][اخر زمن صار القهر فيـه عـادي][
اخر زمن صار القهر فيـه عـادي
وتعودت نفسي على الضيم والجور
ان رحت ولا جيت مالـي منـادي
اصبحت كني شخص ميت ومقهور
حتى الصديق اللي عطيتـه ودادي
بيني وبينه كوٌن حجـاب مستـور
جلست اعد النجـم والليـل هـادي
يانجم لو تدري وش بداخل الـزور
يا نجم انا ماني عن الدرب غـادي
لكن بدورات الزمن صرت مجبـور
تسهر عيوني ماتـذوق الهجـادي
والصدر من كثر الهواجيس محشور
والدمع من عيني غدى شي عادي
والفكر في كثر التفاكيـر مسحـور
شفت العناء شفت الوزى والنكادي
وصبحت بدنيا مع الهـم مسـرور
سنـت مـع وادي وفيضـت وادي
ولقيتهن كل مـن السيـل محفـور
احـدن يعيـش بدنيتـه بسعـادي
واحدًيقضي عمر دنيـاه محسـور
والله هو اللـي للمخاليـق هـادي
أحد مع اهل الحق واحدًمع الـزور
أحد اتعض من قوم لـوط وعـادي
وأحد غفل عنهاولاطاع بـا لشـور
واحـد تجاهلهـا وخذهـا عنـادي
مايحسب انه عقب مايموت منشور
واحد سجد طاعـه لـرب العبـادي
وامـن بربٍكـون رمـال وبحـور
لاكن عسى الله لي يحقق مـرادي
في جنة الفردوس نسكن مع الحور
وارتاح من ضيم الدهر والمعـادي
واصير من عقب التعاسات مسرور
رد مع اقتباس
مواقع النشر (المفضلة)