عدوان الهربيد وقصيدة الشيخة
بطل هذه القصة هو الشاعر والفارس عدوان الهربيد السويدي السنجاري الشمري
من قبيلة شمر ، وارتحل بعض جماعته وكان معهم في مكان خصب ولكنه بعيد
عن منازل قبيلته شمر ، ويحيط بهذا المكان الاعداء من كل جانب
فأشار عليهم عدوان بالرجوع حذر الخطر لكن هناك
اثنيين اللي هم اسماعيل وسعيد وكانو من المعارضين لشور عدوان
وقالوا ياعدوان لاتزرب بنا تر كل شاعر زاروبه
اي انك جبنت وخفت حيث انك شاعر وكل شاعر جبان
وزعل عدوان وقال قصيدته اللي تسمى "الشيخه" الي عد فيها اربعين شيخ
ممن يتصفون بالشعر والفروسيه والشجاعه والأماره والشيخه:
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المجلس اللي به اسماعيل وسعيـد=ينعاف لو انه علـى الكبـد غالـي
اسماعيل ماسمته سموت الاجاويـد=وسعيد ماداجـو عليـه الرجـالـي
عيا لك الضمران والفـرس ياسعيـد=متروك ما لحميض الاطعاس والـي
أنـا بـلاي مزهبـيـن البـواريـد=هـل البنـادق ميتميـن العيـالـي
مابين شمطـان اللحـى وألأواليـد=نضت قروم فـوق مثـل السيالـي
مركاضهم ياسعيـد مابـه تصاديـد=ذباحـه الطيـب نهـار القتـالـي
تاتيـك جمعـات ادروبـه مواريـد=تضيمنـا يـا سعيـد بالاحتمـالـى
ياسعيد لاتضرب على حبـة الديـد=بشلفـا تسـل الـروح بالاشتعالـي
بديارفطمان البقـر مرتـع الصيـد=ما عندك اللي عن حوالـك يسالـي
ياسعيد هرجك له مغيـر ومراديـد=توقر من الهرج الرخيص الجمالـي
هرج على اكتاف العـذاري مناقيـد=مايطيـب الصبيـان كـود الفعالـي
عرب جوابك يافتى الجـود ياسعيـد=عن قوله ثـاري سعيـد استزالـي
عميت بالسبـه جميـع القواصيـد=ماقلت بالشعـار طامـن وعالـي
عميـت نمـر والمهـادي وابازيـد=عز الظعن حبس الكميـن الهلالـي
ومشعـان والطياروعقـاب وعبيـد=وعبدالله المصطور ماضي الفعالـي
والعسكري ومصيغ وهديب ورشيـد=وحسن حمـاي الركـاب التوالـي
وجمل وبن حثليـن والفغـم وفهيـد=وعنتر الى ما عـدل الشيـل مالـي
وصعب اليا عدو صطـام الاضاديـد=وسعود ابن سعودراعـي العمالـي
وعرار وعمير هـل الكـود والكيـد=مخلين سروج الخيل أو يـا دوالـي
وحطاب اللي بالصحن ينفض الغيـد=وبريك محـي بالركـاب المسالـي
ورميزان هو والعرفجي ذاك أبو زيد=وساجر مسـوي للذلـول النعالـي
ابن دعيجا اللي كمـا بيتـه الحيـد=وابن سمير اللـي بقـرن الشمالـي
اللـي ركابـه حـادرات مسانيـد=ابـن دعيجا اللـي يفـك التـوالـي
ومسفر ابن غازي ونومان ياسعيد=وجارد املضـي للشخيـل العلالـي
ونايـف دلال مدلـلات المغـاريـد=وفهيد زبـن مجنفـرات المتـالـي
والاشمل اللي مـن منـاه التحاميـد=ومطلق مطبـق بالغديـر الزلالـي
وجديع خيـال السمـان المصاعيـد=مودع مع الدعثـور مثـل الغزالـي
طبع بهم ياسعيـد صـدر وتوريـد=وفهـق وتقليـط وفتـل وعـدالـي
ياسعيـد أنا ثنـواي دون الأجاويـد=هـل الصحـاف ومتعبيـن الدلالـى
عشرين مع عشرين لاأنقص ولا أزيد=وافين من غيـر القصيـد الافعالـي
حتى انت مابك عن ربوعك مقاعيـد=وأنا بعد مثلـك علـى قـد حالـي
صلاة ربي عد مـا هـل مـن عيـد=على شفيع الخلـق عـد السهالـي[/poem]
ولعلنا نلقي الضوء على تراجم المذكورين علما ان الشاعر ذكر نماذج فقط لم يقصد استقصاء جميع من حمل هذه الصفات والا لاحتاج اربعمائه بدل اربعين000
(1)- نمر هو ابن عدوان شاعر وشيخ عشائر عدوان بالبلقاء بالاردن00
(2)- المهادي هو محمد من قحطان وقصته بالجيره مضرب مثل00
(3)- ابوزيد الهلالي ابرز فرسان بني هلال المنحدره من مضر من عدنان وقصصه مشهوره0
(4)-العسكري من العمارات من عنزه فارس مغوار وكريم لايخشى الفقر واندثرت اخباره0
(5)-مصيخ هو ابن فرحان من الرمال من الغفيله من شمر (راعي جبه) واشتهر بالكرم النقي0
(6)-هديب ابن صبيح الهربيد من عشيرة الشاعر شاعر وفارس وكريم0
(7)-رشيد هو رشيد بن نومس شيخ عشيرة النوامسه من عنزه 00
(8)-حسين الذنيب فارس وشاعر من عشيرة الشاعر0
(9)-جمل هو ابن لبده من شيوخ قحطان وكان من مشاهير العرب شعرا وشجاعه0
(10)- ابن حثلين راكان شيخ العجمان وهو معروف للجميع0
(11)- الفغم هو ضيدان الفغم شيخ فخذ ذوي عون من مطير الغطفانيه من عشيرة الصهبه ذاع صيته0
(12)-فهيد هو ابن معبهل الشعلان صاحب نخوا ونجده وشجاعه منقطعة النظير0
(13)-عنتر ابن شداد العبسي معروف صاحب المعلقه الشعريه المشهوره0
(14)- رميزان ابن غشام التميمي من فرسان زمانه وقصصه مشهوره مع اشراف مكه0
(15)-العرفجي هو محمد العلي من البوعليان من العناقر من تميم والذي حكمت عشيرته القصيم 300 عام0
(16)-الذي زيد هو ذياب ابن غانم حطوه عن عشر فرسان ورفض وزايدوه لين حطوه عن خمسين فارس0
(17)-ساجر الرفدي من ابرز فرسان السلقا من عنزه وهو معروف للجميع0
(18)- جديع ابن هذال من شيوخ عنزه المشهورين فارس لايشق له غبار في زمانه0
(19-20)- عرار وعمير من فرسان الضياغم المذحجيه القحطانيه واخبارهم معروفه0
(21-22)-عبيد وعبدالله الرشيد فرسان شمر ونجد وهم اشهر من نار على علم0
(23)-مشعان هو ابن هذال شيخ عنزه قاطبه مشهور بكل طرق المرجله0
(24)- الاشمل هو بنية الجرباء سمي الاشمل لانه يضرب بالشمال (اشدف) ومن قال غير ذلك واهم0
(25)-مطلق هو الجرباء والمعروف لايعرف0
(26)-شايع هو الامسح من فرسان الرمال وشمر بشكل عام وقصته مع ابن عريعر مشهوره0
(27)-جارد ابن رمال من اهل الكرم والجود وفيهم مشيخة الرمال 0
(28)-صعب الصديد من شيوخ شمر وفرسانهم بالعراق ابناء عم للجربان وانشقوا قليلا عنهم بسبب خلاف0
(29)-برجس هو ابن مجلاد من شيوخ الدهامشه من عنزه من مشاهير العرب كرم وفرسه0
(30)-جريس هو اليماني من العجمان وليس الجرباء كما يتوهم البعض وله صيت ذائع بالترفع عن الجارات0
(31)-حاتم هو الطائي معروف0
(32)-حطاب هو ابن سراح من شيوخ الجوف اشتهر بكرمه ويرجعون للخرصه من شمر0
(33)-بريك هو الاسعدي راعي بقعاء اشتهر بالكرم وكان يلقب بيطار الاشعار0
(34)-ابن دعيجاء هو خلف من الشرارات اشتهر بالكرم وقصته مع صفوق الجرباء مشهوره0
(35)-ابن سمير هو محمد ابن سمير شيخ ضنى ذري من ولد علي من عنزه اللي ادخل على الدوله0
(36)-مغير بن غازي من فرسان العليان من الدغيرات من شمر مشهور
(37)-نومان الحسيني من فرسان الظفير قائل ياسابقي ساعة وردنا للينه 0
(38)-الطيار هو كنعان الطيار من فرسان عنزه المشهورين0
(39)-الشريف هو بركات وقصايده مشهوره0
(40)-سعود ابن سعود ابن عبدالعزيز بن محمد بن سعود من ائمة الدوله السعوديه الاولى
هؤلاء هم الاربعين وغير هؤلاء فهو مضاف غلطا او عمدا
مواقع النشر (المفضلة)