مشــــــــكله العــــراق
[align=center]--------------------------------------------------------------------------------
السلام عليكم ............
شباب هذا الموضوع عن التفرقه الي تصير بالعراق اتمنى اكون ما اجرح احد بكلامي
بسم الله الرحمن الرحيم
مثل ما تشفون الوضع الحالي و قنوات التلفزيون كلها تتكلم عن حرب طائفيه بالعراق شنو واجب العراقين بهاي الحاله و اتوقع الكل تعرف اذا صارت هاي الحرب الله لا يكولها شنو مساوؤها ليش هيج احنا وصلنا غيرتنا و غيره العراقي المعروفه كدام كل العالم وين راحت الحقيقه انو هذي الغيره موجوده بداخل كل شخص عراقي بس مضمومه جوا جوا كلبه و الي مغطيها غيرته الطائفيه الي هوايه حالو يزرعوها داخل العراقين و اتوقع نحجوا يمكن لو نكعد عشر دقايق نفكر انو احنا جربنا التفرقه و جربنا الطائفيه بس ما جربنا الوحده خلي نجربها و نذكر ايامنا احنا العراقين الي وكفنا سويه طول عمرنا و عشنا بهذا البلد طول عمرنا ابسط شي احنا نذكر تحرير الفاو اتوقع هيه مدينه شيعيه عمر السني و ما كال هاي مدينه شيعيه معلينا بيها اذا صار باي جزء بالعراق العراقين كلهم يحسوون بهذا الجزء و الم من عنده احنا نعيش سويه و ناكل سويه و نشرب من مينا دجله و الفرات سويه ما اتوقع اجا النهر سني و لو شيعي و لا اجتي النخله مفرقه لاي طائفه لان النخله عراقيه وين راحت غيرتنا و خلينا اعدائنا و اعداء العراق يزرعون هاي الفكره ببالنا ليش ما نشوف العالم انو احنا واحد شخص واحد نشرب المي نفسه و نتفس الهو نفسه و نكعد سويه على نفس الكاع و نشجع العراقي وين ما جان و باي مكان و نفرح من نشوف عراقي عالي بالمراتب العالميه صحيح بغداد خلصت من نظام ظالم ودخلت بنظام اظلم و صارت بغداد تحت نير الاحتلال و نشوف الويلات يوميه بس و الوضع الامني المتئزم حياه العراقي الي هيه كلش صعبه بس حلها بسيط و هيه الوحده و نخلي ايدينا بايد بعض لو نكعد نفكر بمستقبلنا لحظه مرح نلاكي كدامنا طريق غير الوحده بس
اتمنى كل شخص يقرا هذا الموضوع يفكر و لو عشر دقايق اتوقع العراق يستاهل اني نفكر بي و لو عشر دقايق
و يمكن الي يقرا هذا الموضوع رح يكول اني شنو بيدي اني شخص مفرد من ملاين بالعراق اني مرح اغير شي بس لو نبدي بنفسنا و احنا نبدي نوصل هاي الفكره للي نعرفه رح نخرج من هاي المحنه
عسى يوم من اليوم نلاكي صرخه من تحت الرمــــــــــــاد تنادي بالوحده العراقيه
ختامي للموضوع اهدي لكل للام فقدت ابنها و كل زوجه فقدت زوجها و كل طفل و طفله فقدت اهلها و كل عراقي فاضت روحه من اجل العراق دفاعا عن العراق الغالي و كل شخص مات من جراء انفجار لو على ايدي الاحتلال و كل شخص تلقى طلقه و شخصيه اهدته وسام شرف للعراق اهدي للكل شهداء العراق الفاتحه على روحهم الطاهره الي نادت للعراق تحت اي ظرف و اي وضع همه كانووو بي
و اتمنى اكون ما جرحت بموضوعي هذا اي شخص مع احترامي لكل عراقي مهما كان دينه او عرقه او مذهبه او قوميته
اسئلكم الدعاء و الفاتحه على روح كل شهيد عراقي فاضت روحه من اجل العراق .
و عليكم السلام
[/align]
مواقع النشر (المفضلة)