هذه قصيدة بعد أن تركها ابنها في (دار العجزة)أو كما يقاااال (دار النسيان )
اترككم مع القصيدة
[align=center] وين أنت يا حمدان أمك تناديك
وراك ما تسمع شكايا وندايا
يا مسندي قلبي على الدوم يطريك
ما غبت عن عيني وطيفك سمايا
هذي ثلاث سنين والعين تبكيك
ماشفت زولك زاير يا ضنايا
تذكر حياتي يوم اشيلك واداريك
والاعبك دايم وتمشي ورايا
ترقدعلى صوتي وحضني يدفيك
ماغيرك أحد ساكن في حشايا
واليا مرضت أسهر بقربك واداريك
ما ذوق طعم النومصبح ومسايا
ياما عطيتك من حناني وبعطيك
تكبروتكبر بالأمل يا منايا
لكن خسارة بعتني اليوم وشفيك
وأخلصت للزوجة وأنا لي شقايا
أنا أدري انها قاسية ما تخليك
قالت عجوزك ما ابيها معايا
خليتني وسط المصحة وأنا أرجيك
هذا جزا المعروف وهذا جزايا
يا ليتني خدامة بين اياديك
من شان أشوفك كل يوم برضايا
مشكور يا ولدي وتشكر مساعيك
وادعي لك الله دايم بالهدايا
حمدان يا حمدان أمك توصيك
أخاف من تلحق تشوف الوصايا
أوصيت دكتور المصحة بيعطيك
رسالتي وأحروفها من بكايا
وان مت لا تبخل علي بدعاويك
واطلب لي الغفران وهذا رجايا
وامطر تراب القبر بدموع عينيك
مــــا عاد ينفع الندم والنعايا [/align]
حسبي الله وحده ونعم الوكيل
هذي أول مشاركة لي بالمنتدى لاتبخلوا علي بردودكم
:tongue:
مواقع النشر (المفضلة)