قصيده من الواقع \ دكتور لاراح خلّي وش بقا فينــــــي,,,,
[align=center]
اخواني اخواتي قصيده تحكي واقع , شاعر عندما توفيت زوجته .. القصيده .. للوعــــــ2ـــــــد
أحببت تجديدها . راجيا المولى عز وجل \ ان يكون في عونه .........................
[frame="2 80"](( دكــــتــــــــــــــور ))
دكتور حسبي عليك الوقت يطويني × وقّعت لقــرار خــذ مني وتعطيهــا
دكتور لاراح خلي وش بقى فيني × اعيـش عاله على نفــسي وماضيها
ناظر بحالي وقال ارجـوك تعفيني × حـنا سـبب وادع خالقـهـا يشافـيـهـا
انا دخـيـلـك الــه الكــون سامحنـي × انت الــذي عالم(ن) نفــسي وخافيها
الشيخ سـكر كـتابه ثـم صـافحنــي × قـام ايتحسب عـلى من كـان راعيها
ياشيخ تكفـى ولجـل الله صـارحنـي × باكـر سفـرنا عسـى نلـقــى مداويها
قال اتجـه لــلـكريــم ولا تحلـفـنـي × العـين حــق ودواهــا عـنـد باريهــــا
رجعت اجاهد واصارع كل مافيني × جـلست عنده وروحي الهـم طاويها
نادت علي قلت جنبك يانظر عيني × قـالـت حـبيبـي تعـبتك قـلـت قوليهـا
تبسّمت ومسكـت بيدي توصّـينـي × نـاديـت بالـصـوت ياربـي تخـلـيـها
قلت اسكتي سامحك ربي وسامحني × يام العيال وزهر عمري واراضيها
كنت احسبه حلـم والـواقع يصـحيّني × حـطـيـتـهـا في القبر وش لون اخليهــا
تكفون وسط الكفن معهـا تحطونــي × مـن غـيـرهـا دنيتي ياكـيـف اجـاريهـا
راحـت وحــزني عـلـيـها مايفارقني × لــو اجلـس ابكي سنين العمر ما اوفيها[/frame]
تحيات اخوكم \\\ فاقد حبيب[/align]
رد مع اقتباس
مواقع النشر (المفضلة)