][ مـــن بـــــاب المــيانــة ..!!!! ][

[بحر الزين]

السلام عليكم ورحمة الله وبركاته

يالله تحييكم كلن باسمه..

اليوم نقلتلكم موضوع من واقع الحياة..

ماأطول عليكم..

الموضوع بإختصار ((( الإستئذان )))

ليش أصبح الإستئذان يشكل عبء على بعض الأشخاص؟؟

نفرض ::

إن جاك واحد مهما كانت علاقته معك أخ قريب صديق ...إلخ

ولطش جوالك من قدامك وأخذ يقلب فيه طبعاً وش العذر

إنه ( يبي يشوف وش الجديد عندك من مقاطع أصوات فيديو صور أي شي )...

وتوصل الجرأة في البعض قراءة رسائلك الخاصة من غير الواردة طبعاً

أكيد كل أحد عنده رسائل من شخص يعزه أو يحبه ومايبي أحد يطلع عليها..

لو مهي خاصة مااحتفظنا فيها بمجلد خاص..

سواء من الزوج أو الزوجة أو من صديق مقرب أو صديقة مقربة..

والبعض يقول لا انا أمون عليك مابيننا إستئذان وخرابيط..

يعني الحين صار الإستئذان خرابيط..

والله بهالزمن مانستغرب أي شي..

ولا من زود الميانة مايبي يستأذن ..

طيب مهما كان هذي خصوصيات..

أنا أستغرب من البعض توصل فيهم الجرأة

بإستخدام جوالك للإتصال منه أو إرسال رسالة

من غير مايطلب منك أو يستأذن منك..

وتتفاجأ بعد ماترجع جايك رقم غريب وترد ويقولك من اتصل علي

طبعاً انت متأكد إنك ماإتصلت ومافيه أحد طلب منك يستخدم جوالك

وهو يقولك جاني اتصال من هذا الرقم الساعة الفلانية ,,

أها ألحين إفهمها إن اللي كان ماسك جوالك متصل من غير مايقولك

أو حتى يكلف نفسه يستأذن منك...

والله لو إستأذن منك أكيد ماراح ترفض أو تقصر معه ..

ولكن مايحطك بموقف محرج مع أحد ثاني..

وإلا إذا كلف خاطره وإستأذن كيف تكون طريقة إستئذانه؟

أنت قاعد مع أخوياك وطلعت عندك شغلة بسيطة ورجعت

لقيت جوالك مع واحد منهم وإذا شافك قال عن إذنك جوالك معي..

ياسلام ماقصر والله تعب نفسه وإستأذن..

طيب خلاص أنت أخذته ولا إستأذنت..

ولو تناقشت في موضوع الإستئذان مع البعض..

يقولون ليش نستأذن عشان يصرفنا..

طيب ياناس الرسول صلى الله عليه وسلم ,,أمرنا بالإستئذان

أصبح مفهوم الإستئذان لديهم مرتبط بالتصريف زي مايقولون..

أو نفرض ::

جوك ناس يزورونك يعني مقربين منك ولاتبي تكلم أحد غريب..

وينط لك واحد من الجيران أو الأقارب وماتدرون إلا وهو طاب عليكم..

طيب إستأذن أول ..

يمكن عندكم موضوع خاص أو مشكلة أو أي شي..

بالله وش تسوي باهالغثيث الله يهديه ..

ماأبي أطول عليكم أكثر

وأبي رأيكم في الموضوع

ومناقشة هذه المشكلة..

وهل من الممكن أن يتمادى هذا الوضع إلى أكثر من ذلك؟؟

واللي عنده مواقف صارت له أو صارت لأحد يعرفه يحطها لنا..

أتمنى أن ينال موضوعي إستحسانكم...

تقبلوا ودي وتقديري$222$222

دمتم بالف خير

[[ Shaki - Zmanh ]]

[align=center]..

وعليكم السلآم ورحمة الله وبركـآته $222

الله يحييكـ، إختي

..

فعلآ هالشي حـآصل بكثره

فيه أشخـآص ماخذين هالشي حب إستطلآع وهوآيه

يعني مايسـتـآذن ولا يعيركـ، أي إهتمـآم ابد

والمفروض إنه يستأذن على أقل تقدير

والحل في هالحاله مالك الا البرآمج اللي تخفي الملفـآت

على الأقل تخفي الملفـآت الخـآصه

..

طرح رآئع إختي بحر الزين $222

يعطيك ألف عـآفيه

.[/align]

[غموض الليل]

وعليكم السلام ورحمة الله وبركاته


بمجرد أني قرأة الموضوع انرفع ضغطي

بكل صراحه مثل كذا مواقف تقهر وتزعج

حتى لو كانت صديقتي تبي تاخذ جوالي << وهي تمون

على الاقل الاستئذان من باب الذووووووق

وانا ماحب أحد يتطفل

سواء بجوالي

أو اي شي من أغراضي

وخاصه من يفتحك شنطتك انا متعقده من هل السالفه

يعني ايش المقصد انك تفتح شنطتي وتشوف ايش فيها..!!

أنا حتى الاطفال اذا شفت أحد يبعثر في أغراضي هاوشته

حتى لو كان مافي شي بس مااحب احد يحووووس بأغراضي


صراحه أنا أشك في ناس أنهم نسو كيف يستأذنون

وهل الناس صعب تصريفهم ..



بحر الزين

موضوعك حلووو

مشكوره أختي على الطرح

[حنـوُن بجنـونْ]

[align=center]بـحـر الـزيـن

نورتِ القسم بطرحكِ الراقي

وإللي يفرض عليّ أشارك رغم إني ما أعطي أي غثيث فرصة ليرفع ضغطي

واسمحي لي أشارك ولو بشيء بسيط

،

مهما كانت الميانة مع أي شخص

لا بد من وجود الخطوط الحمراء

والغثيث حمل ثقيل على أي شخص يعطيه وجه

لذلك أنا أفضل إني ما أتعامل مع أي أحد يحمل هذي الصفة

لكن بعضهم فيهم سذاجة وهو بحاجة للنصح أكثر من التطنيش

وأتوقع لو كل واحد كلف نفسه بنصح الغثيث وتوجيهه

أشوف إنه بـ يتغير مع الوقت

أما إذا ترك على ما هو عليه أتوقع راح يزيد وما بيفرق بين أحد سواءاً يعرفه أو لا

،

أتمنى تكون مشاركة خفيفة

وهي مجرد رأي شخصي بناءاً على ثقافتي المحدودة

ومنكم نستفيد $222[/align]

[¶ بــآريــس ¶™]

وعليكم السلام والرحمة ,,

انا قليل ما يكون معي الجوال ..

لكن حدثت أشياء مثل كذا ..

حتى اذكر قبل شهر واحد قال ورني بشوف جهازك اعجبني !

عطيته واشوفة يضغط ويبي يدخل الرسايل

قلت له خير إن شاء الله !!

قال امون ! قلت تمون استهبل معي بس لا تدخل في شي ماله دخل بالميانه

بس بالعادة اكون حاسب حسابي

لأن كنت حاط الجوال في الشاحن شوي واحد يقول لي باريس كم رقم الحماية ؟!!

قلت له 999 !!

قال جد والله

قلت لو ابي احد يشوف الجوال ما حطيت رقم سري

بس من جد فيها احراج على انها من خصوصياتي

بس لو تمادت الأحداث طنشته وانهيت الموضوع

....................

بس فيه العدم استأذان لما بيجي البيت ذي احسها مالها داعي بقووووة

يعني ما يدري انا نايم .. طالع .. عندي مشوار .. عازم احد فالبيت عزيمة خاصة !!


الحين البعيد صار قريب مجرد اتصال كأنه جنبك اللي تسولف معه ..


فيه واحد كنت معه

وكان بيمر واحد يبي منه شي بس ما اتفقوا على موعد

قلت له دق عليه !

قال ما يرد بروح له البيت واطق عليه !

طيب إذا ما رد على جواله معناها مو فاضي ,,


نعلم من حنى !!

انا اشوف الأحداث ذي كل مالها تخف شوي ..

إلى أن تندفن إن شاء الله ..


شكراً بحر الزين $222