لونها بني مو فوق بعدها سكري الفرن و حطيها بطبق و بالعافيه ^_^


ادعوو لي اذا عجبكم الطبق :)